Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




ကမ္ဘာ​ဦး 12:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

8 ထို့နောက် သူ​သည် ထို​အရပ်​မှ ဗေသလ​မြို့​အရှေ့ဘက်​ရှိ တောင်ပေါ်ဒေသ​သို့​ရွှေ့ပြောင်း​၍ တဲ​ကို​ဆောက်​လေ​၏​။ ထို​အရပ်​၏​အနောက်ဘက်​တွင် ဗေသလ​မြို့​၊ အရှေ့ဘက်​တွင်​အာဣ​မြို့​ရှိ​၏​။ သူ​သည် ထို​အရပ်​၌ ထာဝရဘုရား​အဖို့ ယဇ်ပလ္လင်​ကို​တည်​၍ ထာဝရဘုရား​၏​နာမ​တော်​ကို ခေါ်ဆို​ပတ္ထနာပြု​၏​။

အခန်းကိုကြည့်ပါ။ ကော်ပီ

Common Language Bible

8 ထို​အ​ရပ်​မှ​သူ​သည်​ဗေ​သ​လ​မြို့​အ​ရှေ့​ဘက် တောင်​ထူ​ထပ်​သော​အ​ရပ်​သို့​ပြောင်း​ရွှေ့​၍ စ​ခန်း ချ​လေ​သည်။ ထို​စ​ခန်း​၏​အ​နောက်​ဘက်​တွင် ဗေ​သ​လ​မြို့၊ အ​ရှေ့​ဘက်​တွင်​အာ​ဣ​မြို့​တည်​ရှိ လေ​သည်။ ထို​အ​ရပ်​၌​လည်း​သူ​သည်​ယဇ်​ပလ္လင် ကို​တည်​၍​ထာ​ဝ​ရ​ဘု​ရား​ကို​ကိုး​ကွယ်​လေ သည်။-

အခန်းကိုကြည့်ပါ။ ကော်ပီ

Garrad Bible

8 ဗေ သ လ မြို့ အ ရှေ့ ဘက် ရှိ တောင် သို့ ထွက် ပြန် သ ဖြင့် ဗေ သ လ မြို့ ကို အ နောက်၊ အာ ဣ မြို့ ကို အ ရှေ့ ထား လျက် တဲ စိုက် ပြီး လျှင် ထာ၀ ရ ဘု ရား အား ပူ ဇော် ရာ ပ လ္လင် တော် ကို တည် ဆောက်၍ ထာ၀ ရ ဘု ရား၏ နာ မ တော် အား ဖြင့် ပ ဌ နာ ပြု လေ ၏။

အခန်းကိုကြည့်ပါ။ ကော်ပီ

Judson Bible

8 ထို​အ​ရပ်​မှ​သွား​ပြန်၍၊ ဗေ​သ​လ​မြို့​အ​ရှေ့၌​ရှိ​သော​တောင်​သို့ ပြောင်း​သ​ဖြင့်၊ ဗေ​သ​လ​မြို့​အ​ရှေ့၊ အာ​ဣ​မြို့​အ​နောက်​စပ်​ကြား​မှာ တဲ​ကို​ဆောက်၍၊ ထာ​ဝ​ရ​ဘု​ရား​ဖို့ ယဇ်​ပ​လ္လင်​ကို​တည်​ပြီး​လျှင်၊ ထာ​ဝ​ရ​ဘု​ရား၏​နာ​မ​တော်​ကို ပ​တ္ထ​နာ​ပြု၏။

အခန်းကိုကြည့်ပါ။ ကော်ပီ




ကမ္ဘာ​ဦး 12:8
33 ပူးပေါင်းရင်းမြစ်များ  

ထို့ကြောင့် အာဗြံ​သည် သူ​၏​တဲ​ကို​ရွှေ့​၍ ဟေဗြုန်​မြို့​ရှိ မံရေ​ဝက်သစ်ချပင်​များ​အနီး​၌ သွားရောက်​နေထိုင်​၏​။ သူ​သည် ထို​အရပ်​၌ ထာဝရဘုရား​အဖို့ ယဇ်ပလ္လင်​ကို​တည်​လေ​၏​။


သူ​သည် နေဂေ့​အရပ်​မှ ဗေသလ​မြို့​သို့ ခရီး​ဆက်သွား​၍ ဗေသလ​မြို့​နှင့်​အာဣ​မြို့​ကြား​၊ ယခင်​က သူ​တဲ​ဆောက်​ခဲ့​ရာ​အရပ်​၊


