UGenesise 4:12 - IBHAYIBHELI ELINGCWELE

¹² Uma ulima umhlabathi, awusayikukunika isithelo sawo; wena uyakuba ngumhambuma nozulane emhlabeni.”

IsiZulu 2020

¹² Uma ulima, umhlabathi awuyikukunika sivuno; uzoba ngumhambuma nozulane emhlabeni.”

Contemporary Zulu Bible 2024

¹² Lapho ulima umhlabathi, ngeke usakunika amandla awo; uyakuba ngumbaleki nesihambi emhlabeni.

UGenesise 4:12 ပူးပေါင်းရင်းမြစ်များ

UGenesise 4:13

Khona wathi uKayini kuJehova: “Isono sami sikhulu kunokuba ngisithwale.

UGenesise 4:14

Bheka, uyangixosha namuhla ebusweni bomhlaba, ngicashe ebusweni bakho; ngiyakuba ngumhambuma nozulane emhlabeni, ongifumanayo angibulale.”

AmaHubo 107:34

nomhlabathi ovundileyo waba lugwadule lukasawoti ngenxa yobubi babahlezi khona.

AmaHubo 109:10

Abantwana bakhe mababe yizintandane, baphanze, bacele bekude nezindawo zabo ezichithekileyo.

IzAga 28:17

Umuntu osindwa yigazi lomunye uyakubalekela egodini; makangasizwa muntu.

Hoseya 9:17

UNkulunkulu wami uyakubalahla, ngokuba abamlalelanga, babe ngabazulazulayo phakathi kwabezizwe.

UJoweli 1:10

Amasimu achithekile, umhlabathi uyalila, ngokuba amabele achithiwe; iwayini elisha lishile, amafutha ayawuma.

ULevitikusi 26:17

Ngiyakubeka ubuso bami bumelane nani, nibulawe phambi kwezitha zenu; abanizondayo bayakubusa phezu kwenu, nibaleke ningaxoshwa muntu.

ULevitikusi 26:20

Amandla enu ayakuchithwa ngeze, ngokuba izwe lakini aliyikuthela ukudla kwalo, nemithi yezwe ayiyikuthela izithelo zayo.

ULevitikusi 26:36

“ ‘Abaseleyo bakini ngiyakubehlisela itwetwe ezinhliziyweni zabo emazweni ezitha zabo; ubuhashahasha beqabunga elinyakaziswayo buyakubaxosha, babaleke njengalokhu umuntu ebalekela inkemba, bawe bengaxoshwa muntu.

KwabaseRoma 8:20

Ngokuba okudaliweyo kwabekwa phansi kobuze, kungengentando yakho kodwa ngaye owakubekayo,

UDuteronomi 28:15

“Kuyakuthi uma ungalilaleli izwi likaJehova uNkulunkulu wakho ukuba uqaphele ukwenza yonke imiyalo yakhe nezimiso zakhe engikuyala ngakho namuhla, zonke lezi ziqalekiso zikwehlele, zikufice.