ကမ္ဘာ​ဦး 21:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ အာဗြဟံ​သည်​လည်း မွေးဖွား​လာ​သော​သား​ဖြစ်​သည့် မိမိ​အတွက်​စာရာ​မွေးဖွား​ပေး​သော​သား​၏​အမည်​ကို ဣဇက် ဟု​မှည့်ခေါ်​လေ​၏​။

Common Language Bible

³ အာ​ဗြ​ဟံ​သည်​ထို​သား​ကို​ဣ​ဇာက်​ဟု​နာ​မည် မှည့်​၍၊-

Garrad Bible

³ အာ ဗြ ဟံ သည် စာ ရာ ဖွား ၍ ရ သော သား ကို ဣ ဇာက် အ မည် ဖြင့် မှည့် လျက်၊

Judson Bible

³ အာ​ဗြ​ဟံ​သည်​လည်း၊ မိ​မိ​ရ​သော​သား​တည်း​ဟူ​သော၊ စာ​ရာ​ဖွား​သော​သား​ကို ဣ​ဇာက်​အ​မည်​ဖြင့် မှည့်​လေ၏။

ကမ္ဘာ​ဦး 21:3 ပူးပေါင်းရင်းမြစ်များ

ကမ္ဘာ​ဦး 17:19

ဘုရားသခင်​က​လည်း “​မှန်​ပေ​၏​။ သို့သော် သင်​၏​မယား​စာရာ​သည် သင့်​အတွက် သား​ကို​မွေးဖွား​လိမ့်မည်​။ သင်​သည် သူ​၏​အမည်​ကို ဣဇက်​ဟု မှည့်ခေါ်​ရ​မည်​။ ငါ​သည် ငါ​၏​ပဋိညာဉ်​ကို သူ​၌​တည်​စေ​၍ နောင်လာမည့် သူ​၏​သားစဉ်မြေးဆက်​တို့​အတွက် ထာဝရ​ပဋိညာဉ်​ဖြစ်​စေ​မည်​။

ကမ္ဘာ​ဦး 17:21

သို့သော် ငါ​သည် နောင်​နှစ် သတ်မှတ်​ထား​သော​ဤ​အချိန်​တွင် သင့်​အတွက် စာရာ​မွေးဖွား​မည့်​ဣဇက်​၌ ငါ​၏​ပဋိညာဉ်​ကို​တည်​စေ​မည်​”​ဟု မိန့်​တော်မူ​၏​။

ကမ္ဘာ​ဦး 21:12

သို့ရာတွင် ဘုရားသခင်​က အာဗြဟံ​အား “​ထို​သူငယ်​နှင့်​ပတ်သက်၍​လည်းကောင်း​၊ သင်​၏​ကျွန်မ​နှင့်​ပတ်သက်၍​လည်းကောင်း စိတ်ဒုက္ခ​မ​ဖြစ်​နှင့်​။ သင့်​အား စာရာ​ပြော​သမျှ​သော​စကား​ကို နားထောင်​လော့​။ အကြောင်းမူကား ဣဇက်​မှ​ဆင်းသက်​သော​သူ​သည် သင်​၏​အမျိုးအနွယ်​ဟူ၍ ခေါ်ဝေါ်​ခြင်း​ခံရ​လိမ့်မည်​။

ကမ္ဘာ​ဦး 21:6

စာရာ​က​လည်း “​ငါ​ရယ်​ရ​သော​အခွင့်​ကို ဘုရားသခင်​ပေး​တော်မူ​ပြီ​။ ဤ​အကြောင်း​ကို​ကြား​သော​သူ​အားလုံး​တို့​သည်​လည်း ငါ​နှင့်အတူ​ရယ်​ကြ​လိမ့်မည်​”​ဟု ဆို​၏​။

ကမ္ဘာ​ဦး 22:2

ကိုယ်တော်​က​လည်း “​သင်​၏​သား​၊ သင်​ချစ်​သော သင်​၏​တစ်ဦးတည်း​သော​သား ဣဇက်​ကို​ခေါ်​၍ မောရိ​ပြည်​သို့​သွား​လော့​။ ထို​အရပ်​၌ သင့်​အား​ငါ​ပြ​မည့်​တောင်​တစ်​လုံး​ပေါ်တွင် သူ့​ကို​မီးရှို့ရာယဇ်​အဖြစ် ပူဇော်​လော့​”​ဟု မိန့်​တော်မူ​၏​။

ကမ္ဘာ​ဦး 25:19

အာဗြဟံ​သား​ဣဇက်​၏​အတ္ထုပ္ပတ္တိ​ကား ဤသို့​ဖြစ်​၏​။ အာဗြဟံ​သည် သား​ဣဇက်​ကို​ရ​၏​။

မဿဲ 1:2

အာဗြဟံ​သည် သား​ဣဇက်​ကို​ရ​၏။ ဣဇက်​သည် သား​ယာကုပ်​ကို​ရ​၏။ ယာကုပ်​သည် သား​ယုဒ​နှင့်​သူ​၏​ညီအစ်ကို​များ​ကို​ရ​၏။

တမန်တော်ဝတ္ထု 7:8

ဘုရားသခင်​သည် အရေဖျား​လှီး​ခြင်း​နှင့်ဆိုင်သော​ပဋိညာဉ်​ကို​လည်း အာဗြဟံ​အား​ပေး​တော်မူ​သဖြင့် သူ​သည် သား​ဣဇက်​ကို​ရ​သောအခါ ရှစ်​ရက်​မြောက်​သော​နေ့​၌ သူ့​အား အရေဖျား​လှီး​ခြင်း​ပေး​ခဲ့​၏။ ဣဇက်​သည် သား​ယာကုပ်​ကို​လည်းကောင်း​၊ ယာကုပ်​သည် တစ်ဆယ့်နှစ်​ပါး​သော​မျိုးနွယ်စု​ဖခင်​တို့​ကို​လည်းကောင်း ရ​လေ​၏။

ရော​မ 9:7

အာဗြဟံ​၏​အမျိုးအနွယ်​ဖြစ်​သောကြောင့် အားလုံး​သည် သားသမီး​များ​ဖြစ်​ကြ​သည်​မ​ဟုတ်။ “ဣဇက်​မှ​ဆင်းသက်​သော​သူ​သည် သင်​၏​အမျိုးအနွယ်​ဟူ၍ ခေါ်ဝေါ်​ခြင်း​ခံရ​လိမ့်မည်”​ဟု အမိန့်​တော်​ရှိ​၏။

ဟေ​ဗြဲ 11:18

ထို​သား​နှင့်​ပတ်သက်၍ “ဣဇက်​မှ​ဆင်းသက်​သော​သူ​သည် သင်​၏​အမျိုးအနွယ်​ဟူ၍ ခေါ်ဝေါ်​ခြင်း​ခံရ​လိမ့်မည်”​ဟု မြွက်ဆို​ထား​၏။

ယော​ရှု 24:3

ငါ​သည် သင်​တို့​အဖ​အာဗြဟံ​ကို ယူဖရေးတီး​မြစ်​တစ်ဖက်​မှ ခေါ်ထုတ်​၍ ခါနာန်​ပြည်​အရပ်ရပ်​သို့​ပို့ဆောင်​ခဲ့​၏​။ သူ​၏​သားစဉ်မြေးဆက်​ကို များပြား​စေ​၏​။ သူ့​အား သား​ဣဇက်​ကို ငါ​ပေး​၏​။