UNehemiya 5:13 - IBHAYIBHELI ELINGCWELE

¹³ Ngavuthulula ingubo yami, ngathi: “UNkulunkulu makavuthulule kanjalo bonke abantu abangagcini leli zwi ezindlini zabo nasemfuyweni yabo; mabavuthululwe kanjalo, babe yize.” Lonke ibandla lathi: “Amen,” ladumisa uJehova. Abantu base benza njengalelo zwi.

IsiZulu 2020

¹³ Ngase ngithintitha umphetho wengubo yami, ngathi: “Sengathi uNkulunkulu angamvuthulula kanjalo noma ngubani ongeyukusigcina lesi sivumelwano; endlini nasempahleni, angamshiyeli lutho.” Yonke inhlangano yaphendula yathi: “Amen!” Yadumisa uSimakade. Yenza njengoba yayethembisile.

Contemporary Zulu Bible 2024

¹³ Nami nganyakazisa ingubo yami, ngathi: “Ngakho uNkulunkulu uyanyakazisa, kube yilowo nalowo endlini yakhe nasemsebenzini wakhe ongasigcwalisi lesi sithembiso; naye makavuthululwe kanjalo, angenalutho. Ibandla lonke lathi: Amen, lidumise uJehova. Abantu benza njengesithembiso.

UNehemiya 5:13 ပူးပေါင်းရင်းမြစ်များ

2 AmaKhosi 23:3

Inkosi yema ngasensikeni, yenza isivumelwano phambi kukaJehova ukumlandela uJehova nokugcina imiyalo yakhe, nobufakazi bakhe, nezimiso zakhe ngenhliziyo yonke nangomphefumulo wonke ukuqinisa amazwi alesi sivumelwano alotshwe kule ncwadi; bonke abantu basivuma isivumelwano.

1 iziKronike 16:36

Makabongwe uJehova uNkulunkulu ka-Israyeli, kusukela phakade kuze kube phakade. Bonke abantu bathi: “Amen,” bamdumisa uJehova.

UNehemiya 8:6

U-Ezra wambonga uJehova uNkulunkulu omkhulu. Bonke abantu baphendula bathi: “Amen, Amen,” bephakamisa izandla zabo; bakhothama, bakhuleka kuJehova, ubuso babo bubheke phansi.

AmaHubo 119:106

Ngifungile; ukulonda izahlulelo zakho ezilungileyo ngakugcina.

AmaHubo 50:14

Nikela kuNkulunkulu umnikelo wokubonga, uzigcwalise izithembiso zakho koPhezukonke;

AmaHubo 76:11

Thembisani, nigcwalise izithembiso kuJehova uNkulunkulu wenu. Bonke abamzungezileyo mabalethe izipho kuye owEsabekayo.

IzAga 28:4

Abashiya umthetho badumisa ababi, kepha abagcina umthetho balwa nabo.

UmShumayeli 5:5

Kungcono ukuba ungenzi isithembiso kunokuba uthembisa ungafezi.

UNumeri 5:22

Lawa manzi aveza isiqalekiso ayakungena ezibilini zakho, avuvukalise isisu sakho, ashwabanise ithanga lakho.” “ ‘Owesifazane uyakuthi: “Amen! Amen!”

Mathewu 10:14

Yilowo nalowo ongayikunamukela engawezwa amazwi enu, anothi niphuma kuleyo ndlu noma kulowo muzi, nivuthulule uthuli ezinyaweni zenu.

IzEnzo 13:51

Bona-ke babavuthululela uthuli lwezinyawo zabo, beza e-Ikoniyu.

IzEnzo 18:6

Kwathi benqaba, behlambalaza, wathintitha izingubo zakhe, wathi kubo: “Igazi lenu malibe phezu kwamakhanda enu; mina anginacala; kusukela manje ngizakuya kwabezizwe.”

1 kwabaseKorinte 14:16

Uma kungenjalo, nxa ubonga ngomoya, lowo osesikhundleni sabangafundile angasho kanjani ukuthi Amen ekubongeni kwakho na, lokhu engakwazi okushoyo?

1 Samuweli 15:28

USamuweli wathi kuye: “UJehova uklebhulile umbuso ka-Israyeli kuwe namuhla, uwunikile umngane wakho omuhle kunawe.