AmaHubo 7:10 - IBHAYIBHELI ELINGCWELE

¹⁰ Isihlangu sami sikuNkulunkulu osindisa abaqotho ngenhliziyo.

IsiZulu 2020

¹⁰ Nkulunkulu, uyisihlangu sami, ungumsindisi woqotho enhliziyweni.

Contemporary Zulu Bible 2024

¹⁰ Isivikelo sami sikuNkulunkulu, osindisa abaqotho ngenhliziyo.

AmaHubo 7:10 ပူးပေါင်းရင်းမြစ်များ

UGenesise 15:1

Emva kwalokho kwafika izwi likaJehova ku-Abrama ngombono, lithi: “Ungesabi, Abrama, ngiyisihlangu sakho; umvuzo wakho uyakuba mkhulu kakhulu.”

1 iziKronike 28:9

“Wena Solomoni, ndodana yami, yazi uNkulunkulu kayihlo, umkhonze ngenhliziyo epheleleyo nangenhliziyo ethokozayo, ngokuba uJehova uhlola izinhliziyo zonke, uqonda zonke izizindlo zemicabango; uma umfuna, uyakufunyanwa nguye; kepha uma umshiya, uyakukulahla kuze kube phakade.

2 iziKronike 6:30

mawuzwe wena ezulwini, indawo yakho yokuhlala, uthethelele, unike, kube yilowo nalowo njengezindlela zakhe zonke, wena owaziyo inhliziyo yakhe ngokuba wena kuphela uyazi izinhliziyo zabantwana babantu

UJobe 8:6

uma uhlambulukile, futhi ulungile, khona yena uyakuvuka ngenxa yakho, aphumelelise ikhaya lokulunga kwakho.

AmaHubo 112:2

Inzalo yakhe iyakuba namandla emhlabeni; isizukulwane sabaqotho siyakubusiswa.

AmaHubo 125:4

Jehova, yenza okuhle kubo abalungileyo nabaqotho ezinhliziyweni zabo.

AmaHubo 3:3

Kepha wena Jehova uyisihlangu kimi, uludumo lwami nophakamisa ikhanda lami.

AmaHubo 84:11

Ngokuba uJehova uNkulunkulu uyilanga nesihlangu; uJehova uyakupha umusa nodumo; akayikubenqabela okuhle abahamba ngobuqotho.

AmaHubo 89:18

Ngokuba isihlangu sethu singesikaJehova; inkosi yethu ingeyoNgcwele ka-Israyeli.

IzAga 11:20

Abanhliziyo ephambeneyo bayisinengiso kuJehova, kepha abapheleleyo endleleni yabo bayintokozo kuye.

IzAga 2:21

Ngokuba abaqotho bayakuhlala ezweni, abapheleleyo basale kulo.

IzAga 28:18

Ohamba ekupheleleni uyakusinda, kepha ophambene ngezindlela zakhe uyakuwa kwenye yazo.

UJeremiya 11:20

Jehova Sebawoti, mahluleli olungileyo, ovivinya izinso nenhliziyo, mangibone ukuphindisela kwakho kubo, ngokuba ngibonakalisile indaba yami kuwe.

UJeremiya 17:10

“Mina Jehova ngivivinya inhliziyo, ngihlola izinso ukuba nginike, kube yilowo nalowo njengezindlela zakhe, njengezithelo zezenzo zakhe.”