ကမ္ဘာ​ဦး 21:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ဘုရားသခင်​သည် သူငယ်​နှင့်အတူ​ရှိ​တော်မူ​၏​။ သူ​သည် ကြီးပြင်း​လာ​၍ တောကန္တာရ​၌​နေထိုင်​ပြီး လေးသမား​ဖြစ်လာ​၏​။

Common Language Bible

²⁰ ဘု​ရား​သ​ခင်​သည်​သူ​ငယ်​နှင့်​အ​တူ​ရှိ​တော် မူ​၏။ သူ​ငယ်​သည်​လည်း​ကြီး​ထွား​၍​ပါ​ရန်​ဟု ခေါ်​သော​တော​ကန္တာ​ရ​၌​နေ​ထိုင်​သ​ဖြင့်​ကျင် လည်​သော​မုဆိုး​ဖြစ်​လာ​သည်။-

Garrad Bible

²⁰ ထို သူ ငယ် နှင့် အ တူ ဘု ရား သ ခင် ရှိ တော် မူ သ ဖြင့် သူ ကြီး ပွား ၍ တော၌ နေ လျက် အ ရွယ် ရောက် သော် လေး သ မား ဖြစ် လေ ၏။

Judson Bible

²⁰ ထို​လု​လင်​ဘက်၌​လည်း၊ ဘု​ရား​သ​ခင်​ရှိ​တော်​မူ၏။ သူ​သည်​ကြီး​ပွား၍ တော၌​နေ​သ​ဖြင့်၊ လေး​သ​မား​ဖြစ်​လေ၏။

ကမ္ဘာ​ဦး 21:20 ပူးပေါင်းရင်းမြစ်များ

ကမ္ဘာ​ဦး 10:9

သူ​သည် ထာဝရဘုရား​ရှေ့​တော်​၌ အစွမ်းထက်​သော​မုဆိုး​ဖြစ်​၏​။ ထို့ကြောင့် “​ထာဝရဘုရား​၊ ထံတော်ပါးဝယ်​၊ စွမ်းအား​ပြည့်ဖြိုး​၊ မုဆိုးမည်ရ​၊ နိမ်ရောဒ​အလား​”​ဟု ဆို​လေ့​ရှိ​ကြ​၏​။

ကမ္ဘာ​ဦး 16:12

သူ​သည် မြည်းရိုင်း​ကဲ့သို့သော​သူ​ဖြစ်​ပြီး သူ​သည် လူ​တိုင်း​ကို​ဆန့်ကျင်​လိမ့်မည်​။ လူ​တိုင်း​သည်​လည်း သူ့​ကို​ဆန့်ကျင်​လိမ့်မည်​။ သူ​သည် မိမိ​ညီအစ်ကို​အပေါင်း​တို့​နှင့် ရန်ဘက်ပြု​လျက်​နေထိုင်​လိမ့်မည်​”​ဟု မြွက်ဆို​၏​။

ကမ္ဘာ​ဦး 17:20

ဣရှမေလ​အတွက် သင်​လျှောက်​သော​အရာ​ကို​လည်း ငါ​ကြား​ရ​ပြီ​။ ကြည့်ရှု​လော့​။ ငါ​သည် သူ့​ကို​ကောင်းချီးပေး​မည်​။ သူ့​ကို​ပွားများ​စေ​၍ အလွန့်အလွန်​တိုးပွား​စေ​မည်​။ သူ​သည် ခေါင်းဆောင်​တစ်ဆယ့်​နှစ်​ပါး​တို့​၏​ဖခင် ဖြစ်လာ​လိမ့်မည်​။ ငါ​သည် သူ့​ကို​ကြီးမြတ်​သော​လူမျိုး​ဖြစ်​စေ​မည်​။

ကမ္ဘာ​ဦး 25:27

သူငယ်​တို့​သည် ကြီးပြင်း​လာ​သောအခါ ဧသော​သည် တော​၌​ကျင်လည်​သော​မုဆိုးကောင်း​ဖြစ်​၏​။ ယာကုပ်​မူကား လူရိုးလူအေး​တစ်​ယောက်​ဖြစ်၍ တဲ​၌​နေ​လေ့​ရှိ​၏​။

ကမ္ဘာ​ဦး 27:3

ငါ​မ​သေ​မီ သင့်​ကို ငါ​ကောင်းချီးပေး​ဖို့ သင်​၏​လက်စွဲ​တော် လေး​နှင့်​မြားအိမ်​ကို​ယူ​၍ တော​သို့​သွား​ပြီး ငါ့​အဖို့ တောကောင်​ကို​လိုက်​လော့​။

ကမ္ဘာ​ဦး 28:15

ကြည့်ရှု​လော့​။ ငါ​သည် သင်​နှင့်အတူ​ရှိ​၏​။ သင်​သွား​လေရာရာ​၌ သင့်​ကို​စောင့်ရှောက်​၍ ဤ​ပြည်​သို့ သင့်​ကို ပြန်ခေါ်လာ​ဦး​မည်​။ အကယ်စင်စစ် သင့်​အား​ငါ​ကတိပေး​သည့်​အရာ မ​ပြည့်စုံ​မ​ချင်း ငါ​သည် သင့်​ကို​စွန့်ပစ်​မည်​မ​ဟုတ်​”​ဟု မိန့်​တော်မူ​၏​။

ကမ္ဘာ​ဦး 39:21

သို့သော်လည်း ထာဝရဘုရား​သည် ယောသပ်​နှင့်အတူ​ရှိ​၍ သူ့​ကို မေတ္တာကရုဏာ​ပြ​လျက် ထောင်မှူး​ရှေ့​၌ မျက်နှာရ​စေ​တော်မူ​၏​။

လုကာ 1:80

သူငယ်​သည်​လည်း​ကြီးထွား​၍ စိတ်​ဝိညာဉ်​ကြံ့ခိုင်​လာ​ကာ အစ္စရေး​လူမျိုး​ရှေ့၌ ထင်ရှား​သည့်​နေ့ရက်​တိုင်အောင် တော​ကန္တာရ​၌​နေ​လေ​၏။

လုကာ 2:40

သူငယ်​သည်​လည်း​ကြီးထွား​၍ ကြံ့ခိုင်​သန်စွမ်း​လာ​ကာ ဉာဏ်ပညာ​နှင့်​ပြည့်စုံ​၏။ ဘုရားသခင်​၏​ကျေးဇူး​တော်​သည်​လည်း သူ့​အပေါ်၌​တည်​လေ​၏။

သူ​ကြီး 6:12

ထိုအခါ ထာဝရဘုရား​၏​ကောင်းကင်တမန်​က ကိုယ်ထင်ရှားပြ​၍ သူ့​အား “​ရဲစွမ်းသတ္တိ​ရှိ​သော​စစ်သူရဲ​၊ ထာဝရဘုရား​သည် သင်​နှင့်အတူ ရှိ​တော်မူ​၏​”​ဟု ဆို​၏​။