UJoshuwa 8:29 - IBHAYIBHELI ELINGCWELE

²⁹ Inkosi yase-Ayi wayiphanyeka emthini kwaze kwahlwa; ukushona kwelanga uJoshuwa wabayala ukuba behlise isidumbu sayo emthini, basintshinga ngasesikhaleni sesango lomuzi, wamisa phezu kwaso inqwaba enkulu yamatshe ekhona nanamuhla.

IsiZulu 2020

²⁹ Inkosi yase-Ayi wayilengisa emthini kwaze kwaba kusihlwa. Ngokushona kwelanga uJoshuwa wayala ukuba basehlise isidumbu sayo emthini, basitshinge esangweni lomuzi, base bebeka inqwaba enkulu yamatshe phezu kwaso, esekhona nanamuhla.

Contemporary Zulu Bible 2024

²⁹ Inkosi yase-Ayi wayiphanyeka emthini kwaze kwahlwa; kwathi lapho nje ilanga selishonile, uJoshuwa wayala ukuba behlise isidumbu sakhe esihlahleni basijikijele ngasemnyango wesango lomuzi bamise phezu kwaso inqwaba enkulu yamatshe esekhona kuze kube yilolu suku.

UJoshuwa 8:29 ပူးပေါင်းရင်းမြစ်များ

2 Samuweli 18:17

Bamthatha u-Abisalomu, bamlahla emgodini omkhulu ehlathini, babeka phezu kwakhe inqwaba enkulu kakhulu yamatshe; bonke abakwa-Israyeli, kwaba yilowo nalowo, babalekela ematendeni abo.

Esteri 7:10

Base bemphanyeka-ke uHamani emthini ayewulungisele uMoridekayi. Yayisibohla intukuthelo yenkosi.

AmaHubo 107:40

Wathela ukudelelwa phezu kwezikhulu, wabazulazulisa ehlane elingenandlela.

AmaHubo 110:5

INkosi ingakwesokunene sakho; iyakuchoboza amakhosi ngosuku lwentukuthelo yayo.

Johane 19:31

Khona abaJuda, ngokuba kwakungolokulungisela, ukuze izidumbu zingahlali esiphambanweni ngesabatha, ngokuba lolo suku lwesabatha lwalulukhulu, banxusa uPilatu ukuba yaphulwe imilenze yabo, basuswe.

IzEnzo 12:23

Kepha ingelosi yeNkosi yamshaya khona lapho, ngokuba enganikanga uNkulunkulu udumo; wadliwa yizimpethu, wafa.

UJoshuwa 10:30

uJehova walinikela nalo nenkosi yalo esandleni sakwa-Israyeli, walichitha ngosiko lwenkemba nabo bonke abakulo, akashiyanga noyedwa owasala phakathi kwalo; wenza-ke kuyo inkosi yalo njengalokho ebenzile kuyo inkosi yaseJeriko.

UJoshuwa 10:33

Khona kwakhuphuka uHoramu inkosi yaseGezeri ukuba asize iLakishi; kepha uJoshuwa wambulala nabantu bakhe, akaze amshiyela noyedwa owasalayo.

UJoshuwa 12:9

inkosi yaseJeriko: inye; inkosi yase-Ayi elingaseceleni kweBethele: inye;

UJoshuwa 7:26

Bamisa phezu kwakhe inqwaba yamatshe; isekhona nanamuhla; uJehova waphenduka entukuthelweni yake enkulu. Ngalokho igama laleyo ndawo laqanjwa ngokuthi isigodi sase-Akori kuze kube namuhla.

UJoshuwa 8:23

Inkosi yase-Ayi bayibamba isaphila, bayiyisa kuJoshuwa.