ယခင်​က ယဇ်ပလ္လင်​တည်​ခဲ့​ရာ​အရပ်​သို့ ရောက်​လေ​၏​။ ထို​အရပ်​တွင် အာဗြံ​သည် ထာဝရဘုရား​၏​နာမ​တော်​ကို ခေါ်ဆို​ပတ္ထနာပြု​လေ​၏​။


ထိုအခါ အာဗြဟံ​သည် ဗေရရှေဘ​အရပ်​၌ ဧရှာလပင်​ကို​စိုက်​၍ အစဉ်အမြဲ​တည်​တော်မူ​သော ဘုရားသခင်​ထာဝရဘုရား​၏​နာမ​တော်​ကို ထို​အရပ်​၌ ခေါ်ဆို​ပတ္ထနာပြု​လေ​၏​။


ဘုရားသခင်​မိန့်​တော်မူ​သော​အရပ်​သို့​ရောက်​သောအခါ အာဗြဟံ​သည် ထို​အရပ်​တွင် ယဇ်ပလ္လင်​ကို​တည်​၍ ထင်း​များ​ကို​စီ​ပြီးလျှင် မိမိ​သား​ဣဇက်​ကို​ချည်နှောင်​လျက် ယဇ်ပလ္လင်​အပေါ်​ရှိ ထင်း​များ​ပေါ်တွင် သူ့​ကို​တင်​လေ​၏​။


ဣဇက်​သည် ထို​အရပ်​၌ ယဇ်ပလ္လင်​ကို​တည်​၍ ထာဝရဘုရား​၏​နာမ​တော်​ကို​ခေါ်ဆို​ပတ္ထနာပြု​ပြီးလျှင် ထို​အရပ်​တွင် တဲ​ကို​ဆောက်​လေ​၏​။ သူ​၏​အစေအပါး​တို့​သည်​လည်း ထို​အရပ်​တွင် ရေတွင်း​ကို​တူး​ကြ​၏​။


သူ​သည် ထို​အရပ်​၏​အမည်​ကို ဗေသလ ဟု​ခေါ်​၏​။ ယခင်က ထို​မြို့​၏​အမည်​မှာ လုဇ​ဖြစ်​၏​။


လာဗန်​သည် ယာကုပ်​ကို​လိုက်မီ​သော​အချိန်​တွင် ယာကုပ်​သည် တောင်ပေါ်ဒေသ​၌ တဲထိုး​ထား​နှင့်​ပြီ​ဖြစ်​၏​။ လာဗန်​သည်​လည်း သူ​၏​ဆွေမျိုးသားချင်း​များ​နှင့်အတူ ဂိလဒ်​ပြည်​တောင်ပေါ်ဒေသ​၌​တဲထိုး​လေ​၏​။


ထို့နောက် ထို​အရပ်​၌ ယဇ်ပလ္လင်​ကို​တည်​၍ ဧလ​ဧလော​အစ္စရေး ဟု​ခေါ်​၏​။


ထ​၍​ဗေသလ​အရပ်​သို့​သွား​ကြ​စို့​။ ငါ​ဆင်းရဲဒုက္ခ​ရောက်​သော​ကာလ​၌ ငါ့​ကို​ထူး​တော်မူ​၍ ငါ​သွား​သော​လမ်းခရီး​၌ ငါ​နှင့်အတူ​ရှိ​တော်မူ​သော ဘုရားသခင်​အဖို့ ထို​အရပ်​၌ ယဇ်ပလ္လင်​ကို ငါ​တည်​မည်​”​ဟု ဆို​၏​။


သူ​သည် ထို​အရပ်​၌ ယဇ်ပလ္လင်​ကို​တည်​၍ ထို​အရပ်​ကို ဧလ​ဗေသလ ဟု​ခေါ်​၏​။ အကြောင်းမူကား သူ​သည် မိမိ​အစ်ကို​ထံ​မှ​ထွက်ပြေး​စဉ်က ထို​အရပ်​၌ ဘုရားသခင်​ထင်ရှား​တော်မူ​၏​။


ရှေသ​သည်​လည်း သား​ကို​ရ​၍ သူ​၏​အမည်​ကို ဧနုတ် ဟု​မှည့်ခေါ်​လေ​၏​။ ထို​ကာလ​၌ လူ​တို့​သည် ထာဝရဘုရား​၏​နာမ​တော်​ကို စတင်​၍​ခေါ်ဆို​ပတ္ထနာပြု​ကြ​၏​။


