ကမ္ဘာ​ဦး 18:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² သူ​သည် မျှော်ကြည့်​လိုက်​ရာ လူ​သုံး​ယောက်​သည် သူ​နှင့်​မလှမ်းမကမ်း​တွင်​ရပ်​နေ​ကြ​သည်​ကို မြင်​လေ​၏​။ အာဗြဟံ​သည် သူ​တို့​ကို​မြင်​သောအခါ ကြိုဆို​ရန် တဲ​အဝင်ဝ​မှ​ပြေးထွက်​လာ​၍ မြေ​မှာ​ပျပ်ဝပ်​ပြီးလျှင်

Common Language Bible

² မျက်​နှာ​ကို​မော်​ကြည့်​လိုက်​ရာ လူ​သုံး​ဦး​ရပ်​နေ​သည် ကို​တွေ့​မြင်​ရ​လေ​သည်။ အာ​ဗြ​ဟံ​သည်​သူ​တို့​ကို မြင်​လျှင် ခ​ရီး​ဦး​ကြို​ဆို​ခြင်း​ငှာ​ပြေး​သွား​လေ​၏။ သူ​သည်​ဦး​ညွှတ်​ပျပ်​ဝပ်​လျက်၊-

Garrad Bible

² မျှော် ကြည့် ၍ ရှေ့ တွင် ရပ် နေ သူ သုံး ဦး တို့ ကို မြင် သော အ ခါ ခ ရီး ဦး ကြို ပြု ရန် ထို တဲ၀ မှ ပြေးပြီး လျှင် ပျပ်၀ပ် ရှိ ခိုး လျက်၊

Judson Bible

² မျှော်​ကြည့်၍၊ မိ​မိ​ရှေ့​မှာ လူ​သုံး​ယောက်​ရပ်​နေ​ကြ​သည်​ကို​မြင်​သော​အ​ခါ၊ ခ​ရီး​ဦး​ကြို​ပြု​ခြင်း​ငှာ တဲ​တံ​ခါး​ဝ​မှ​ပြေး၍ မြေ​သို့​ဦး​ညွှတ်​ချ​လျက်၊

ကမ္ဘာ​ဦး 18:2 ပူးပေါင်းရင်းမြစ်များ

ကမ္ဘာ​ဦး 17:3

အာဗြံ​သည် ပျပ်ဝပ်​လျက်​နေ​၏​။ ဘုရားသခင်​က

ကမ္ဘာ​ဦး 18:16

ထို့နောက် ထို​လူ​တို့​သည် ထို​အရပ်​မှ​ထသွား​ပြီး သောဒုံ​မြို့​ကို​အပေါ်​စီး​မှ​ကြည့်​ကြ​၏​။ အာဗြဟံ​သည်​လည်း သူ​တို့​ကို​လိုက်ပို့​ရန် သူ​တို့​နှင့်အတူ​သွား​လေ​၏​။

ကမ္ဘာ​ဦး 18:22

ထို​လူ​တို့​သည် ထို​အရပ်​မှ​လှည့်​၍ သောဒုံ​မြို့​သို့​သွား​ကြ​၏​။ အာဗြဟံ​မူကား ထာဝရဘုရား​၏​ရှေ့​တော်​၌ ဆက်၍​ရပ်​နေ​၏​။

ကမ္ဘာ​ဦး 18:3

“​အကျွန်ုပ်​၏​အရှင်​တို့​၊ အကျွန်ုပ်​သည် အရှင်​၏​ရှေ့​၌ မျက်နှာရ​သည်​ဆို​လျှင် အရှင်​၏​အစေအပါး​ကို​ကျော်​မ​သွား​ပါ​နှင့်​။

ကမ္ဘာ​ဦး 19:1

ကောင်းကင်တမန်​နှစ်​ပါး​တို့​သည် နေဝင်ချိန်​၌ သောဒုံ​မြို့​သို့​ရောက်လာ​ကြ​၏​။ ထိုအခါ လောတ​သည် သောဒုံ​မြို့​တံခါးဝ​၌ ထိုင်​လျက်​နေ​၏​။ လောတ​သည် သူ​တို့​ကို​မြင်​သော် ကြိုဆို​ရန်​ထသွား​၍ မြေ​မှာ​ပျပ်ဝပ်​ပြီးလျှင်

ကမ္ဘာ​ဦး 23:12

အာဗြဟံ​သည်​လည်း ထို​ပြည်သား​တို့​ရှေ့​တွင် ပျပ်ဝပ်​ပြီးလျှင်

ကမ္ဘာ​ဦး 23:7

ထိုအခါ အာဗြဟံ​သည်​ထ​၍ ထို​ပြည်သား​များ​ဖြစ်​ကြ​သည့် ဟေသ​အမျိုးသား​တို့​ရှေ့​တွင် ပျပ်ဝပ်​ကာ

ကမ္ဘာ​ဦး 24:63

ဣဇက်​သည် ညချမ်းအချိန်​၌ ကွင်းပြင်​သို့ လမ်းလျှောက်​ထွက်သွား​၍ မျှော်ကြည့်​လိုက်​ရာ ကုလားအုတ်​များ​လာ​နေ​သည်​ကို​မြင်​လေ​၏​။

ကမ္ဘာ​ဦး 32:24

ယာကုပ်​သည် တစ်ယောက်တည်း​ကျန်​ခဲ့​၏​။ ထိုအခါ လူ​တစ်​ယောက်​သည် အရုဏ်တက်​ချိန်​အထိ ယာကုပ်​နှင့်​နပန်းလုံး​လေ​၏​။

