Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




ကမ္ဘာ​ဦး 17:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

10 ငါ​နှင့်​သင်​တို့​ကြား​၌​လည်းကောင်း​၊ နောင်လာမည့်​သင်​၏​သားစဉ်မြေးဆက်​ကြား​၌​လည်းကောင်း သင်​တို့​စောင့်ထိန်း​ရ​မည့် ငါ​၏​ပဋိညာဉ်​ကား ဤသို့​တည်း​။ သင်​တို့​တွင်​ရှိ​သော​ယောက်ျား​တိုင်း အရေဖျားလှီး​ခြင်း​ကို​ခံရ​မည်​။

အခန်းကိုကြည့်ပါ။ ကော်ပီ

Common Language Bible

10 သင်​နှင့်​သင်​၏​အ​ဆက်​အ​နွယ်​တို့​တွင် ယောကျာ်း တိုင်း​အ​ရေ​ဖျား​လှီး​ခြင်း​မင်္ဂ​လာ​ကို​ခံ​ရ ကြ​မည်။-

အခန်းကိုကြည့်ပါ။ ကော်ပီ

Garrad Bible

10 သင် နှင့် လည်း ကောင်း၊ သင် မှ ဆင်း သက် သော အ မျိုး အ နွယ် တို့ နှင့် လည်း ကောင်း၊ ငါ ဖွဲ့ ထား သော သင် တို့ စောင့် ရှောက် ရ မည့် ပ ဋိ ညာဥ် ဟူ မူ ကား သင် တို့ တွင် ယောက်ျား တိုင်း လှီး ဖြတ် ခြင်း မင်္ဂ လာ ကို ခံ ရ မည်။

အခန်းကိုကြည့်ပါ။ ကော်ပီ

Judson Bible

10 သင်​နှင့်​တ​ကွ သင့်​နောက်၌ သင်၏​အ​မျိုး​အ​နွယ်​သည်၊ ငါ့​ရှေ့​မှာ​စောင့်​ရှောက်​ရ​သော ငါ၏​ပ​ဋိ​ညာဉ်​ဟူ​မူ​ကား၊ သင်​တို့​တွင် သား​ယောက်ျား​တိုင်း အ​ရေ​ဖျား​လှီး​မင်္ဂ​လာ​ကို​ခံ​ရ​မည်။

အခန်းကိုကြည့်ပါ။ ကော်ပီ




ကမ္ဘာ​ဦး 17:10
29 ပူးပေါင်းရင်းမြစ်များ  

သင်​တို့​သည် သင်​တို့​၏​ထိပ်ဖုံးအရေပြား​အသား​၌ အရေဖျားလှီး​ခြင်း​ကို​ခံရ​မည်​။ ၎င်း​သည် ငါ​နှင့်​သင်​တို့​ကြား​၌​ပြု​သော ပဋိညာဉ်​၏​အမှတ်လက္ခဏာ​ဖြစ်​ရ​မည်​။


ထိုအခါ အာဗြဟံ​သည် မိမိ​သား​ဣရှမေလ​မှစ၍ မိမိ​အိမ်​၌​မွေးဖွား​သော​သူ​များ​၊ မိမိ​ငွေ​ဖြင့်​ဝယ်ထား​သော​သူ​များ​စသည့် အာဗြဟံ​၏​အိမ်သူအိမ်သား​များ​ထဲမှ ယောက်ျား​အားလုံး​ကို​ခေါ်​၍ မိမိ​အား ဘုရားသခင်​မိန့်​တော်မူ​သည့်​အတိုင်း ထို​နေ့​၌​ပင် သူ​တို့​၏​ထိပ်ဖုံးအရေပြား​အသား​၌ အရေဖျားလှီး​ခြင်း​မင်္ဂလာ​ကို ပေး​လေ​၏​။


