ကမ္ဘာ​ဦး 1:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² မြေကြီး​သည် အသွင်သဏ္ဌာန်​မ​ရှိ​၊ လဟာသက်သက်​ဖြစ်​၏​။ နက်ရှိုင်း​ရာ​အရပ်​၏​မျက်နှာပြင်​ကို မှောင်မိုက်​ဖုံးလွှမ်း​၍ ဘုရားသခင်​၏​ဝိညာဉ်​တော်​သည် ရေ​မျက်နှာပြင်​ပေါ်တွင် ရစ်ဝဲ​လျက်​နေ​တော်မူ​၏​။

Common Language Bible

² ကမ္ဘာ​မြေ​ကြီး​သည်​အ​သွင်​သဏ္ဌာန်​ဟူ​၍​မ​ရှိ။ လ​ဟာ​သက်​သက်​ဖြစ်​၏။ သ​မုဒ္ဒ​ရာ​ရေ​ပြင် ကြီး​ကို​မှောင်​အ​တိ​ဖုံး​၍​ရေ​ပြင်​ပေါ်​၌ ဘု​ရား​သ​ခင်​၏​တန်​ခိုး​တော် လှုပ်​ရှား​လျက်​ရှိ​၏။-

Garrad Bible

² မြေ ကြီး သည် ပုံ သ ဏ္ဌာန် မ ရှိ၊ လ ဟာ သက် သက် ဖြစ် လျက် ရေ ထု ရေ ပြင် ပေါ် မှာ မှောင် မိုက်၍ ဘု ရား သ ခင်၏ ဝိ ညာဉ် တော် သည် ရေ မျက် နှာ ပြင် ပေါ် မှာ ကိန်း ဝပ် တော် မူ ၏။

Judson Bible

² မြေ​ကြီး​သည် အ​ဆင်း​သ​ဏ္ဌာန်​မ​ရှိ၊ လွတ်​လပ်​လ​ဟာ​ဖြစ်​၏။ နက်​နဲ​ရာ​အ​ရပ်​ကို မှောင်​မိုက်​ဖုံး​လွှမ်း​၍ ဘု​ရား​သ​ခင်​၏ ဝိ​ညာဉ်​တော်​သည် ရေ​မျက်​နှာ​ပြင်​ပေါ်​မှာ​လှုပ်​ရှား​တော်​မူ​၏။

ကမ္ဘာ​ဦး 1:2 ပူးပေါင်းရင်းမြစ်များ

ယောဘဝတ္တု။ 26:14

ဤ​အရာ​တို့​သည် ဘုရား​ပြု​တော်မူ​သော​အမှု​တို့​တွင် အရိပ်အမြွက်​မျှသာ ဖြစ်​၏​။ အသံ​တော်​ကို သဲ့သဲ့လေး​သာ ကြား​နေ​ရ​ခြင်း​ဖြစ်​၏​။ တန်ခိုး​တော်​ထစ်ချုန်းသံ​ကို မည်သူ​နားလည်​နိုင်​မည်နည်း​”​ဟု ဆို​လေ​၏​။

ယောဘဝတ္တု။ 26:7

မြောက်​မျက်နှာ​လဟာပြင်​ကို ပြန့်ကား​စေ​ပြီး ကမ္ဘာမြေ​ကို လဟာပြင်​တွင် ချိတ်ဆွဲ​ထား​တော်မူ​၏​။

ယောဘဝတ္တု။ 38:9

ငါ​သည် ပင်လယ်ပြင်​ကို မိုးတိမ်​အဝတ်​ဖြင့်​လွှမ်းခြုံ​စေ​၍ အမှောင်ထု​နှင့်​ပတ်ရစ်​ပေး​၏​။

ယောဘဝတ္တု။ 41:32

သူ​သွား​ရာ​လမ်း​တွင် ရေ​များ​ဖွေးဖွေးလှုပ်​ကျန်​ခဲ့​ပြီး ရေထုကြီး​မှာ ဆံပင်ဖြူ​နေ​သယောင်ပင် ထင်​ရ​၏​။

ဆာ​လံ 104:30

ဝိညာဉ်​တော်​ကို စေလွှတ်​တော်မူ​သောအခါ သူ​တို့​သည် ဖန်ဆင်း​ခြင်း​ခံရ​ကြ​ပါ​၏​။ ကိုယ်တော်​သည် မြေကြီး​မျက်နှာပြင်​ကို​လည်း အသစ်ပြုပြင်​တော်မူ​၏​။

ဆာ​လံ 104:6

ကိုယ်တော်​သည် ထို​မြေကြီး​ကို အဝတ်​နှင့်​ဖုံးလွှမ်း​သကဲ့သို့ နက်ရှိုင်း​သော​ရေထု​ဖြင့် ဖုံးလွှမ်း​တော်မူ​၏​။ ရေထု​သည် တောင်​များ​ပေါ်တွင် တည်​လျက်​ရှိ​ပါ​၏​။

