AmaHubo 68:9 - IBHAYIBHELI ELINGCWELE

⁹ Wanisa imvula enkulu, Nkulunkulu; ifa lakho selahlulekile, waliqinisa.

IsiZulu 2020

⁹ Wanisa imvula enkulu, Nkulunkulu; ifa lakho selehlulekile, waliqinisa.

Contemporary Zulu Bible 2024

⁹ Wena, Nkulunkulu, wathumela imvula enkulu, owaqinisa ngayo ifa lakho lapho selikhathele.

AmaHubo 68:9 ပူးပေါင်းရင်းမြစ်များ

1 AmaKhosi 19:11

Wathi: “Phuma, ume entabeni phambi kukaJehova.” Bheka, uJehova wadlula, umoya omkhulu onamandla wadabula izintaba, waphahlaza amadwala phambi kukaJehova; kepha uJehova wayengekho emoyeni; emva komoya kwazamazama umhlaba; kepha uJehova wayengekho ekuzamazameni komhlaba;

UEksodusi 19:18

Yonke intaba yaseSinayi yathunqa umusi, ngokuba uJehova wehlela phezu kwayo ngomlilo; umusi wayo wenyuka njengomusi wesithando; intaba yonke yazamazama kakhulu.

UHezekeli 34:26

Ngiyakuzenza zona nezindawo ezizungeza intaba yami zibe yisibusiso, ngehlise imvula ngesikhathi sayo, ibe yizihlambi zesibusiso.

UDuteronomi 11:14

ngiyakuninika imvula yezwe lakini ngesikhathi sayo, imvula yokuqala nemvula yamuva, ukuba ubuthe amabele akho, newayini lakho, namafutha akho.

AbAhluleli 5:4

“Jehova, ekuphumeni kwakho eSeyiri, ekusukeni kwakho ezweni lakwa-Edomi umhlaba wazamazama, namazulu aconsa, yebo, amafu aconsa amanzi.

AbAhluleli 5:5

Izintaba zathuthumela ebusweni bukaJehova, yebo, nalo iSinayi lelo, ebusweni bukaJehova uNkulunkulu ka-Israyeli.