ကမ္ဘာ​ဦး 15:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ကိုယ်တော်​က​လည်း “​သုံးနှစ်သား​နွားမတမ်း​တစ်​ကောင်​၊ သုံးနှစ်သား​ဆိတ်မ​တစ်​ကောင်​၊ သုံးနှစ်သား​သိုးထီး​တစ်​ကောင်​၊ ချိုးငှက်​တစ်​ကောင်​နှင့် ခိုငယ်​တစ်​ကောင်​တို့​ကို ငါ့​ထံသို့ ယူ​ခဲ့​လော့​”​ဟု မိန့်​တော်မူ​၏​။

Common Language Bible

⁹ ကိုယ်​တော်​က``သုံး​နှစ်​သား​အ​ရွယ်​စီ​ရှိ​သော​နွား​မ တစ်​ကောင်၊ ဆိတ်​မ​တစ်​ကောင်၊ သိုး​ထီး​တစ်​ကောင် နှင့်​တ​ကွ ချိုး​တစ်​ကောင်၊ ခို​တစ်​ကောင်​ကို​ငါ့​ထံ သို့​ယူ​ခဲ့​လော့'' ဟု​မိန့်​တော်​မူ​၏။-

Garrad Bible

⁹ အ သက် သုံး နှစ် စီ ရှိ သော နွား မ တစ် ကောင်၊ ဆိတ် မ တစ် ကောင်၊ သိုး ထီး တစ် ကောင် ပြင်၊ ချိုး တစ် ကောင်၊ ခို ငယ် တစ် ကောင်၊ ထို ငါး ကောင် များ ကို ငါ့ အ ဖို့ ယူ လော့ ဟု မိန့် တော် မူ သည့် အ တိုင်း၊

Judson Bible

⁹ ထာ​ဝ​ရ​ဘု​ရား​က​လည်း၊ သုံး​နှစ်​အ​သက်​ရှိ​သော​နွား​မ​တစ်​ကောင်၊ သုံး​နှစ်​အ​သက်​ရှိ​သော​ဆိတ်​မ​တစ်​ကောင်၊ သုံး​နှစ်​အ​သက်​ရှိ​သော​သိုး​ထီး​တစ်​ကောင်၊ ချိုး​တစ်​ကောင်၊ ခို​သ​ငယ်​တစ်​ကောင်​တို့​ကို​ငါ​ဖို့​ယူ​လော့​ဟု မိန့်​တော်​မူ​သည်​အ​တိုင်း၊

ကမ္ဘာ​ဦး 15:9 ပူးပေါင်းရင်းမြစ်များ

ကမ္ဘာ​ဦး 15:10

ထိုအခါ အာဗြံ​သည် ထာဝရဘုရား​ထံ​တော်​သို့ ထို​တိရစ္ဆာန်​အပေါင်း​တို့​ကို​ယူ​ခဲ့​၍ ၎င်း​တို့​ကို ထက်ဝက်​စီ​ခြမ်း​ပြီးလျှင် တစ်ဖက်တစ်ချက်​၌ ယှဉ်​ထား​လေ​၏​။ ငှက်​တို့​ကို​မူကား မ​ခြမ်း​ဘဲ​ထား​လေ​၏​။

ကမ္ဘာ​ဦး 15:8

အာဗြံ​က​လည်း “​ဘုရားရှင်​ထာဝရဘုရား​၊ ဤ​ပြည်​ကို အကျွန်ုပ်​ပိုင်ဆိုင်​ရ​မည်​ကို မည်သို့​သိ​နိုင်​ပါ​မည်နည်း​”​ဟု မေးလျှောက်​လေ​၏​။

ကမ္ဘာ​ဦး 22:13

အာဗြဟံ​သည် မျှော်ကြည့်​လိုက်​ရာ ချုံတော​၌​ဦးချို​ငြိ​နေ​သော သိုးထီး​တစ်​ကောင်​ကို​မြင်​လေ​၏​။ ထိုအခါ အာဗြဟံ​သည် သွား​၍ ထို​သိုးထီး​ကို​ဖမ်းယူ​ပြီးလျှင် မိမိ​သား​အစား ၎င်း​ကို​မီးရှို့ရာယဇ်​အဖြစ်​ပူဇော်​လေ​၏​။