သူ​၏​အိမ်​၌​မွေးဖွား​သော​သူ​များ​၊ တိုင်းတစ်ပါးသား​ထံမှ ငွေ​ဖြင့်​ဝယ်ထား​သော​သူ​များ​စသည့် သူ​၏​အိမ်သူအိမ်သား​ယောက်ျား​အားလုံး​သည် သူ​နှင့်အတူ အရေဖျားလှီး​ခြင်း​ကို​ခံ​ကြ​၏​။


အာဗြဟံ​သည် မိမိ​အား​ဘုရားသခင်​မိန့်မှာ​တော်မူ​သည့်​အတိုင်း သား​ဣဇက်​ကို ရှစ်​ရက်​သား​အရွယ်​၌ အရေဖျားလှီး​ခြင်း​ပေး​လေ​၏​။


သင်​တို့​၌​ရှိ​သော​ယောက်ျား​တိုင်း​သည် ငါ​တို့​ကဲ့သို့​အရေဖျားလှီး​ခြင်း​ကို​ခံ​သော​သူ ဖြစ်​မှသာ​လျှင် ငါ​တို့​သည် သင်​တို့​နှင့်​လိုက်လျော​သဘောတူ​နိုင်​မည်​။


သူ​တို့​အရေဖျားလှီး​ခြင်း​ကို​ခံ​သကဲ့သို့ ငါ​တို့​ထဲ၌​ရှိ​သော​ယောက်ျား​တိုင်း​သည် အရေဖျားလှီး​ခြင်း​ကို​ခံရ​မည်​ဟူသော​အချက်​ဖြင့်​သာ သူ​တို့​သည် ငါ​တို့​နှင့်​လိုက်လျော​သဘောတူ​၍ ငါ​တို့​နှင့်အတူ​နေထိုင်​ပြီး လူမျိုး​တစ်မျိုးတည်း​ဖြစ်​ကြ​မည်​။


သင်​တို့​ထံ၌​တည်းခိုနေထိုင်​သော​တိုင်းတစ်ပါးသား​သည် ထာဝရဘုရား​အဖို့ ပသခါပွဲ​ကို​ကျင်းပ​လို​လျှင် သူ​နှင့်အတူ​ရှိ​သော​ယောက်ျား​အပေါင်း​တို့​သည် အရေဖျားလှီး​ခြင်း​ကို​ခံရ​မည်​။ သို့ပြီးမှ သူ​သည် ပသခါပွဲ​ကို​ပါဝင်​ကျင်းပ​နိုင်​မည်​။ အမျိုးသားချင်း​ကဲ့သို့​လည်း​ဖြစ်​မည်​။ သို့သော် အရေဖျားလှီး​ခြင်း​မ​ခံ​သော​သူ​မည်သူမျှ ပသခါသိုး​ကို​မ​စား​ရ​။


ထိုအခါ ဇိပေါရ​သည် ချွန်ထက်​သော​ကျောက်​ကို​ယူ​၍ မိမိ​သား​၏​ထိပ်ဖုံးအရေပြား​ကို​လှီး​ပြီး ၎င်း​ကို မောရှေ​၏​ခြေ​နှင့်​ထိ​စေ​လျက် “​အကယ်စင်စစ် သင်​သည် သွေး​နှင့်ဆိုင်သော ကျွန်မ​၏​လင်ယောက်ျား​ဖြစ်​ပါ​၏​”​ဟု ဆို​လျှင်


ယုဒ​ပြည်သူ​ဂျေရုဆလင်​မြို့သား​တို့​၊ အရေဖျားလှီး​ခြင်း​ကို​ခံ​၍ သင်တို့ကိုယ်သင်တို့ ထာဝရဘုရား​ထံ​ဆက်ကပ်​ကြ​လော့​။ သင်​တို့​၏​စိတ်နှလုံး​အရေဖျား​ကို ဖယ်ရှား​ကြ​လော့​။ သို့မဟုတ်လျှင် သင်​တို့​၏​ဆိုးညစ်​သော​လုပ်ရပ်​ကြောင့် ငါ့​အမျက်​သည် မီး​ကဲ့သို့ မည်သူ​မျှ​မ​ငြှိမ်း​နိုင်​အောင် တောက်လောင်​လိမ့်မည်​။


