AmaHubo 145:17 - IBHAYIBHELI ELINGCWELE

¹⁷ UJehova ulungile ezindleleni zakhe zonke, unomusa emisebenzini yakhe yonke.

IsiZulu 2020

¹⁷ USimakade ulungile ezindleleni zakhe zonke, unomusa emisebenzini yakhe yonke.

Contemporary Zulu Bible 2024

¹⁷ UJehova ulungile ezindleleni zakhe zonke, ungcwele emisebenzini yakhe yonke.

AmaHubo 145:17 ပူးပေါင်းရင်းမြစ်များ

UGenesise 18:25

Makube kude nawe ukwenza ngale ndlela, ukubulala olungileyo kanye nomubi, olungileyo abe njengomubi; lokhu makube kude nawe; umahluleli womhlaba wonke ubengayikwenza ukulunga na?”

2 Samuweli 22:31

Indlela kaNkulunkulu iphelele; izwi likaJehova lihlanzekile; yena uyisihlangu kubo bonke abaphephela kuye.

UJobe 34:10

“Ngalokho ngizweni nina bantu abanokuqonda; makube kude noNkulunkulu ukuba enze okubi, nakuSomandla ukuba enze ukona.

UJobe 34:12

Impela uNkulunkulu akenzi okubi; uSomandla kahlanekezeli ukwahlulela.

AmaHubo 103:6

UJehova ubenzela bonke abacindezelwayo ukulunga nokwahlulela.

AmaHubo 112:4

Kuyabaphumela abalungileyo ukukhanya ebumnyameni: umusa, nobubele, nokulunga.

AmaHubo 116:5

Unomusa uJehova, ulungile; uNkulunkulu wethu unobubele.

AmaHubo 50:6

Izulu lishumayela ukulunga kwakhe, ngokuba uNkulunkulu ungumahluleli. Sela*

AmaHubo 89:14

Ukulunga nokwahlulela kuyisisekelo sesihlalo sakho sobukhosi; umusa neqiniso kuyahamba phambi kobuso bakho.

AmaHubo 97:2

Amafu nobumnyama kuyamphahla; ukulunga nokwahlulela kuyisisekelo sesihlalo sakhe sobukhosi.

U-Isaya 45:21

Kumemezeleni, nikuveze; yebo, balulekane kanyekanye. Ngubani owakuzwisa lokhu endulo, wakumemezela kwasesikhathini samandulo na? Akusimina Jehova na? Akakho uNkulunkulu ngaphandle kwami, uNkulunkulu olungileyo noMsindisi, akakho ngaphandle kwami.

UZefaniya 3:5

UJehova ulungile phakathi kwawo, akenzi okubi; ekuseni njalo uveza ukwahlulela kwakhe ekukhanyeni, akuphuthi; kepha abangalungile abazi amahloni.

UZakariya 9:9

Thokoza kakhulu, ndodakazi yaseSiyoni; jabula nokujabula, ndodakazi yaseJerusalema; bheka, iNkosi yakho iza kuwe, ilungile, inensindiso, ithobekile, ikhwele imbongolo, ithole, inkonyane yembongolokazi.

UDuteronomi 32:4

“Uyidwala, umsebenzi wakhe uphelele, ngokuba zonke izindlela zakhe zingukulunga; unguNkulunkulu wokuthembeka ongenakonakala; ulungile, uqotho yena.

IsAmbulo 19:11

Ngase ngibona izulu livulekile; bheka, nanto ihhashi elimhlophe nohlezi phezu kwalo obizwa ngokuthi oThembekileyo noQinisileyo; uyahlulela, alwe ngokulunga.

IsAmbulo 19:2

ngokuba ziqinisile, zilungile izahlulelo zakhe; ngokuba isifebe esikhulu esonakalisa umhlaba ngobufebe baso, uliphindisele igazi lezinceku zakhe esandleni saso.”

IsAmbulo 4:8

Nezidalwa ezine, yileso naleso kuzo, zinamaphiko ayisithupha; emaceleni onke nangaphakathi zigcwele amehlo; kazikhawuli imini nobusuku ukuthi: “Ingcwele, ingcwele, ingcwele, iNkosi uNkulunkulu uMninimandla onke, owayekhona nokhona nozayo.”