ကမ္ဘာ​ဦး 2:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ မြေကြီး​ပေါ်၌ မည်သည့်​တော​ချုံ​မျှ​မ​ရှိ​သေး​၊ မည်သည့်​တော​မြက်ပင်​မျှ​လည်း​မ​ပေါက်​သေး​။ အကြောင်းမူကား ထာဝရအရှင်​ဘုရားသခင်​သည် မြေကြီး​ပေါ်၌ မိုး​ကို​ရွာ​စေ​တော်​မ​မူ​သေး​။ မြေ​ကို​ထွန်ယက်​လုပ်ကိုင်​သော​လူ​လည်း မ​ရှိ​သေး​ချေ​။

Common Language Bible

⁵ မြေ​ပေါ်​သို့​မိုး​ကို​ရွာ​စေ​တော်​မ​မူ​သေး​သ ဖြင့်​အ​ပင်​မ​ပေါက်၊ အ​ညှောက်​လည်း​မ​ထွက် သေး။ မြေ​ကို​ထွန်​ယက်​မည့်​သူ​လည်း​မ​ရှိ​သေး။-

Garrad Bible

⁵ ထာ၀ ရ ဘု ရား သ ခင် သည် မြေ ပေါ်၌ မိုး ကို ရွာ စေ တော် မ မူ။ မြေ၌ လုပ် သော သူ လည်း မ ရှိ သေး သည် ဖြစ်၍ မြေ ပေါ် တွင် ကွင်း ပြင် မှာ အ ပင် အညှောက် မ ပေါ်။ ကောက် ပဲ လည်း မ ပေါက် သေး။

Judson Bible

⁵ မြေ​၌ လယ်​ယာ​ပျိုး​ပင်​မ​ပေါက်​မီ၊ လယ်​ယာ​၌​စ​ပါး​ပင်​မ​ကြီး​ပွား​မီ၊ အ​ပင်​ရှိ​သ​မျှ​တို့​ကို ဖန်​ဆင်း​တော်​မူ၏။ ထို​အ​ခါ ထာ​ဝ​ရ​အ​ရှင်​ဘု​ရား​သ​ခင်​သည် မြေ​ပေါ်​၌ မိုး​ကို​ရွာ​စေ​တော်​မ​မူ​သေး။ မြေ၌​လုပ်​သော​လူ​လည်း မ​ရှိ​သေး​သည်​ဖြစ်​၍၊

ကမ္ဘာ​ဦး 2:5 ပူးပေါင်းရင်းမြစ်များ

ကမ္ဘာ​ဦး 2:6

သို့သော် မြေကြီး​မှ​ရေခိုးရေငွေ့​ထွက်​၍ မြေ​တစ်ပြင်လုံး​ကို စိုစွတ်​စေ​၏​။

ကမ္ဘာ​ဦး 3:23

ထို့ကြောင့် ထာဝရအရှင်​ဘုရားသခင်​သည် လူ​ကို ဧဒင်​ဥယျာဉ်​ထဲမှ​နှင်ထုတ်​၍ မြေ​မှ​ဖြစ်လာ​သော​လူ​ကို ထို​မြေ​ကို​ပင် ထွန်ယက်​လုပ်ကိုင်​စေ​၏​။

ကမ္ဘာ​ဦး 4:12

သင်​သည် မြေ​ကို​ထွန်ယက်​လုပ်ကိုင်​သော်လည်း မြေ​သည် မိမိ​၏​အသီးအနှံ​ကို သင့်​အား ပေး​တော့​မည်​မ​ဟုတ်​။ သင်​သည် ကမ္ဘာမြေကြီး​ပေါ်တွင် အတည်တကျ​နေစရာ​မ​ရှိ​၊ လှည့်လည်သွားလာ​သူ​ဖြစ်​ရ​လိမ့်မည်​”​ဟု မိန့်​တော်မူ​၏​။

ကမ္ဘာ​ဦး 4:2

တစ်ဖန် သူ့​ညီ​အာဗေလ​ကို​မွေးဖွား​လေ​၏​။ အာဗေလ​သည် သိုးထိန်း​ဖြစ်​၏​။ ကာဣန​မူကား မြေ​ကို​ထွန်ယက်​လုပ်ကိုင်​သော​သူ​ဖြစ်​၏​။

ယောဘဝတ္တု။ 5:10

မြေ​မျက်နှာပြင်​ပေါ်တွင် မိုးရွာ​စေ​သော​အရှင်​၊ လယ်ကွင်း​များ​သို့ ရေ​ကို​ရောက်​စေ​သော​အရှင် ဖြစ်​တော်မူ​၏​။