ဆာ​လံ 50:5

“​ယဇ်ပူဇော်​ခြင်း​အားဖြင့် ငါ​နှင့်​ပဋိညာဉ်​ဖွဲ့​ကြ​သည့် ငါ​၏​သန့်ရှင်း​သူ​တို့​ကို ငါ့​ထံသို့​စုဝေး​စေ​ကြ​လော့​”​ဟု မိန့်​တော်မူ​၏​။

ရှောလမုန်သီချင်း။ 2:12

မြေ​ပေါ်မှာ ပန်း​များ ပွင့်​လေ​ပြီ​။ တေးသီချင်း​သီဆို​ချိန်​ရောက်​ပြီ​။ ငါ​တို့​ပြည်​တွင် ချိုးကူသံ​လည်း​ကြား​ရ​ပြီ​။

ဟေ​ရှာ​ယ 15:5

ငါ့​စိတ်နှလုံး​သည် မောဘ​ပြည်​အတွက် အော်ဟစ်​၏​။ ထို​ပြည်​မှ​ထွက်ပြေး​သော​သူ​တို့​သည် ဇောရ​မြို့​၊ ဧဂလတ်ရှလိရှ​မြို့​အထိ ပြေး​ကြ​၏​။ လုဟိတ်​မြို့​သို့​တက်သွား​သောအခါ ငိုကြွေး​လျက်​တက်သွား​ကြ​၏​။ ပျက်စီး​ခြင်း​ကြောင့် ဟောရနိမ်​မြို့​သို့​သွား​ရာ​လမ်း​၌ အသံ​ကို​လွှင့်​၍ အော်ဟစ်​ကြ​၏​။

ဝတ်​ပြု 1:10

သူ​သည် သိုးဆိတ်​များ​ထဲမှ သိုး​ကို​ဖြစ်စေ​၊ ဆိတ်​ကို​ဖြစ်စေ မီးရှို့ရာယဇ်​အဖြစ် ပူဇော်​လို​လျှင် အပြစ်အနာအဆာကင်း​သော​အထီး​ကို ပူဇော်​ရ​မည်​။

ဝတ်​ပြု 1:14

သူ​သည် ထာဝရဘုရား​အား ငှက်​ကို​မီးရှို့ရာယဇ်​အဖြစ် ပူဇော်​လို​လျှင် ချိုးငှက်​ကို​ဖြစ်စေ​၊ ခိုငယ်​ကို​ဖြစ်စေ ပူဇော်​ရ​မည်​။

ဝတ်​ပြု 1:3

သူ​သည် နွား​ကို မီးရှို့ရာယဇ်​အဖြစ်​ပူဇော်​လို​လျှင် အပြစ်အနာအဆာကင်း​သော​နွား​ထီး​ကို ပူဇော်​ရ​မည်​။ ထာဝရဘုရား လက်ခံ​တော်မူ​မည့်​အကြောင်း ထို​နွား​ကို တွေ့ဆုံစည်းဝေးရာ​တဲ​တော်​အဝင်ဝ​၌ ပူဇော်​ရ​မည်​။

ဝတ်​ပြု 12:6

သားယောက်ျား​အတွက်​ဖြစ်စေ​၊ သမီး​မိန်းကလေး​အတွက်​ဖြစ်စေ သန့်စင်​ရာ​နေ့ရက်​ပြည့်​သောအခါ သူ​သည် မီးရှို့ရာယဇ်​အတွက် တစ်နှစ်သားအရွယ်​သိုးသငယ်​တစ်​ကောင်​နှင့် အပြစ်ဖြေရာယဇ်​အတွက် ခိုငယ်​တစ်​ကောင်​၊ သို့မဟုတ် ချိုးငှက်​တစ်​ကောင်​ကို တွေ့ဆုံစည်းဝေးရာ​တဲ​တော်​အဝင်ဝ​၊ ယဇ်ပုရောဟိတ်​ထံ ယူဆောင်​လာ​ရ​မည်​။

