AmaHubo 97:1 - IBHAYIBHELI ELINGCWELE

¹ UJehova uyinkosi; umhlaba mawethabe, zijabule iziqhingi eziningi.

IsiZulu 2020

¹ USimakade uyabusa, umhlaba mawuthokoze, zethabe iziqhingi eziningi.

Contemporary Zulu Bible 2024

¹ UJehova uyinkosi; umhlaba mawuthokoze; uquqaba lweziqhingi malujabule ngalo.

AmaHubo 97:1 ပူးပေါင်းရင်းမြစ်များ

UGenesise 10:5

Kuvela kulabo iziqhingi zabezizwe zahlukaniselwa amazwe abo, kwaba yilelo nalelo ngolimi lwalo, nangemindeni yalo, nangezizwe zalo.

AmaHubo 2:11

Mkhonzeni uJehova ngokwesaba, nethabe ngokuthuthumela.

AmaHubo 93:1

UJehova uyinkosi, wembethe ubukhosi; uJehova wembethe, ubhince amandla. Nezwe limi liqinile, lingazanyazanyiswa.

AmaHubo 99:1

UJehova uyinkosi; mabathuthumele abantu; uhlezi phezu kwamakherubi;* mawuzamazame umhlaba.

U-Isaya 11:11

Kuyakuthi ngalolo suku iNkosi ibuye yelule isandla sayo ngokwesibili ukuzuza insali yabantu bayo eyakusala e-Asiriya, naseGibithe, nasePhatirosi, naseKushe, nase-Elamu, naseShineyari, naseHamati, naseziqhingini zolwandle.

U-Isaya 41:5

Iziqhingi ziyakubona, ziyesaba; imikhawulo yomhlaba iyathuthumela; isondele, isifikile.

U-Isaya 42:4

Akayikudangala, aphele amandla, aze amise ukwahlulela emhlabeni; neziqhingi ziyakuhlalela umthetho wakhe.”

U-Isaya 49:1

Ngilaleleni nina ziqhingi, niqaphele nina bantu abakude; uJehova ungibizile kwasekuzalweni, waqamba igama lami kwasezibilinini zikamame.

U-Isaya 49:13

Jabulani nina mazulu, uthokoze nawe mhlaba, niqhumuke ngokuhlabelela nina zintaba, ngokuba uJehova ududuza abantu bakhe, abe nomusa kwabahluphekileyo bakhe.

U-Isaya 51:5

Ukulunga kwami kuseduze, insindiso yami iphumile, izingalo zami ziyakubahlulela abantu; iziqhingi ziyangihlalela, zilindela umkhono wami.

U-Isaya 60:9

Iziqhingi ziyangihlalela, imikhumbi yaseTharishishi kuqala, ukuletha amadodana akho evela kude, enesiliva negolide lawo kulo igama likaJehova uNkulunkulu wakho nakoNgcwele ka-Israyeli, ngokuba uyakudumisa.

U-Isaya 66:19

“Ngiyakubeka isibonakaliso phakathi kwazo, ngithume ababalekileyo babo kwabezizwe, eTharishishi, nasePhuli, naseLudi, abagoba umnsalo, nakuThubali naseJavani, eziqhingini ezikude, ezingezwanga umbiko ngami, zingabonanga inkazimulo yami, baze balande ngenkazimulo yami ezizweni.

Obadiya 1:21

Abasindisi bayakukhuphukela entabeni yaseSiyoni ukuyakwahlulela intaba yakwa-Esawu, umbuso besewuba ngokaJehova.

UZefaniya 2:11

UJehova uyakwesabeka phezu kwabo, ngokuba uyakuzacisa bonke onkulunkulu bomhlaba, bakhuleke kuye, kube yilowo nalowo endaweni yakhe, zonke iziqhingi zezizwe.

UZakariya 14:9

UJehova uyakuba yiNkosi emhlabeni wonke; ngalolo suku uJehova uyakuba munye, negama lakhe libe linye.

Mathewu 3:3

Ngokuba nguye akhuluma ngaye umprofethi u-Isaya, ethi: “Izwi lomemezayo ehlane, lithi: ‘Lungisani indlela yeNkosi, nenze imikhondo yayo iqonde.’ ”

Mathewu 6:10

mawufike umbuso wakho; mayenziwe intando yakho emhlabeni njengasezulwini;

Mathewu 6:13

ungasingenisi ekulingweni, kodwa usikhulule kokubi; ngokuba umbuso ungowakho, namandla, nenkazimulo, kuze kube phakade. Amen.’

NgokukaMarku 11:10

Ubusisiwe umbuso ozayo kababa uDavide. Hosiyana kweliphezulu!”

KwabaseKolose 1:13

owasikhulula emandleni obumnyama nowasibeka embusweni weNdodana yothando lwakhe;

IsAmbulo 11:17

ethi: “Siyakubonga, Nkosi Nkulunkulu, Mninimandla onke, okhona nowawukhona, ngokuba uthabathe amandla akho amakhulu, wabusa;