ကမ္ဘာ​ဦး 1:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁸ ထို့နောက် ဘုရားသခင်​သည် သူ​တို့​ကို​ကောင်းချီးပေး​တော်မူ​၏​။ ဘုရားသခင်​က “​များစွာ​မွေးဖွား​၍ တိုးပွား​ကြ​လော့​။ မြေကြီး​ကို​ပြည့်​စေ​၍ ၎င်း​ကို​နိုင်နင်း​ကြ​လော့​။ ပင်လယ်​ငါး​တို့​ကို​လည်းကောင်း​၊ မိုးကောင်းကင်​ငှက်​တို့​ကို​လည်းကောင်း​၊ မြေကြီး​ပေါ်မှာ လှုပ်ရှားသွားလာ​တတ်​သော သက်ရှိသတ္တဝါ​အပေါင်း​တို့​ကို​လည်းကောင်း အုပ်စိုး​ကြ​လော့​”​ဟု သူ​တို့​အား မိန့်​တော်မူ​၏​။

Common Language Bible

²⁸ သူ​တို့​ကို​ကောင်း​ချီး​ပေး​လျက်``သား​သ​မီး များ​စွာ​မွေး​ဖွား​ကြ​လော့။ ကမ္ဘာ​မြေ​ကြီး အ​ရပ်​ရပ်​တို့​တွင် သင်​တို့​၏​အ​မျိုး​စဉ်​အ​မျိုး ဆက်​နေ​ထိုင်​ကြ​လော့။ ကမ္ဘာ​မြေ​ကြီး​ကို​လည်း စိုး​ပိုင်​ကြ​လော့။ ရေ​သတ္တ​ဝါ၊ ငှက်​သတ္တ​ဝါ​နှင့် တိ​ရစ္ဆာန်​ရိုင်း​အ​မျိုး​မျိုး​တို့​ကို​အုပ်​စိုး​ကြ လော့'' ဟု​မိန့်​တော်​မူ​၏။-

Garrad Bible

²⁸ ဘု ရား သ ခင် သည် ထို သူ တို့ အား ကောင်း ကြီး ပေး လျက် များ ပြား စွာ မွေး ဖွား ကြ လော့။ မြေ ကြီး ကို ပြည့် စေ၍ နိုင် နင်း ကြ လော့။ ရေ သ တ္တ ဝါ တို့ ကို လည်း ကောင်း၊ လေ သ တ္တ ဝါ တို့ ကို လည်း ကောင်း၊ မြေ ပေါ် မှာ တွား တတ် သော သက် ရှိ တိ ရ စ္ဆာန် အ ပေါင်း တို့ ကို လည်း ကောင်း အုပ် စိုး ကြ လော့ ဟု မိန့် တော် မူ ၏။

Judson Bible

²⁸ အ​ချင်း​တို့၊ များ​ပြား​စွာ​မွေး​ဖွား​ကြ​လော့။ မြေကြီး​ကို ပြည့်​စေ​၍ နိုင်​ကြ​လော့။ ပင်​လယ်​ငါး​တို့​ကို​လည်း​ကောင်း၊ မိုး​ကောင်း​ကင်​ငှက်​တို့​ကို​လည်း​ကောင်း၊ အ​သက်​ရှင်​၍ မြေ​ပေါ်​မှာ လှုပ်​ရှား​တတ်​သော တိ​ရ​စ္ဆာန်​အ​ပေါင်း​တို့​ကို​လည်း​ကောင်း အုပ်​စိုး​ကြ​လော့​ဟု​မိန့်​တော်​မူ​၍၊ သူ​တို့​ကို​ကောင်း​ချီး​ပေး​တော်​မူ​၏။

ကမ္ဘာ​ဦး 1:28 ပူးပေါင်းရင်းမြစ်များ

ကမ္ဘာ​ဦး 1:22

ဘုရားသခင်​သည် ထို​သတ္တဝါ​တို့​ကို​ကောင်းချီးပေး​လျက် “​များစွာ​မွေးဖွား​၍ တိုးပွား​ကြ​လော့​။ ပင်လယ်​ရေ​များ​၌ ပြည့်​ကြ​လော့​။ ငှက်​တို့​လည်း မြေကြီး​ပေါ်၌ တိုးပွား​ကြ​လော့​”​ဟု မိန့်​တော်မူ​၏​။

