1 iziKronike 26:31 - IBHAYIBHELI ELINGCWELE

³¹ KumaHebroni uJeriya wayeyinhloko, kumaHebroni njengezizukulwane zawo ngezindlu zawoyise. Ngomnyaka wamashumi amane wokubusa kukaDavide kwafunwa, kwafunyanwa phakathi kwawo amaqhawe anamandla eJazeri kwaGileyadi.

IsiZulu 2020

³¹ KumaHebhroni, nguJeriya owayeyinhloko yezizukulwane ngokwezindlu zoyise. Ngonyaka wama-40 wokubusa kukaDavide kwafunwa, kwatholakala phakathi kwabo amaqhawe anamandla eJazeri kwaGileyadi.

Contemporary Zulu Bible 2024

³¹ KumaHebroni kwakukhona uJeriya inhloko yamaHebroni ngokwezizukulwane zawoyise. Ngomnyaka wamashumi amane wokubusa kukaDavide bafunwa, kwafunyanwa kubo amaqhawe anamandla eJazeri kwaGileyadi.

1 iziKronike 26:31 ပူးပေါင်းရင်းမြစ်များ

2 Samuweli 5:4

UDavide wayeneminyaka engamashumi amathathu ekuqaleni kwakhe ukubusa; wabusa iminyaka engamashumi amane.

1 AmaKhosi 2:11

Izinsuku uDavide abusa ngazo phezu kuka-Israyeli zaziyiminyaka engamashumi amane; iminyaka eyisikhombisa wabusa eHebroni, iminyaka engamashumi amathathu nantathu wabusa eJerusalema.

1 iziKronike 23:19

Amadodana kaHebroni: nguJeriya inhloko, no-Amariya owesibili, noJahaziyeli owesithathu, noJekameyamu owesine.

1 iziKronike 29:27

Isikhathi abusa ngaso phezu kuka-Israyeli sasiyiminyaka engamashumi amane; iminyaka eyisikhombisa wabusa eHebroni, nengamashumi amathathu nantathu wabusa eJerusalema.

1 iziKronike 6:81

neHeshiboni namadlelo alo, neJazeri namadlelo alo.

U-Isaya 16:9

Ngalokho ngiyakukhalela umvini waseSibima njengokukhala kweJazeri, ngikumanzise, Heshiboni, ngezinyembezi zami, nawe Elehale, ngokuba phezu kwezithelo zakho nokuvuna kwakho kuwile ukumemeza kwempi.

UJoshuwa 13:25

Umkhawulo wabo wawuyiJazeri, nayo yonke imizi yakwaGileyadi, nenxenye yezwe labantwana bakwa-Amoni, kuze kufike e-Aroweri elingaphambi kweRaba,

UJoshuwa 21:39

neHeshiboni namadlelo alo, neJazeri namadlelo alo, yonke iyimizi emine.