မောရှေ​သည် အရေဖျား​လှီး​ခြင်း​ဓလေ့​ကို သင်​တို့​အား​ပေး​ခဲ့​သောကြောင့် သင်​တို့​သည် ဥပုသ်နေ့​၌​ပင် လူ​ကို​အရေဖျား​လှီး​ခြင်း​ပေး​ကြ​၏။ (အမှန်မှာ ဤ​ဓလေ့​သည် မောရှေ​ထံမှ​မ​ဟုတ်​ဘဲ ဘိုးဘေး​များ​ထံမှ​လာ​၏။)


ဘုရားသခင်​သည် အရေဖျား​လှီး​ခြင်း​နှင့်ဆိုင်သော​ပဋိညာဉ်​ကို​လည်း အာဗြဟံ​အား​ပေး​တော်မူ​သဖြင့် သူ​သည် သား​ဣဇက်​ကို​ရ​သောအခါ ရှစ်​ရက်​မြောက်​သော​နေ့​၌ သူ့​အား အရေဖျား​လှီး​ခြင်း​ပေး​ခဲ့​၏။ ဣဇက်​သည် သား​ယာကုပ်​ကို​လည်းကောင်း​၊ ယာကုပ်​သည် တစ်ဆယ့်နှစ်​ပါး​သော​မျိုးနွယ်စု​ဖခင်​တို့​ကို​လည်းကောင်း ရ​လေ​၏။


တစ်နည်းဆိုသော် အပြင်ပန်း​အားဖြင့် ဂျူး​လူမျိုး​ဖြစ်​သော​သူ​သည် ဂျူး​လူမျိုး​အစစ်​အမှန်​မ​ဟုတ်။ အပြင်ပန်း​အားဖြင့် ကိုယ်ကာယ​၌​ခံယူ​သော​အရေဖျား​လှီး​ခြင်း​သည်​လည်း အရေဖျား​လှီး​ခြင်း​အစစ်​အမှန်​မ​ဟုတ်။


ဘုရားသခင်​သည် မိမိ​၏​ဖြောင့်မတ်​ခြင်း​ကို​ထင်ရှား​စေရန် ခရစ်တော်​ကို​ခန့်ထား​၍ ယုံကြည်​ခြင်း​အတွက် ခရစ်တော်​၏​သွေး​တော်​ကို အသနားခံ​ခြင်း​ပူဇော်သက္ကာ​ဖြစ်​စေ​တော်မူ​၏။ တစ်နည်းဆိုသော် ဘုရားသခင်​သည် သည်းခံ​တော်မူ​ခြင်း​အားဖြင့် လွန်ခဲ့​ပြီး​သော​အပြစ်​များ​အတွက် အပြစ်​မ​ယူ​ဘဲ​နေ​တော်မူ​၏။


အကြောင်းမူကား လူ​သည် ပညတ်​တရား​နှင့်ဆိုင်သော​အကျင့်​အားဖြင့်​မ​ဟုတ်​ဘဲ ယုံကြည်​ခြင်း​အားဖြင့် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​၏​ဟု ငါ​တို့​မှတ်ယူ​ကြ​၏။


ယုံကြည်​ခြင်း​အားဖြင့် အရေဖျား​လှီး​ထား​သော​သူ​ကို ဖြောင့်မတ်​သည်​ဟု​အသိအမှတ်ပြု​တော်မူ​၍ အရေဖျား​မ​လှီး​သော​သူ​ကို​လည်း ယုံကြည်​ခြင်း​အားဖြင့် ဖြောင့်မတ်​သည်​ဟု​အသိအမှတ်ပြု​တော်မူ​သော​ဘုရားသခင်​သည် အမှန်ပင် တစ်ဆူတည်း​ဖြစ်​တော်မူ​၏။


