ကမ္ဘာ​ဦး 17:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ သို့သော် ငါ​သည် နောင်​နှစ် သတ်မှတ်​ထား​သော​ဤ​အချိန်​တွင် သင့်​အတွက် စာရာ​မွေးဖွား​မည့်​ဣဇက်​၌ ငါ​၏​ပဋိညာဉ်​ကို​တည်​စေ​မည်​”​ဟု မိန့်​တော်မူ​၏​။

Common Language Bible

²¹ သို့​ရာ​တွင်​နောင်​နှစ်​ဤ​အ​ချိန်​ခန့်​၌​စာ​ရာ​မွေး ဖွား​မည့် သင်​၏​သား​ဣဇာက်​၌​လည်း​ငါ​၏​ပ​ဋိ​ညာဉ် ကို​တည်​စေ​မည်'' ဟု​မိန့်​တော်​မူ​၏။-

Garrad Bible

²¹ ငါ့ ပ ဋိ ညာ ဥ် ကို ကား ယ ခု အ ခါ သ မ ယ တွင် စာ ရာ ဖွား အံ့ သော သား ဣ ဇာက် နှင့် သာ ငါ ဖွဲ့ ထား မည် ဟု မိန့် တော် မူ ပြီး လျှင်၊

Judson Bible

²¹ သို့​သော်​လည်း၊ နောင်​နှစ်၊ ချိန်း​ချက်​သော​အ​ချိန်​တွင်၊ စာ​ရာ​သည် သင်​အား​ဖွား​လ​တ္တံ့​သော​သား​ဣ​ဇာက်၌၊ ငါ၏​ပ​ဋိ​ညာဉ်​ကို ငါ​တည်​စေ​မည်​ဟု မိန့်​တော်​မူ​ပြီး​လျှင်၊

ကမ္ဘာ​ဦး 17:21 ပူးပေါင်းရင်းမြစ်များ

ကမ္ဘာ​ဦး 17:19

ဘုရားသခင်​က​လည်း “​မှန်​ပေ​၏​။ သို့သော် သင်​၏​မယား​စာရာ​သည် သင့်​အတွက် သား​ကို​မွေးဖွား​လိမ့်မည်​။ သင်​သည် သူ​၏​အမည်​ကို ဣဇက်​ဟု မှည့်ခေါ်​ရ​မည်​။ ငါ​သည် ငါ​၏​ပဋိညာဉ်​ကို သူ​၌​တည်​စေ​၍ နောင်လာမည့် သူ​၏​သားစဉ်မြေးဆက်​တို့​အတွက် ထာဝရ​ပဋိညာဉ်​ဖြစ်​စေ​မည်​။

ကမ္ဘာ​ဦး 18:10

သူ​တို့​ထဲမှ တစ်​ယောက်​က “​နောင်နှစ် ဤသို့သော​အချိန်အခါ​၌ ငါ​သည် သင့်​ထံသို့ မုချ​ပြန်လာ​မည်​။ သင်​၏​မယား​စာရာ​သည်​လည်း သား​တစ်​ဦး​ကို​ရရှိ​လိမ့်မည်​”​ဟု ဆို​လေ​၏​။ စာရာ​သည် ထို​သူ​၏​နောက်ဘက်​ရှိ တဲ​အဝင်ဝ​၌ နားထောင်​လျက်​နေ​၏​။

ကမ္ဘာ​ဦး 18:14

ထာဝရဘုရား​အတွက် ခက်ခဲလွန်း​သော​အမှု​တစ်စုံတစ်ခု​ရှိ​သလော​။ သတ်မှတ်​ထား​သော​အချိန်​တည်းဟူသော နောင်နှစ် ဤသို့သော​အချိန်အခါ​၌ ငါ​သည် သင့်​ထံသို့ ပြန်လာ​မည်​။ စာရာ​သည်​လည်း သား​တစ်​ဦး​ကို ရရှိ​လိမ့်မည်​”​ဟု မိန့်​တော်မူ​၏​။

ကမ္ဘာ​ဦး 21:1

ထာဝရဘုရား​သည် မိမိ​မိန့်​တော်မူ​ခဲ့​သည့်​အတိုင်း စာရာ​ကို​အကြည့်အရှု​ကြွလာ​တော်မူ​၏​။ ထာဝရဘုရား​သည် ကတိပေး​တော်မူ​ခဲ့​သည့်​အတိုင်း စာရာ​၌​ပြု​တော်မူ​သဖြင့်

ကမ္ဘာ​ဦး 46:1

ထို့နောက် အစ္စရေး​သည် မိမိ​ပိုင်ဆိုင်​သမျှ​ကို​ယူဆောင်​လျက် ခရီးပြု​လေ​၏​။ ဗေရရှေဘ​အရပ်​သို့​ရောက်​သော် မိမိ​ဖခင်​ဣဇက်​၏​ဘုရားသခင်​အား ယဇ်​ပူဇော်​၏​။

