UJeremiya 48:3 - IBHAYIBHELI ELINGCWELE

³ Izwi lokukhala livela eHoranayimi, ukuchithwa nokuqothulwa okukhulu.

IsiZulu 2020

³ Umsindo wokukhala okulusizi uvela eHoranayimi, incithakalo, incithakalo enkulu.

Contemporary Zulu Bible 2024

³ Izwi lokumemeza livela eHoronayimi, ukubhujiswa nokubhujiswa okukhulu.

UJeremiya 48:3 ပူးပေါင်းရင်းမြစ်များ

U-Isaya 15:2

Bayakhuphukela ethempelini; iDiboni lenyukela ezindaweni eziphakemeyo ukuyokhala; uMowabi uyaklewula eNebo naseMedeba; onke amakhanda ayizimpandlana, zonke izilevu ziphuculiwe.

U-Isaya 15:5

Inhliziyo yami ikhalela uMowabi; ababalekileyo bakhe bayabalekela eSora, nase Egila Shelishiya; yebo, nasegqumeni laseLuhithe bakhuphukela bekhala, nasendleleni eya eHoronayimi, bephakamisa izwi lokudazuluka.

U-Isaya 15:8

Ngokuba ukukhala kuzungeze imikhawulo yakwaMowabi, nokuklewula kwakhe kuze kube se-Egelayimi, nokububula kwakhe kuze kube seBeri Elimi.

U-Isaya 22:4

Ngalokho ngathi: “Ningangibheki, ngiyakukhala ngomunyu; ningazami ukungiduduza ngenxa yokuchithwa kwendodakazi yabantu bami.”

UJeremiya 20:16

Lowo muntu makabe njengemizi uJehova ayigumbuqela engazisoli, ezwe ukukhala ekuseni nokumemeza ngesikhathi sasemini,

UJeremiya 47:2

Usho kanje uJehova, uthi: “Bheka, amanzi ayenyuka enyakatho, abe ngumfula okhukhulayo, akhukhule izwe nokugcwala kwalo, umuzi nabakhileyo kuwo; abantu bayakukhala, bonke abakhileyo ezweni bahhewule.

UJeremiya 48:34

“Kusukela eHeshiboni elikhalayo liyezwakalisa ukukhala kwalo kuze kube se-Elehale naseJahasi, kusukela eSowari kuze kube seHoronayimi nase-Egilati Shelishiya, ngokuba namanzi aseNimrimi ayakuba yincithakalo.

UJeremiya 48:4

UMowabi uchithekile; abancane bakhe bezwakalisa ukukhala.

UJeremiya 48:5

Ngokuba bakhuphuka egqumeni laseLuthite, bekhala njalo, nasekwehleni ukuya eHoronayimi bezwile usizi lokukhala kwencithakalo.

UJeremiya 51:54

“Ngumsindo wokukhala ovela eBabele, nowencithakalo enkulu ophuma ezweni lamaKaledi,