ဆာ​လံ 104:14

ကိုယ်တော်​သည် တိရစ္ဆာန်​အတွက် မြက်ပင်​ကို​လည်းကောင်း​၊ လူ​တို့​စိုက်ပျိုး​ရန်​အတွက် အပင်​ကို​လည်းကောင်း ပေါက်​စေ​တော်မူ​၍ မြေကြီး​ထဲမှ အစားအစာ​ကို​လည်းကောင်း​၊

ဆာ​လံ 135:7

ကိုယ်တော်​သည် မိုးတိမ်​များ​ကို ကမ္ဘာမြေကြီး​အစွန်း​မှ​တက်လာ​စေ​၍ မိုး​နှင့်အတူ​လျှပ်စီး​များ​ကို​ဖြစ်ပေါ်​စေ​ကာ လေ​ကို မိမိ​၏​သိုလှောင်​တိုက်​မှ ထုတ်ဆောင်​တော်မူ​၏​။

ယေ​ရ​မိ 10:12

ကိုယ်တော်​သည် တန်ခိုး​တော်​အားဖြင့် မြေကြီး​ကို​ဖန်ဆင်း​တော်မူ​၏​။ ဉာဏ်ပညာ​အားဖြင့် ကမ္ဘာကြီး​ကို တည်​တော်မူ​၏​။ ထိုးထွင်းဉာဏ်​အားဖြင့် ကောင်းကင်​ကို ဖြန့်ကြက်​တော်မူ​၏​။

ယေ​ရ​မိ 10:13

ကိုယ်တော်​အသံ​ပေး​တော်မူ​သောအခါ ကောင်းကင်​ရှိ​ရေ​တို့​သည် ဟုန်းဟုန်းမြည်​ကြ​ပါ​၏​။ မိုးတိမ်​ကို မြေကြီး​စွန်း​မှ တက်လာ​စေ​၏​။ မိုး​ကို​ရွာ​စေ​တော်မူ​၏​။ လျှပ်စီး​ကို​လက်​စေ​တော်မူ​၏​။ ဘဏ္ဍာတိုက်​ထဲမှ လေ​ကို​ထုတ်​တော်မူ​၏​။

ယေ​ရ​မိ 14:22

လူမျိုးခြား​တို့​၏​ရုပ်တု​တို့​သည် မိုး​ကို​ရွာ​စေ​နိုင်​သလော​။ ကောင်းကင်​သည်​လည်း မိုး​ကို​ရွာ​စေ​နိုင်​သလော​။ အကျွန်ုပ်​တို့​၏​ဘုရားသခင်​ထာဝရဘုရား​၊ ကိုယ်တော်​သာလျှင် တတ်နိုင်​တော်မူ​သည်​မ​ဟုတ်​လော​။ ကိုယ်တော်​သည် အလုံးစုံ​ကို တတ်နိုင်​တော်မူ​သည်​ဖြစ်၍ အကျွန်ုပ်​တို့​သည် ကိုယ်တော်​ကို​စောင့်မျှော်​ပါ​၏​။

မဿဲ 5:45

သို့မှသာ သင်​တို့​သည် ကောင်းကင်​ဘုံ​၌​ရှိ​တော်မူ​သော သင်​တို့​အဖ​၏​သား​များ​ဖြစ်​ကြ​လိမ့်မည်။ အကြောင်းမူကား ကိုယ်တော်​သည် မကောင်း​သော​သူ​များ​နှင့်​ကောင်း​သော​သူ​များ​အပေါ် မိမိ​၏​နေ​ကို​ထွက်​စေ​တော်မူ​၍ ဖြောင့်မတ်​သော​သူ​များ​နှင့်​မ​ဖြောင့်မတ်​သော​သူ​များ​အပေါ် မိုး​ရွာ​စေ​တော်မူ​၏။

ဟေ​ဗြဲ 6:7

အကြောင်းမူကား မြေကြီး​သည် မိမိ​အပေါ်​အကြိမ်ကြိမ်​ကျ​သော​မိုး​ရေ​ကို​သောက်​လျက် ထွန်ယက်​စိုက်ပျိုး​သော​သူ​တို့​အတွက် အသုံးဝင်​သည့်​အသီးအနှံ​များ​ကို​ဖြစ်ထွန်း​စေ​ပါက ဘုရားသခင်​ထံမှ​ကောင်းချီး​မင်္ဂလာ​ကို​ခံစား​ရ​၏။