ကမ္ဘာ​ဦး 18:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထိုအခါ အာဗြဟံ​သည် တဲ​ထဲ၌​ရှိ​သော​စာရာ​ထံသို့ အလျင်အမြန်​ဝင်သွား​ပြီး “​အကောင်းဆုံး​ဂျုံမှုန့် သုံး​စေအာ​ကို​နယ်​၍ မုန့်ပြား​များ အမြန်​လုပ်​ပါ​”​ဟု ဆို​၏​။

Common Language Bible

⁶ အာ​ဗြ​ဟံ​သည်​တဲ​ထဲ​ရှိ​စာ​ရာ​ထံ​သို့​အ​လျင် အ​မြန်​ဝင်​သွား​ပြီး​လျှင်``အ​ကောင်း​ဆုံး​မုန့်​ညက် ကို​ယူ​၍​မုန့်​အ​မြန်​ဖုတ်​ပါ'' ဟု​စေ​ခိုင်း​လေ သည်။-

Garrad Bible

⁶ အာ ဗြ ဟံ လည်း တဲ အ တွင်း စာ ရာ့ ထံ သို့ အ လျင် ဝင် သွား ပြီး လျှင် ဂျုံ မုန့် ညက် သုံး စိတ် ကို အ မြန် ပြင် ဆင် နယ် ၍ မုန့် လုပ် ပါ ဟု ဆို လေ ၏။

Judson Bible

⁶ အာ​ဗြ​ဟံ​သည်​လည်း၊ တဲ​အ​တွင်း၌​ရှိ​သော စာ​ရာ​ဆီ​သို့ အ​လျင်​အ​မြန်​ဝင်​ပြီး​လျှင်၊ ဂျုံ​မုန့်​ညက်​သုံး​စ​လယ်​ကို အ​သော့​ပြင်၍ နယ်​ပါ။ ပေါင်​မုန့်​ကို​လုပ်​ပါ​ဟု​ဆို​လေ၏။

ကမ္ဘာ​ဦး 18:6 ပူးပေါင်းရင်းမြစ်များ

ကမ္ဘာ​ဦး 18:5

စားစရာ​အနည်းငယ်​ကို​လည်း ယူလာ​ပါ​မည်​။ အရှင်​တို့​၏​အစေအပါး​ထံသို့​ရောက်လာ​ပြီ​ဖြစ်၍ အားဖြည့်​ပြီးမှ ခရီးဆက်​ကြ​ပါ​”​ဟု ဆို​လေ​၏​။ သူ​တို့​က​လည်း “​သင်​ပြော​သည့်​အတိုင်း​ပြု​ပါ​လော့​”​ဟု ဆို​ကြ​၏​။

ကမ္ဘာ​ဦး 18:7

ထို့နောက် အာဗြဟံ​သည် နွားအုပ်​ရှိ​ရာ​သို့​ပြေး​၍ နုနယ်​ဆူဖြိုး​သော​နွားသငယ်​တစ်​ကောင်​ကို​ရွေးယူ​ပြီးလျှင် ငယ်သား​ထံ​အပ်​လိုက်​ရာ ထို​ငယ်သား​သည် အလျင်အမြန်​ချက်ပြုတ်​လေ​၏​။

ကမ္ဘာ​ဦး 19:3

သို့သော် လောတ​သည် သူ​တို့​ကို မရမက​ဖိတ်ခေါ်​သောကြောင့် သူ​တို့​သည် သူ​နှင့်အတူ​လိုက်လာ​၍ သူ​၏​အိမ်​သို့​ဝင်​ကြ​၏​။ လောတ​သည် သူ​တို့​အတွက် စားသောက်ပွဲ​ပြင်ဆင်​၍ တဆေးမဲ့မုန့်​ကို​ဖုတ်​လေ​၏​။ သူ​တို့​သည်​လည်း စား​ကြ​၏​။

၂ ရာ 13:6

ထို့ကြောင့် အာမနုန်​သည် နေမကောင်း​ယောင်ဆောင်​ပြီး လှဲ​နေ​လေ​၏​။ ရှင်ဘုရင်​လာကြည့်​သောအခါ အာမနုန်​က ရှင်ဘုရင်​အား “​အကျွန်ုပ်​၏​နှမ တာမာ​ကို လွှတ်ပေး​ပြီး အကျွန်ုပ်​ရှေ့​တွင် မုန့်​နှစ်​ပြား​ကို​လုပ်ပေး​စေ​ပါ​။ သူ့​လက်​နှင့် ခွံ့ကျွေး​သည်​ကို အကျွန်ုပ်​စား​လို​ပါ​၏​”​ဟု လျှောက်​လျှင်