ကမ္ဘာ​ဦး 17:16

ငါ​သည် သူ့​ကို​ကောင်းချီးပေး​မည်​။ ထိုမျှမက သူ့​အားဖြင့် သင့်​အား သား​ကို​ပေး​မည်​။ ငါ​သည် သူ့​ကို​ကောင်းချီးပေး​သဖြင့် သူ​သည် လူမျိုး​များ​၏​မိခင်​ဖြစ်လာ​မည်​။ သူ့​အားဖြင့် လူမျိုး​တကာ​တို့​၏​ရှင်ဘုရင်​များ​ပေါ်ထွန်း​လာ​ကြ​လိမ့်မည်​”​ဟု မိန့်​တော်မူ​၏​။

ကမ္ဘာ​ဦး 17:20

ဣရှမေလ​အတွက် သင်​လျှောက်​သော​အရာ​ကို​လည်း ငါ​ကြား​ရ​ပြီ​။ ကြည့်ရှု​လော့​။ ငါ​သည် သူ့​ကို​ကောင်းချီးပေး​မည်​။ သူ့​ကို​ပွားများ​စေ​၍ အလွန့်အလွန်​တိုးပွား​စေ​မည်​။ သူ​သည် ခေါင်းဆောင်​တစ်ဆယ့်​နှစ်​ပါး​တို့​၏​ဖခင် ဖြစ်လာ​လိမ့်မည်​။ ငါ​သည် သူ့​ကို​ကြီးမြတ်​သော​လူမျိုး​ဖြစ်​စေ​မည်​။

ကမ္ဘာ​ဦး 24:60

သူ​တို့​သည် ရေဗက္ကာ​ကို​ကောင်းချီးပေး​လျက် “​ငါ​တို့​နှမ​၊ သင်​သည် လူ​အထောင်​အသောင်း​တို့​၏​အမိ​ဖြစ်လာ​ပါစေ​။ သင်​၏​အမျိုးအနွယ်​သည် ရန်သူ​တို့​၏​မြို့​တံခါး​ကို သိမ်းပိုက်​နိုင်​ပါစေ​”​ဟု ဆို​ကြ​၏​။

ကမ္ဘာ​ဦး 26:24

ထို​ည​၌ ထာဝရဘုရား​သည် သူ့​အား​ကိုယ်ထင်ရှားပြ​၍ “​ငါ​သည် သင့်​ဖခင်​အာဗြဟံ​၏​ဘုရား​ဖြစ်​၏​။ မ​ကြောက်​နှင့်​။ အကြောင်းမူကား ငါ​သည် သင်​နှင့်အတူ​ရှိ​၏​။ ငါ​သည် သင့်​ကို​ကောင်းချီးပေး​၍ ငါ​၏​အစေအပါး​အာဗြဟံ​အတွက်ကြောင့် သင်​၏​သားစဉ်မြေးဆက်​ကို​များပြား​စေ​မည်​”​ဟု မိန့်​တော်မူ​၏​။

ကမ္ဘာ​ဦး 33:5

ဧသော​သည် မျှော်ကြည့်​၍ မိန်းမ​များ​၊ ကလေး​များ​ကို​မြင်​သောအခါ “​သင်​နှင့်အတူ​ပါလာ​သော ဤ​သူ​တို့​ကား မည်သူ​တို့​နည်း​”​ဟု မေး​သော် ယာကုပ်​က “​သခင်​၏​အစေအပါး​အား ဘုရားသခင်​ပေးသနား​တော်မူ​သော​ကလေး​များ ဖြစ်​ကြ​ပါ​၏​”​ဟု ပြန်ဖြေ​လေ​၏​။

ကမ္ဘာ​ဦး 49:25

သင့်​ဖခင်​၏​ဘုရားသခင်​သည် သင့်​ကို ကူညီမစ​တော်မူ​မည်​။ အနန္တတန်ခိုးရှင်​သည် သင့်​အား အထက်​မိုးကောင်းကင်​၏​ကောင်းချီးမင်္ဂလာ​ဖြင့်​လည်းကောင်း​၊ အောက်​အရပ်​၌​ဝပ်​နေ​သည့်​နက်ရှိုင်း​သော​ရေထု​၏​ကောင်းချီးမင်္ဂလာ​ဖြင့်​လည်းကောင်း​၊ သားမြတ်​နှင့်​သားအိမ်​တို့​၏​ကောင်းချီးမင်္ဂလာ​ဖြင့်​လည်းကောင်း ကောင်းချီးပေး​တော်မူ​မည်​။