နောဧ​သည် ထာဝရဘုရား​အဖို့ ယဇ်ပလ္လင်​ကို​တည်​ပြီးလျှင် စင်ကြယ်​သော​တိရစ္ဆာန်​အပေါင်း​တို့​နှင့် စင်ကြယ်​သော​ငှက်​အပေါင်း​တို့​ထဲက​ယူ​၍ ထို​ယဇ်ပလ္လင်​ပေါ်တွင် မီးရှို့ရာယဇ်​ကို​ပူဇော်​ရာ


ဗင်္ယာမိန်​အမျိုးအနွယ်​တို့​မူကား ဂေဗ​မြို့​မှ​မိတ်မတ်​မြို့​၊ အာဣ​မြို့​၊ ဗေသလ​မြို့​နှင့် ဝန်းကျင်​ရှိ​မြို့ရွာ​များ​၊


ထိုအခါ ငါ​သည် “​အို ထာဝရဘုရား​၊ အကျွန်ုပ်​၏​စိတ်ဝိညာဉ်​ကို လွတ်မြောက်​စေ​တော်မူ​ပါ​”​ဟု ထာဝရဘုရား​၏​နာမ​တော်​ကို ခေါ်​၍​တောင်းလျှောက်​၏​။


မောရှေ​သည်​လည်း ယဇ်ပလ္လင်​ကို​တည်​၍ ၎င်း​၏​အမည်​ကို “​ထာဝရဘုရား​သည် ငါ​၏​အောင်လံ​ဖြစ်​တော်မူ​၏​”​ဟု ခေါ်​၏​။


သူ​သည် အာဣ​မြို့​သို့​ရောက်​လေ​ပြီ​။ မိဂရုန်​မြို့​ကို​ဖြတ်သွား​ပြီ​။ မိတ်မတ်​မြို့​၌ သူ​၏​အထုပ်အပိုး​များ​ကို ချ​ထား​ပြီ​။


ထာဝရဘုရား​၏​နာမ​တော်​ကို ပတ္ထနာပြု​သော​သူ​အပေါင်း​တို့​သည် ကယ်တင်​ခြင်း​ခံရ​ကြ​လိမ့်မည်​။ ထာဝရဘုရား​မိန့်​တော်မူ​သည့်​အတိုင်း ဇိအုန်​တောင်​ပေါ်​နှင့် ဂျေရုဆလင်​မြို့​တို့​တွင် လွတ်မြောက်​သော​သူ​ရှိ​လိမ့်မည်​။ ထို​သူ​တို့​သည် အသက်ရှင်​ကျန်ရစ်​သော​သူ​များ​ထဲမှ ထာဝရဘုရား ခေါ်​တော်မူ​သော​သူ​သာ ဖြစ်​လိမ့်မည်​။


ထိုအခါ ထာဝရ​ဘုရား​၏​နာမ​တော်​ကို ပတ္ထနာ​ပြု​သော​သူ​အပေါင်း​တို့​သည် ကယ်တင်​ခြင်း​ခံရ​ကြ​လိမ့်မည်’​ဟူ၍ ဖြစ်​၏။


ငါ​တို့​သခင်​ယေရှု​ခရစ်တော်​၏​နာမ​တော်​ကို​ပတ္ထနာ​ပြု​ကြ​သည့် အရပ်ရပ်​တို့​၌​ရှိ​သော​သူ​အပေါင်း​တို့​နှင့်အတူ​သန့်ရှင်း​သူ​အဖြစ်​ခေါ်ယူ​တော်မူ​ခြင်း​ခံရ​၍ ခရစ်တော်​ယေရှု​အားဖြင့် သန့်ရှင်း​စေ​ခြင်း​ခံရ​သော​သူ​များ​တည်းဟူသော ကောရိန္သု​မြို့​၌​ရှိ​သည့် ဘုရားသခင်​၏​အသင်းတော်​ထံသို့ စာ​ရေး​လိုက်​ပါ​၏။ ကိုယ်တော်​သည် ထို​ပတ္ထနာ​ပြု​သော​သူ​အပေါင်း​တို့​နှင့် ငါ​တို့​၏​သခင်​ဖြစ်​တော်မူ​၏။


