UJeremiya 51:31 - IBHAYIBHELI ELINGCWELE

³¹ Isigijimi siyagijma, sihlangane nesinye, umbiki uhlangana nombiki ukutshela inkosi yaseBabele ukuthi umuzi wayo unqotshiwe nxazonke.

IsiZulu 2020

³¹ Isigijimi siyagijma, sihlangane nesinye, nesithunywa silandela esinye ukuyobikela inkosi yaseBhabhele, ukuthi umuzi wayo usudliwe nxazonke.

Contemporary Zulu Bible 2024

³¹ Esinye isigijimi siyakuhlangana nesinye, nesithunywa sihlangane nesinye, ukwazisa inkosi yaseBabele ukuthi umuzi wayo uthathiwe nganxanye,

UJeremiya 51:31 ပူးပေါင်းရင်းမြစ်များ

2 iziKronike 30:6

Zase zihamba izigijimi nezincwadi eziphuma esandleni senkosi nasezikhulwini zayo, zaya kuye wonke u-Israyeli noJuda ngesiyalezo senkosi sokuthi: “Nina bantwana bakwa-Israyeli, buyelani kuJehova uNkulunkulu ka-Abrahama noka-Isaka noka-Israyeli ukuba abuyele kuyo insali yenu yabasindileyo esandleni samakhosi ase-Asiriya.

Esteri 8:10

Waloba egameni lenkosi u-Ahashiveroshi, wakunamathelisa ngendandatho yenkosi, wazithuma izincwadi ngesandla sezigijimi zamahhashi, zigibela amahhashi anejubane, amahhashi enkosi akhethekileyo,

Esteri 8:14

Zase ziphuma izigijimi zigibele amahhashi anejubane, amahhashi enkosi, zisheshiswa ziqhutshwa yizwi lenkosi; umthetho washaywa eShushani endlini yenkosi.

UJobe 9:25

“Imihla yami iyashesha kunesigijimi; iyabaleka ingabonanga okuhle.

UJeremiya 4:20

Kuyamenyezelwa ukubhujiswa phezu kokubhujiswa, ngokuba izwe lonke liyachithwa. Amatende ami ayachithwa masinyane, nezilenge zami ngokuphazima kweso.

UJeremiya 50:2

“Memezani phakathi kwezizwe, nikuzwakalise, nimise ibhanela,* nikuzwakalise, ningakufihli, nithi: ‘IBabele linqotshiwe, uBeli ujabhile, uMerodaki uphelile amandla; izithombe zalo zijabhile, imifanekiso yalo iphelile amandla.’

UJeremiya 50:24

Ngakucupha, wabanjwa, Babele, ungakwazi; wafunyanwa, wabanjwa, ngokuba ulwile noNkulunkulu.

UJeremiya 50:43

Inkosi yaseBabele izwile udumo lwabo, izandla zayo zaba buthakathaka; usizi luyibambile, nemihelo njengeyobelethayo.

UJeremiya 51:32

Amazibuko avinjiwe, umhlanga ushisiwe ngomlilo, amadoda empi ayesaba.”

UDaniyeli 5:30

Ngalobo busuku uBelishasari inkosi yamaKaledi wabulawa.