ကမ္ဘာ​ဦး 42:6

ထို​အချိန်​၌ ယောသပ်​သည် တိုင်းပြည်​ကို​အုပ်စိုး​သော​ဘုရင်ခံ​ဖြစ်​ပြီး ပြည်သူပြည်သား​အပေါင်း​တို့​အား အစားအစာ​ရောင်းချ​ပေး​သော​သူ​ဖြစ်​၏​။ ယောသပ်​၏​အစ်ကို​တို့​သည်​ရောက်လာ​၍ သူ့​ရှေ့​၌ မြေ​မှာ​ပျပ်ဝပ်​ကြ​၏​။

ကမ္ဘာ​ဦး 43:26

ယောသပ်​အိမ်​သို့​ပြန်ရောက်​သောအခါ သူ​တို့​သည် မိမိ​တို့​၏​လက်ဆောင်​ကို အိမ်​ထဲသို့​ယူဆောင်​လာ​၍ ယောသပ်​ရှေ့​၌ ပျပ်ဝပ်​ကြ​၏​။

ကမ္ဘာ​ဦး 43:28

သူ​တို့​က​လည်း “​သခင့်​အစေအပါး​အကျွန်ုပ်​တို့​၏​ဖခင်​သည် ကျန်းမာ​ပါ​၏​။ အသက်ရှင်​ပါ​သေး​၏​”​ဟု ပြန်လျှောက်​ပြီးလျှင် ဦးညွှတ်​ပျပ်ဝပ်​ကြ​၏​။

ကမ္ဘာ​ဦး 44:14

ယုဒ​နှင့်​သူ​၏​ညီအစ်ကို​တို့​သည် ယောသပ်​၏​အိမ်​သို့​ပြန်ရောက်​သောအခါ ယောသပ်​သည် အိမ်​၌​ပင်​ရှိ​နေ​သေး​၍ သူ​တို့​သည် ယောသပ်​ရှေ့​၌ ညွတ်တွား​ပျပ်ဝပ်​ကြ​၏​။

ကမ္ဘာ​ဦး 48:12

ယောသပ်​သည် မိမိ​၏​သား​တို့​ကို ဖခင်​၏​ဒူး​ကြား​မှ​ထုတ်​ပြီးလျှင် မြေ​မှာ​ပျပ်ဝပ်​လေ​၏​။

၄ ရာ 2:15

တစ်ဖက်ကမ်း​ရှိ ဂျေရိခေါ​မြို့​မှ​ပရောဖက်​အဖွဲ့သား​တို့​သည် ဧလိရှဲ​ကို မြင်​သောအခါ “​ဧလိယ​၏​ဝိညာဉ်​သည် ဧလိရှဲ​အပေါ် တည်​လေ​ပြီ​”​ဟု​ဆို​ပြီး သူ့​ကို လာရောက်​တွေ့ဆုံ​၍ မြေ​မှာ​ပျပ်ဝပ်​လျက်

ရော​မ 12:13

သန့်ရှင်း​သူ​တို့​၏​လိုအပ်​ချက်​များ​ကို ပါဝင်​ဖြည့်ဆည်း​လျက် ဧည့်ဝတ်​ကို ကြိုးစား​ပြု​ကြ​လော့။

ဟေ​ဗြဲ 13:2

ဧည့်ဝတ်​ပြု​ခြင်း​ကို မ​မေ့လျော့​ကြ​နှင့်။ အကြောင်းမူကား အချို့​တို့​သည် ထို​ဝတ်​ကို​ပြု​ခြင်း​အားဖြင့် ကောင်းကင်​တမန်​များ​ကို အမှတ်မထင်​ဧည့်ခံ​ခဲ့​ကြ​၏။

ယော​ရှု 5:13

ယောရှု​သည် ဂျေရိခေါ​မြို့​နား​တွင်​ရှိ​နေ​စဉ် မျှော်ကြည့်​လိုက်​သောအခါ လက်​၌​ဓား​ကိုင်​ထား​သော​လူ​တစ်​ယောက် သူ့​ရှေ့​၌​ရပ်​နေ​သည်​ကို တွေ့​၏​။ ယောရှု​က​လည်း သူ့​ထံ​သွား​၍ “​သင်​သည် ငါ​တို့​ဘက်​က​လော​၊ ရန်သူ​တို့​ဘက်​က​လော​”​ဟု မေး​လေ​၏​။

၁ ပေ 4:9

ညည်းညူ​ခြင်း​မ​ရှိ​ဘဲ အချင်းချင်း​ဧည့်ဝတ်​ကျေပွန်​ကြ​လော့။

သူ​ကြီး 13:3

ထာဝရဘုရား​၏​ကောင်းကင်တမန်​က ထို​အမျိုးသမီး​အား ကိုယ်ထင်ရှားပြ​လျက် “​သင်​သည် မြုံ​သောကြောင့် သားသမီး မ​ရ​ခဲ့​သော်လည်း ယခု ကိုယ်ဝန်ဆောင်​၍ သား​ယောက်ျား​ကို မွေးဖွား​မည်​။

ရု​သ 2:10

ရုသ​က​လည်း မြေ​မှာ​ပျပ်ဝပ်​လျက် “​တစ်ပါးအမျိုးသား​ဖြစ်​သော​အကျွန်ုပ်​ကို သခင်​က အဘယ်ကြောင့် အသိအမှတ်​ပြု​မျက်နှာသာ​ပေး​ပါ​သနည်း​”​ဟု မေး​ရာ