သင်​တို့​အားလုံး​သည် ခရစ်တော်​ယေရှု​၌ တစ်လုံးတစ်ဝတည်း​ဖြစ်​ကြ​သောကြောင့် ဂျူး​လူမျိုး​နှင့်​ဂရိ​လူမျိုး​ဟူ၍​မ​ရှိ။ ကျွန်​နှင့်​လွတ်လပ်​သူ​ဟူ၍​မ​ရှိ။ ယောက်ျား​နှင့်​မိန်းမ​ဟူ၍​လည်း​မ​ရှိ။


ကိုယ်ကာယ​၌ အမြင်​ကောင်း​အောင်​ပြု​လို​သော​သူ​ရှိသမျှ​တို့​သည် ခရစ်တော်​၏​လက်ဝါးကပ်တိုင်​ကြောင့် ညှဉ်းဆဲ​ခြင်း​မ​ခံ​လို​၍​သာ သင်​တို့​ကို အရေဖျား​လှီး​ခြင်း​ခံ​ရန် အတင်းအကျပ်​စေခိုင်း​ကြ​ခြင်း​ဖြစ်​၏။


ထို့ကြောင့် တစ်ချိန်က သင်​တို့​သည် ဇာတိ​အားဖြင့် လူမျိုးခြား​များ​ဖြစ်​ကြ​ပြီး ကိုယ်ကာယ​၌ လက်​ဖြင့်​အရေဖျား​လှီး​ထား​သော​သူ​တို့​က သင်​တို့​ကို အရေဖျား​မ​လှီး​သော​သူ​ဟု ခေါ်ဝေါ်​ခဲ့​ကြ​သည်​ကို သတိရ​ကြ​လော့။


သို့ဖြစ်၍ သင်​တို့​၏​စိတ်နှလုံး​အရေဖျား​ကို​လှီး​ကြ​လော့​။ ခေါင်း​မ​မာ​ကြ​တော့​နှင့်​။


သင်​သည် အသက်ရှင်​၍ သင်​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ ချစ်​မည့်​အကြောင်း သင်​၏​ဘုရားသခင်​ထာဝရဘုရား​သည် သင့်​စိတ်နှလုံး​၊ သင့်​သားမြေး​တို့​၏​စိတ်နှလုံး​အရေဖျား​ကို လှီး​တော်မူ​မည်​။


အကြောင်းမူကား ဘုရားသခင်​၏​ဝိညာဉ်​တော်​အားဖြင့်​ဝတ်ပြု​၍ ခရစ်တော်​ယေရှု​၌​ဝါကြွား​လျက် အသွေး​အသား​၌​ကိုးစား​ခြင်း​မ​ရှိ​သော​ငါ​တို့​သည် အရေဖျား​လှီး​ထား​သော​သူ​အစစ်အမှန်​ဖြစ်​ကြ​၏။


ထို​အချိန်​ကာလ​တွင် ထာဝရဘုရား​က ယောရှု​အား “​မီးခတ်ကျောက်​ဓား​ကို​ပြုလုပ်​၍ အစ္စရေး​အမျိုးသား​တို့​အား ဒုတိယအကြိမ် အရေဖျားလှီး​ပေး​လော့​”​ဟု မိန့်​တော်မူ​၏​။


ယောရှု​သည် အစ္စရေး​အမျိုးသား​တို့​အား အရေဖျားလှီး​ပေး​ရ​သည့်​အကြောင်း​ကား ဤသို့​ဖြစ်​၏​။ အီဂျစ်​ပြည်​မှ​ထွက်လာ​သော​လူ​တို့​တွင် စစ်သူရဲ​ယောက်ျား​အပေါင်း​တို့​သည် တောကန္တာရ​လမ်းခရီး​၌ သေဆုံး​ကြ​ပြီ​ဖြစ်​၏​။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