ကမ္ဘာ​ဦး 5:2

ယောက်ျား​နှင့်​မိန်းမ​အဖြစ် သူ​တို့​ကို​ဖန်ဆင်း​တော်မူ​၏​။ ထိုသို့ သူ​တို့​ကို​ဖန်ဆင်း​တော်မူ​သော​နေ့​၌ ကိုယ်တော်​သည် သူ​တို့​ကို​ကောင်းချီးပေး​၍ သူ​တို့​၏​အမည်​ကို လူ ဟု​မှည့်ခေါ်​တော်မူ​၏​။

ကမ္ဘာ​ဦး 6:1

မြေပြင်​ပေါ်တွင် လူ​တို့​များပြား​စပြု​လာ​၍ သူ​တို့​၌ သမီး​များ​မွေးဖွား​လာ​ကြ​သောအခါ

ကမ္ဘာ​ဦး 8:17

သင့်​ထံ၌​ရှိ​သော သက်ရှိသတ္တဝါ​အပေါင်း​၊ သားယဉ်​သားရဲ​အပေါင်း​တည်းဟူသော ငှက်​၊ တိရစ္ဆာန်​နှင့် မြေ​ပေါ်မှာ​တွားသွား​သော တွားသွားတိရစ္ဆာန်​အပေါင်း​တို့​သည် မြေကြီး​ပေါ်မှာ များပြား​ကြ​စေရန်​လည်းကောင်း​၊ မြေကြီး​ပေါ်မှာ​မွေးဖွား​တိုးပွား​ကြ​စေရန်​လည်းကောင်း သူ​တို့​ကို သင်​နှင့်အတူ​ထုတ်ဆောင်​လော့​”​ဟု မိန့်​တော်မူ​၏​။

ကမ္ဘာ​ဦး 9:1

ဘုရားသခင်​သည် နောဧ​နှင့် သူ​၏​သား​တို့​ကို​ကောင်းချီးပေး​လျက် “​များစွာ​မွေးဖွား​၍ တိုးပွား​ကြ​လော့​။ မြေကြီး​ကို​ပြည့်​စေ​ကြ​လော့​။

ကမ္ဘာ​ဦး 9:7

သင်​တို့​သည် များစွာ​မွေးဖွား​၍ တိုးပွား​ကြ​လော့​။ မြေကြီး​ပေါ်မှာ ပြည့်နှက်​ကြ​လော့​။ မြေကြီး​ပေါ်မှာ တိုးပွား​ကြ​လော့​”​ဟု မိန့်​တော်မူ​၏​။

၁ ရာ​ချုပ် 26:5

ဆဋ္ဌမ​သား အမျေလ​၊ သတ္တမ​သား ဣသခါ​၊ အဋ္ဌမ​သား ပုလသဲ တို့​ဖြစ်​ကြ​၏​။ သူ​တို့​သည် ဩဗဒေဒုံ​အား ဘုရားသခင်​ပေး​တော်မူ​သော​ကောင်းချီး​များ ဖြစ်​၏​။

၁ ရာ​ချုပ် 4:10

ယာဗက်​က အစ္စရေး​လူမျိုး​၏​ဘုရားသခင်​ထံ “​အကျွန်ုပ်​ကို ကောင်းချီးပေး​တော်မူ​ပါ​။ အကျွန်ုပ်​နယ်မြေ​ကို ကျယ်ဝန်း​စေ​တော်မူ​ပါ​။ အကျွန်ုပ်​နှင့်အတူ ပါရှိ​တော်မူ​ပြီး ထိခိုက်ဒဏ်ရာ​ရ​မည့်​ဘေးအန္တရာယ်​မှ ကွယ်ကာ​တော်မူ​ပါ​”​ဟု အော်ဟစ်​ဆုတောင်း​သောအခါ သူ​ဆုတောင်း​သည့်​အတိုင်း ဘုရားသခင်​ပေးသနား​တော်မူ​၏​။

ယောဘဝတ္တု။ 39:11

သူ​သည် ခွန်အား​ကြီး​သည်​ဆို​ပြီး သူ့​ကို ယုံစား​၍​ရ​မည်လော​။ သင်​လုပ်ဆောင်​ရ​မည့်​အလုပ်ကြမ်း​များ​ကို သူ့​အား လွှဲပေး​၍​ရ​မည်လော​။

