UHezekeli 32:4 - IBHAYIBHELI ELINGCWELE

⁴ Ngiyakukuphonsa emhlabathini, ngikuntshinge endle, ngihlalise phezu kwakho zonke izinyoni zezulu, ngisuthise zonke izilwane zomhlaba ngawe.

IsiZulu 2020

⁴ Ngiyakukulaxaza emhlabathini, ngikuntshinge endle, ngihlalise phezu kwakho zonke izinyoni zezulu, ngizisuthise ngawe zonke izilwane zomhlaba.

Contemporary Zulu Bible 2024

⁴ Ngiyakukushiya emhlabeni, ngikulahle endle, zihlale phezu kwakho zonke izinyoni zezulu, ngigcwalise ngawe izilwane zomhlaba wonke.

UHezekeli 32:4 ပူးပေါင်းရင်းမြစ်များ

AmaHubo 63:10

Bayakunikelwa esandleni senkemba, babe yisabelo sezimpungushe.

AmaHubo 74:14

Nguwena owaphohloza amakhanda kaLeviyathani,* wamnika abe ngukudla kwezidalwa zasehlane.

U-Isaya 14:19

Kepha wena ulahliwe ngaphandle kwethuna lakho njengegatsha elinengekayo, ligqokwe ngababuleweyo, abahlatshwe yinkemba, abehlela ematsheni omgodi njengesidumbu esinyathelweyo.

U-Isaya 18:6

Ayakushiywa ndawonye abe ngawamanqe asezintabeni nawezilwane zasemhlabeni; amanqe ayakuhlala ehlobo phezu kwawo, nazo zonke izilwane zomhlaba ziyakuhlala ebusika phezu kwawo.

U-Isaya 66:24

“Bayakuphuma, babone izidumbu zabantu abaphambukile kimi, ngokuba impethu yabo ayiyikufa nomlilo wabo awuyikucima, babe yisinengiso kuyo yonke inyama.”

UJeremiya 25:33

Ngalolo suku ababuleweyo bakaJehova bayakusukela komunye umkhawulo womhlaba, baze bafike komunye; abayikukhalelwa, abayikubuthwa, abayikumbelwa, bayakuba ngumquba ebusweni bomhlaba.

UJeremiya 8:2

baweneke elangeni nasenyangeni nakulo lonke ibandla lasezulwini, abakuthandile, bakukhonza, bakulandela, bakufuna, bakhuleka kukho; awayikubuthwa, awayikumbelwa, ayakuba ngumquba ebusweni bomhlabathi.

UHezekeli 29:5

Ngiyakukulahla ehlane, wena nazo zonke izinhlanzi zemifula yakho, uwe ebusweni bomhlabathi; awuyikubuthwa, ulandwe; ngiyakukunika ube ngukudla kwezilwane zomhlaba nokwezinyoni zezulu.

UHezekeli 35:8

Ngiyakugcwalisa izintaba zayo ngababuleweyo bayo, abagwazwe ngenkemba bawa emagqumeni akho, nasezigodini zakho, nakuyo yonke imifula yakho.

UJoweli 3:19

IGibithe liyakuba yincithakalo, u-Edomi abe yihlane lencithakalo ngenxa yendluzula eyenziwe kubantwana bakwaJuda, ngokuba bachithile igazi elingenacala ezweni labo.