ကမ္ဘာ​ဦး 48:15

အစ္စရေး​သည် ယောသပ်​အား​ကောင်းချီးပေး​လျက် “​ငါ့​ဘိုးဘေး​အာဗြဟံ​နှင့်​ဣဇက်​တို့​ကိုးကွယ်​သော ဘုရားသခင်​၊ ငါ့​အသက်တာ​တစ်လျှောက်လုံး​တွင် ယနေ့​တိုင်အောင် ငါ့​ကို​ထိန်းကျောင်း​တော်မူ​သော​ဘုရားသခင်​၊

ယောဘဝတ္တု။ 14:13

ကိုယ်တော်​သည် အကျွန်ုပ်​ကို မရဏာနိုင်ငံ​တွင် ဝှက်​ထား​ပါစေသော​။ အမျက်​တော်​ပြေ​သည်​အထိ အကျွန်ုပ်​ကို မျက်နှာလွှဲ​ထား​ပါစေသော​။ အကျွန်ုပ်​အား အောက်မေ့​ရ​မည့်​အချိန်​ကို​လည်း သတ်မှတ်​ထား​ပါစေသော​။

ထွက်​မြောက် 2:24

ဘုရားသခင်​သည် သူ​တို့​၏​ညည်းတွား​မြည်တမ်း​သံ​ကို​ကြား​တော်မူ​လျှင် အာဗြဟံ​၊ ဣဇက်​၊ ယာကုပ်​တို့​နှင့် ပြု​ခဲ့​သော​ပဋိညာဉ်​ကို အောက်မေ့​တော်မူ​၏​။

ထွက်​မြောက် 3:6

တစ်ဖန် ဘုရားသခင်​က “​ငါ​သည် သင့်​ဖခင်​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​ဖြစ်​၏​”​ဟု မိန့်​တော်မူ​၏​။ မောရှေ​သည် ဘုရားသခင်​ကို​မကြည့်ဝံ့​သဖြင့် မိမိ​မျက်နှာ​ကို ဖုံးကွယ်​ထား​လေ​၏​။

လုကာ 1:72

ဤသည်ကား ငါ​တို့​၏​ဘိုးဘေး​များ​အပေါ် ကရုဏာ​တော်​ကို​ပြသ​တော်မူ​ရန်​နှင့် ငါ​တို့​ကို ရန်သူ​တို့​လက်​မှ​ကယ်နုတ်​၍ အသက်ရှင်​သမျှ​ကာလ​ပတ်လုံး ကြောက်ရွံ့​ခြင်း​မ​ရှိ​ဘဲ ရှေ့​တော်​၌ သန့်ရှင်း​ခြင်း​နှင့်​ဖြောင့်မတ်​ခြင်း​တို့​ဖြင့် ကိုယ်တော်​ကို ဝတ်ပြု​ရ​သော​အခွင့်​ပေး​မည်​ဟု ငါ​တို့​အဖ​အာဗြဟံ​အား တိုင်တည်​၍​မိန့်​တော်မူ​သည့် ကတိ​သစ္စာ​တည်းဟူသော ကိုယ်တော်​၏​သန့်ရှင်း​သော​ပဋိညာဉ်​ကို အောက်မေ့​တော်မူ​ရန်​ဖြစ်​၏။

တမန်တော်ဝတ္ထု 1:7

ကိုယ်တော်​က​လည်း“ခမည်းတော်​သည် မိမိ​အခွင့်​အာဏာ​ဖြင့် စီရင်​ထား​တော်မူ​သော​ကာလ​များ​၊ သို့မဟုတ် အချိန်အခါ​များ​ကို သင်​တို့​သိ​ရန်​မ​လိုအပ်​ပေ။

ရော​မ 9:9

အဘယ်ကြောင့်​ဆိုသော် ကတိ​တော်​စကား​မှာ “ဤသို့သော​အချိန်အခါ​တွင် ငါ​လာ​ခဲ့​ဦး​မည်။ စာရာ​သည်​လည်း သား​တစ်​ဦး​ကို​ရရှိ​လိမ့်မည်”​ဟူ၍ ဖြစ်​၏။

ဂ​လာ​တိ 3:29

သင်​တို့​သည် ခရစ်တော်​နှင့်​စပ်ဆိုင်​လျှင် အာဗြဟံ​၏​အမျိုးအနွယ်​ဖြစ်၍ ကတိ​တော်​အရ အမွေခံ​များ​ဖြစ်​ကြ​၏။

ဟေ​ဗြဲ 11:9

သူ​သည် ယုံကြည်​ခြင်း​အားဖြင့် ကတိ​ထား​တော်မူ​သော​ပြည်​၌ တိုင်းတစ်ပါးသား​ကဲ့သို့ ဧည့်သည်​အဖြစ်​နေထိုင်​၍ တစ်ခုတည်း​သော​ကတိ​တော်​ကို အတူတကွ​အမွေ​ဆက်ခံ​သူ​များ​ဖြစ်​ကြ​သော ဣဇက်၊ ယာကုပ်​တို့​နှင့်အတူ တဲ​များ​တွင်​နေထိုင်​ကြ​၏။