ဝတ်​ပြု 12:8

အကယ်၍ သိုးသငယ်​ကို ပူဇော်​ရန်​မ​တတ်နိုင်​လျှင် ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို ယူဆောင်​လာ​ရ​မည်​။ တစ်​ကောင်​သည် မီးရှို့ရာယဇ်​အတွက်​ဖြစ်ပြီး ကျန်​တစ်​ကောင်​သည် အပြစ်ဖြေရာယဇ်​အတွက်​ဖြစ်​၏​။ ယဇ်ပုရောဟိတ်​သည် ထို​မိန်းမ​အတွက် အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​သည် စင်ကြယ်​လိမ့်မည်​”​ဟု မိန့်​တော်မူ​၏​။

ဝတ်​ပြု 14:22

ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို​လည်းကောင်း မိမိ​တတ်နိုင်​သည့်​အတိုင်း ယူဆောင်​လာ​ရ​မည်​။ တစ်​ကောင်​သည် အပြစ်ဖြေရာယဇ်​အတွက်​ဖြစ်​၍ ကျန်​တစ်​ကောင်​သည် မီးရှို့ရာယဇ်​အတွက်​ဖြစ်​၏​။

ဝတ်​ပြု 14:30

ယဇ်ပုရောဟိတ်​သည် စင်ကြယ်​စေ​ခြင်း​ခံ​သော​သူ​တတ်နိုင်​သည့်​ထဲမှ ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင် တစ်မျိုးမျိုး​ကို ပူဇော်​ရ​မည်​။

ဝတ်​ပြု 3:1

သူ​သည် နွား​ကို မိတ်သဟာယယဇ်​အဖြစ် ပူဇော်​လို​လျှင် အပြစ်အနာအဆာကင်း​သော အထီး​ကို​ဖြစ်စေ​၊ အမ​ကို​ဖြစ်စေ ထာဝရဘုရား​ရှေ့​တော်​၌ ပူဇော်​ရ​မည်​။

ဝတ်​ပြု 3:6

သူ​သည် ထာဝရဘုရား​အား သိုးဆိတ်​တို့​ကို မိတ်သဟာယယဇ်​အဖြစ် ပူဇော်​လို​လျှင် အပြစ်အနာအဆာကင်း​သော​အထီး​၊ သို့မဟုတ် အမ​ကို ပူဇော်​ရ​မည်​။

ဝတ်​ပြု 9:2

အာရုန်​အား “​အပြစ်ဖြေရာယဇ်​အတွက် နွားအုပ်​ထဲမှ​နွားသငယ်​တစ်​ကောင်​နှင့် မီးရှို့ရာယဇ်​အတွက် အပြစ်အနာအဆာကင်း​သော​သိုးထီး​တစ်​ကောင်​ကို သင့်​အဖို့​ယူ​၍ ထာဝရဘုရား​ရှေ့​တော်​၌ ပူဇော်​လော့​။

ဝတ်​ပြု 9:4

ထာဝရဘုရား​ရှေ့​တော်​၌ မိတ်သဟာယယဇ်​ကို ပူဇော်​ရန်​အတွက် နွား​တစ်​ကောင်​နှင့်​သိုးထီး​တစ်​ကောင်​၊ ဆီ​နှင့်​ရော​သော​ဘောဇဉ်ပူဇော်သက္ကာ​ကို ယူဆောင်​လာ​လော့​’​ဟု ဆင့်ဆို​လော့​။ ထာဝရဘုရား​သည် ယနေ့ သင်​တို့​အား ကိုယ်ထင်ရှားပြ​တော်မူ​မည်​”​ဟု ဆို​၏​။

လုကာ 2:24

ထို့ပြင် “ချိုးငှက်​တစ်စုံ​၊ သို့မဟုတ် ခို​ငယ်​နှစ်​ကောင်​ကို ပူဇော်​ရ​မည်”​ဟု ထာဝရ​ဘုရား​၏​ပညတ်​တရား​ကျမ်း​၌ ဖော်ပြ​ထား​သည့်​အတိုင်း ယဇ်ပူဇော်​ကြ​ရန်​အတွက်​ဖြစ်​၏။