ဆာ​လံ 119:60

အကျွန်ုပ်​သည် ကိုယ်တော်​၏​ပညတ်တော်​တို့​ကို စောင့်ထိန်း​ရန် တုံ့ဆိုင်း​မ​နေ​ဘဲ အလျင်အမြန်​လုပ်ဆောင်​ပါ​၏​။

ဟေ​ရှာ​ယ 32:8

မြင့်မြတ်​သော​သူ​ကား မြင့်မြတ်​သော​အကြံ​ကို ကြံစည်​တတ်​၏​။ မြင့်မြတ်​သော​အမှု​၌ တည်​၏​။

မဿဲ 13:33

အခြား​သော​ပုံ​ဥပမာ​ကို သူ​တို့​အား မြွက်ဆို​တော်မူ​သည်​မှာ“ကောင်းကင်​နိုင်ငံ​တော်​သည် တဆေး​နှင့်​တူ​၏။ အမျိုးသမီး​တစ်​ဦး​သည် ၎င်း​ကို​ယူ​၍ ဂျုံမှုန့်​သုံး​စိတ်​ထဲတွင်​ထည့်​လိုက်​သော် မုန့်ညက်​တစ်ပုံလုံး​ကို​ဖောင်းပွ​စေ​၏”​ဟု မိန့်​တော်မူ​၏။

တမန်တော်ဝတ္ထု 16:15

သူ​သည် မိမိ​အိမ်သူအိမ်သား​များ​နှင့်အတူ ဗတ္တိဇံ​ခံ​ပြီး​သောအခါ “ကျွန်မ​သည် သခင်​ဘုရား​ကို​ယုံကြည်​သူ​ဖြစ်​သည်​ဟု သင်​တို့​ယူဆ​လျှင် ကျွန်မ​အိမ်​သို့ လာရောက်​တည်းခို​ကြ​ပါ”​ဟု တောင်းပန်​လျက် ငါ​တို့​ကို​မရအရ​ဖိတ်ခေါ်​လေ​၏။

ရော​မ 12:13

သန့်ရှင်း​သူ​တို့​၏​လိုအပ်​ချက်​များ​ကို ပါဝင်​ဖြည့်ဆည်း​လျက် ဧည့်ဝတ်​ကို ကြိုးစား​ပြု​ကြ​လော့။

ဂ​လာ​တိ 5:13

ညီအစ်ကို​တို့၊ သင်​တို့​သည် လွတ်လပ်​မှု​အတွက် ခေါ်ယူ​တော်မူ​ခြင်း​ခံရ​ကြ​၏။ သို့သော် ထို​လွတ်လပ်​မှု​ကို သွေးသား​ဇာတိ​အတွက် အခွင့်အရေး​တစ်​ခု​အနေဖြင့် မ​သုံး​ဘဲ မေတ္တာ​အားဖြင့် အချင်းချင်း​အစေခံ​ကြ​လော့။

ဟေ​ဗြဲ 13:2

ဧည့်ဝတ်​ပြု​ခြင်း​ကို မ​မေ့လျော့​ကြ​နှင့်။ အကြောင်းမူကား အချို့​တို့​သည် ထို​ဝတ်​ကို​ပြု​ခြင်း​အားဖြင့် ကောင်းကင်​တမန်​များ​ကို အမှတ်မထင်​ဧည့်ခံ​ခဲ့​ကြ​၏။

၁ ပေ 4:9

ညည်းညူ​ခြင်း​မ​ရှိ​ဘဲ အချင်းချင်း​ဧည့်ဝတ်​ကျေပွန်​ကြ​လော့။

သူ​ကြီး 6:19

ဂိဒေါင်​လည်း သွား​၍ ဆိတ်သငယ်​တစ်​ကောင်​နှင့် မုန့်ညက်​တစ်​ဧဖာ​ဖြင့်​လုပ်​သော တဆေးမဲ့မုန့်​ကို ပြင်ဆင်​၏​။ အသား​ကို တောင်း​ထဲ​ထည့်​၍ အသားပြုတ်ရည်​ကို အိုး​ထဲ​ထည့်​ကာ သပိတ်ပင်​အောက်​ရှိ ကိုယ်တော့်​ထံ ယူလာ​၍ ဆက်သ​၏​။

၁ ရာ 28:24

ထို​မိန်းမ​သည် အိမ်​၌​ရှိ​သော​ဆူဖြိုး​သည့်​နွားသငယ်​ကို ချက်ချင်း​သတ်​၏​။ မုန့်ညက်​ကို​လည်း ယူ​၍​နယ်​ပြီးလျှင် တဆေးမဲ့မုန့်​ကို ဖုတ်​လေ​၏​။