ဆာ​လံ 136:6

မြေကြီး​ကို ရေပြင်​ပေါ်၌ ဖြန့်ကြက်​ထား​တော်မူ​သော​အရှင်​၏​ကျေးဇူး​တော်​ကို ချီးမွမ်း​ကြ​လော့​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဆာ​လံ 148:7

ရေသတ္တဝါကြီး​များ​နှင့် နက်ရှိုင်း​ရာ​အရပ်​ရှိသမျှ​၊

ဆာ​လံ 33:6

ကောင်းကင်​သည် ထာဝရဘုရား​၏ နှုတ်ကပတ်တော်​အားဖြင့်​လည်းကောင်း​၊ ကောင်းကင်တန်ဆာ​ရှိသမျှ​တို့​သည် နှုတ်​တော်​မှ​ထွက်သက်လေ​အားဖြင့်​လည်းကောင်း ဖန်ဆင်း​ခြင်း​ခံရ​၏​။

သုတ္တံကျမ်း။ 8:24

နက်ရှိုင်း​သော​ရေထု​များ​မ​ရှိ​မီ​၊ ရေ​နှင့်​ပြည့်လျှံ​သော​စမ်းရေတွင်း​များ​မ​ဖြစ်ပေါ်​မီ ငါ့​ကို​ဖြစ်တည်​စေ​တော်မူ​ပြီ​။

ဟေ​ရှာ​ယ 31:5

ကောင်းကင်​ဗိုလ်ခြေ​အရှင်​ထာဝရဘုရား​သည် ဂျေရုဆလင်​မြို့​ကို ကာကွယ်​တော်မူ​မည်​။ ရစ်ဝဲ​နေ​သော​ငှက်​ကဲ့သို့ ကာကွယ်​၍ ကယ်နုတ်​တော်မူ​မည်​။ ချမ်းသာ​ပေး​၍ လွတ်မြောက်​စေ​တော်မူ​မည်​”​ဟု ငါ့​အား မိန့်​တော်မူ​၏​။

ဟေ​ရှာ​ယ 45:18

မိုးကောင်းကင်​ကို​ဖန်ဆင်း​တော်မူ​သော ဘုရားသခင်​၊ မြေကြီး​ကို​ပုံဖော်ဖန်ဆင်း​သော​၊ ဖြစ်​တည်​စေ​သော​၊ အချည်းနှီးသက်သက်​မ​ဖန်ဆင်း​ဘဲ သက်ရှိ​တို့​နေထိုင်​ရာ​အဖြစ် ပုံဖော်ဖန်ဆင်း​တော်မူ​သော​အရှင် ထာဝရဘုရား​က “​ငါ​သည် ထာဝရဘုရား​ဖြစ်​၏​။ အခြား​ဘုရား​မ​ရှိ​”​ဟု မိန့်​တော်မူ​၏​။

ယေ​ရ​မိ 4:23

ငါ​သည် မြေကြီး​ကို​ကြည့်​လိုက်​သော် ၎င်း​သည် အသွင်သဏ္ဌာန်​မ​ရှိ​၊ လဟာသက်သက်​ဖြစ်​၏​။ မိုးကောင်းကင်​သည်​လည်း အလင်း​မ​ရှိ​။

နာ​ဟုံ 2:10

မြို့​သည် ဘာမျှ​မ​ကျန်​အောင် ပျက်စီး​၍ ဟင်းလင်းပြင်​ဖြစ်​လေ​ပြီ​။ လူ​တို့​သည်​လည်း စိတ်ပျက်အားလျော့​လျက်​၊ ကြောက်ဒူးတုန်​လျက်​၊ ခါးချည့်​လျက် မျက်နှာ​ဖြူဖတ်ဖြူရော်​ဖြစ်​ကြ​လေ​ပြီ​။

၂ ကော 4:6

“အမှောင်​ထဲမှ အလင်း​ထွန်းလင်း​စေ”​ဟု မိန့်​တော်မူ​သော​ဘုရားသခင်​သည် ယေရှု​ခရစ်တော်​၏​မျက်နှာ​တော်​၌​ထွန်းလင်း​သည့် ဘုရားသခင်​၏​ဘုန်း​တော်​ကို​သိ​သော​ဉာဏ်​အလင်းရောင်​အား ငါ​တို့​စိတ်နှလုံး​ထဲ၌ ထွန်းလင်း​စေ​တော်မူ​၏။

တ​ရား​ဟော 32:11

လင်းယုန်​သည် မိမိ​အသိုက်​ကို​လှုပ်ခါ​၍ မိမိ​သားငယ်​တို့​အပေါ်​ပျံဝဲ​လျက်​၊ မိမိ​တောင်ပံ​ကို​ဖြန့်​လျက်​၊ သားငယ်​တို့​ကို​ချီယူ​ပြီး မိမိ​တောင်ပံ​ပေါ်တွင်​သယ်ဆောင်​သွား​သကဲ့သို့