သူ​သည် ယုံကြည်​ခြင်း​အားဖြင့် ကတိ​ထား​တော်မူ​သော​ပြည်​၌ တိုင်းတစ်ပါးသား​ကဲ့သို့ ဧည့်သည်​အဖြစ်​နေထိုင်​၍ တစ်ခုတည်း​သော​ကတိ​တော်​ကို အတူတကွ​အမွေ​ဆက်ခံ​သူ​များ​ဖြစ်​ကြ​သော ဣဇက်၊ ယာကုပ်​တို့​နှင့်အတူ တဲ​များ​တွင်​နေထိုင်​ကြ​၏။


ဗေသရာဗ​မြို့​၊ ဇေမရိမ်​မြို့​၊ ဗေသလ​မြို့​၊


ရုဗင်​သားမြေး​၊ ဂဒ်​သားမြေး​၊ မနာရှေ​သားမြေး​တစ်ဝက်​တို့​သည် ခါနာန်​ပြည်​၊ ဂျော်ဒန်​မြစ်​အနီး​သို့​ရောက်​သောအခါ ထင်ရှားမြင်သာ​သော ယဇ်ပလ္လင်​ကြီး​တစ်​ခု​ကို တည်​လေ​၏​။


ယောရှု​သည် ဂျေရိခေါ​မြို့​မှ ဗေသလ​မြို့​အရှေ့ဘက်​၊ ဗေသဝင်​မြို့​အနီး​ရှိ အာဣ​မြို့​သို့ လူ​လွှတ်​၍ “​ထို​အရပ်​သို့​သွား​ပြီး စူးစမ်း​ကြ​လော့​”​ဟု မှာလိုက်​လေ​၏​။ သူ​တို့​သည်​လည်း သွား​၍ အာဣ​မြို့​ကို စူးစမ်း​ကြ​၏​။


ယောရှု​သည် စစ်သည်​ငါး​ထောင်​ခန့်​ကို​ခေါ်​၍ အာဣ​မြို့​အနောက်ဘက်​၊ ဗေသလ​မြို့​နှင့် အာဣ​မြို့​အကြား​၌ ကင်းပုန်း​ချ​ထား​၏​။


အာဣ​မြို့​၊ ဗေသလ​မြို့​တို့​၌ ယောက်ျား​တစ်​ယောက်​မ​ကျန် မြို့​ကို​ချန်ထား​၍ အစ္စရေး​စစ်သည်​တို့​နောက်သို့ လိုက်​ကြ​၏​။


ယောရှု​နှင့်​စစ်သည်​အပေါင်း​တို့​သည်​လည်း အာဣ​မြို့​သို့ ထ​၍​စစ်ချီ​ကြ​၏​။ ယောရှု​သည် ရဲစွမ်းသတ္တိ​ရှိ​သော​စစ်သူရဲ​သုံးသောင်း​ကို​ရွေးချယ်​ပြီး သူ​တို့​ကို ညအချိန်​၌​စေလွှတ်​၍


ထို့နောက် ယောရှု​သည် ဧဗလ​တောင်​ပေါ်၌ အစ္စရေး​လူမျိုး​၏​ဘုရားသခင်​ထာဝရဘုရား​အဖို့ ယဇ်ပလ္လင်​ကို​တည်​လေ​၏​။


ထို့နောက် ယောရှု​သည် စစ်သူရဲ​တို့​ကို​စေလွှတ်​သဖြင့် သူ​တို့​သည် သွား​၍ အာဣ​မြို့​အနောက်ဘက်​၊ ဗေသလ​မြို့​နှင့်​အာဣ​မြို့​အကြား​၌ ကင်းပုန်း​ချ​၍ စောင့်​နေ​ကြ​၏​။ သို့သော် ထို​ည​၌ ယောရှု​သည် စစ်သည်​တို့​နှင့်အတူ​နေရစ်​ခဲ့​၏​။


ဂိဒေါင်​သည် ထို​အရပ်​၌ ထာဝရဘုရား​အဖို့ ယဇ်ပလ္လင်​ကို​တည်​၍ “​ငြိမ်သက်​ခြင်း​အရှင် ထာဝရဘုရား​”​ဟု မှည့်ခေါ်​လေ​၏​။ ထို​ယဇ်ပလ္လင်​သည် အဗျေဇာ​အမျိုးသား​တို့​နေထိုင်​ရာ ဩဖရ​မြို့​တွင် ယနေ့​တိုင်အောင် ရှိ​၏​။


ဗေသလ​မြို့သား​များ​၊ ရာမုတ်နေဂေ့​မြို့သား​များ​၊ ယတ္တိရ​မြို့သား​များ​၊


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