AmaHubo 49:17 - IBHAYIBHELI ELINGCWELE

¹⁷ Ngokuba ekufeni kwakhe akayikuphatha lutho; ubukhosi bakhe abuyikwehla naye.

IsiZulu 2020

¹⁷ Ngokuba ekufeni kwakhe akayukumuka nalutho, umcebo wakhe awuyukwehla naye.

Contemporary Zulu Bible 2024

¹⁷ Ngoba uba efa, kayikuthatha lutho; inkazimulo yakhe ayiyikwehla emva kwakhe.

AmaHubo 49:17 ပူးပေါင်းရင်းမြစ်များ

UJobe 1:21

wathi: “Ngaphuma ngize esizalweni sikamame; ngiyakubuyela khona ngize; uJehova wapha, uJehova uthathile; malibongwe igama likaJehova.”

UJobe 27:19

Uyalala enothile, angakuphindi kodwa; uyavula amehlo akhe, abe engasekho.

AmaHubo 17:14

nakubantu ngesandla sakho, Jehova, abantu baleli zwe abasabelo sabo sikulokhu kuphila, nabasisu sabo usigcwalisa ngengcebo yakho, nabashiyela izingane zabo okusele kubo.

UmShumayeli 5:15

Njengalokho aphuma esizalweni sikanina, uyakubuye amuke, ahambe ze njengasekufikeni kwakhe, engatholi lutho ngomshikashika wakhe, ahambe nalo esandleni sakhe.

U-Isaya 10:3

Niyakwenze njani ngosuku lokuhanjelwa nasekuchithakaleni okuvela kude na? Niyakubalekela kubani ukuba nisizwe na? Niyakushiya kubani imfuyo yenu na?

U-Isaya 5:14

Ngalokho indawo yabafileyo yandisile isifiso sayo, yavula umlomo wayo ngokungalinganiswayo; kwehlela kuyo amakhosi abo, nesixuku sabo esixokozelayo, kanye nabajabulayo phakathi kwabo.

NgokukaLuka 12:20

“Kepha uNkulunkulu wathi kuye: ‘Wena siwula, ngalobu busuku umphefumulo wakho uzakubizwa kuwe; pho-ke, izinto ozilungisileyo ziyakuba ngezikabani na?’

NgokukaLuka 16:24

Samemeza sathi: ‘Baba Abrahama, ngihawukele, uthume uLazaru, agcobhoze isihloko somunwe wakhe emanzini, aphozise ulimi lwami, ngokuba ngiyahlushwa kuleli langabi.’

1 kwabaseKorinte 15:43

kuhlwanyelwa kunokudelwa, kuvuswa kunenkazimulo; kuhlwanyelwa kunobuthakathaka, kuvuswa kunamandla.

1 kuThimothewu 6:7

ngokuba asilethanga lutho ezweni; kusobala ukuthi singemuke nalutho futhi;