ယောဘဝတ္တု။ 42:12

ယောဘ​၏​ဘဝ​အစပိုင်း​ထက် နောက်ပိုင်း​ကို ထာဝရဘုရား ပို၍​ကောင်းချီးပေး​တော်မူ​သဖြင့် သူ​၌ သိုး တစ်သောင်းလေးထောင်​၊ ကုလားအုတ် ခြောက်​ထောင်​၊ နွား​အရှဉ်း တစ်ထောင်​၊ မြည်းမ တစ်ထောင် ရှိ​လေ​၏​။

ဆာ​လံ 107:38

ကိုယ်တော်​သည် သူ​တို့​ကို ကောင်းချီးပေး​တော်မူ​သဖြင့် သူ​တို့​သည် အလွန်​တိုးပွား​ကြ​၏​။ သူ​တို့​၏​တိရစ္ဆာန်​ကို​လည်း လျော့နည်း​စေ​တော်​မ​မူ​ခဲ့​ပေ​။

ဆာ​လံ 115:16

ကောင်းကင်​သည် ထာဝရဘုရား​၏​ကောင်းကင်​ဖြစ်​၏​။ ကမ္ဘာမြေကြီး​ကို​ကား လူသား​တို့​အား ပေး​တော်မူ​၏​။

ဆာ​လံ 69:34

ကောင်းကင်​နှင့်​မြေကြီး​၊ သမုဒ္ဒရာ​နှင့် သမုဒ္ဒရာ​၌​လှုပ်ရှားသွားလာ​တတ်​သော​သတ္တဝါ​အပေါင်း​တို့​သည် ကိုယ်တော်​ကို​ချီးမွမ်း​ကြ​ပါစေသော​။

ဆာ​လံ 8:6

သူ့​အား ကိုယ်တော်​၏​လက်​တော်​ဖြင့် ပြုလုပ်​သော​အရာ​များ​ကို​အုပ်စိုး​စေ​၍ အရာ​ခပ်သိမ်း​တို့​ကို​သူ​၏​ခြေ​အောက်​၌ ချထား​တော်မူ​ပြီ​။

ဆာ​လံ 8:7

ထို​အရာ​တို့​တွင် သိုး​နွား​အားလုံး​နှင့် တောတိရစ္ဆာန်​များ​အပြင်

ဟေ​ရှာ​ယ 45:18

မိုးကောင်းကင်​ကို​ဖန်ဆင်း​တော်မူ​သော ဘုရားသခင်​၊ မြေကြီး​ကို​ပုံဖော်ဖန်ဆင်း​သော​၊ ဖြစ်​တည်​စေ​သော​၊ အချည်းနှီးသက်သက်​မ​ဖန်ဆင်း​ဘဲ သက်ရှိ​တို့​နေထိုင်​ရာ​အဖြစ် ပုံဖော်ဖန်ဆင်း​တော်မူ​သော​အရှင် ထာဝရဘုရား​က “​ငါ​သည် ထာဝရဘုရား​ဖြစ်​၏​။ အခြား​ဘုရား​မ​ရှိ​”​ဟု မိန့်​တော်မူ​၏​။

ဝတ်​ပြု 26:9

ငါ​သည် သင်​တို့​ကို ကြည့်ရှု​မည်​။ သင်​တို့​ကို တိုးပွား​များပြား​စေ​မည်​။ သင်​တို့​နှင့်​ဖွဲ့​ခဲ့​သော​ငါ​၏​ပဋိညာဉ်​ကို ငါ​တည်​စေ​မည်​။

၁ တိ 4:3

သူ​တို့​သည် အိမ်ထောင်ပြု​ခြင်း​ကို​တားမြစ်​ကြ​၍ ယုံကြည်​သူ​နှင့်​သမ္မာတရား​ကို​သိ​သော​သူ​တို့​သည် ကျေးဇူး​တော်​ချီးမွမ်း​လျက်​သုံးဆောင်​ရန်​အတွက် ဘုရားသခင်​ဖန်ဆင်း​ထား​သော​အစားအစာ​များ​ကို ရှောင်ကြဉ်​စေ​ကြ​လိမ့်မည်။