U-Isaya 7:2 - IsiZulu 2020

² Kwathi lapho bezwa abendlu kaDavide, kuthiwa: “I-Aramu libambisene no-Efrayimi,” inhliziyo yakhe neyabantu bakhe yangenwa yitwetwe, banyakaza njengezihlahla zehlathi zinyakaziswa ngumoya.

IBHAYIBHELI ELINGCWELE

² Kwatshelwa indlu kaDavide ukuthi: “I-Aramu limise kwa-Efrayimi.” Yayisiqhaqhazela inhliziyo yakhe nenhliziyo yabantu bakhe njengemithi yasehlathini ithuthumela ngomoya.

Contemporary Zulu Bible 2024

² Kwabikelwa indlu kaDavide, kwathiwa: “I-Aramu ihlangene no-Efrayimi.” Inhliziyo yakhe yanyakaziswa, nenhliziyo yabantu bakhe njengemithi yehlathi inyakaziswa ngumoya.

U-Isaya 7:2 ပူးပေါင်းရင်းမြစ်များ

2 Samuweli 7:16

Indlu yakho nombuso wakho kuyakuqiniswa njalo phambi kwakho; isihlalo sakho sobukhosi simiswe, kuze kube phakade.” ’ ”

1 AmaKhosi 11:32

Yena uyokuba nesizwe esisodwa ngenxa yenceku yami, uDavide, nangenxa yeJerusalema, umuzi engiwukhethe kuzona zonke izizwe zakwa-Israyeli,

1 AmaKhosi 12:16

Wonke u-Israyeli lapho ebona ukuthi inkosi ayibalalelanga, abantu bayiphendula inkosi, bathi: “Sinasabelo sini kuDavide na? Asinafa endodaneni kaJese. Israyeli, buyela emathendeni akho, zibhekele indlu yakho manje, Davide.” U-Israyeli wabuyela emathendeni akhe.

1 AmaKhosi 13:2

Wakhuluma kulelo althare ngezwi likaSimakade, wathi: “Althare, althare, usho kanje uSimakade kuwe, uthi: ‘Kuzozalwa umntwana endlini kaDavide, igama lakhe nguJosiya. Uyonikela phezu kwakho ngabaphristi basezindaweni eziphakemeyo abashisa impepho phezu kwakho, bashise namathambo abantu phezu kwakho.’ ”

2 iziKronike 25:10

U-Amaziya wawahlakaza amabutho ayefike kuye evela kwa-Efrayimi ukuba abuyele ezindaweni zawo, kepha lokho kwenza amthukuthelele kakhulu uJuda, abuyela ezindaweni zawo ethukuthele kakhulu.

2 iziKronike 28:12

Kwase kusukuma izinhloko zabakwa-Efrayimi, u-Azariya indodana kaJohanani, uBherekhiya indodana kaMeshilemothi, uJekhizikiya indodana kaShalumi, no-Amasa indodana kaHadilayi, bamelana nalabo ababebuya empini,

AmaHubo 11:1

Ngiphephela kuwe Simakade; uyisiphephelo sami. Kungani pho nithi kimi: “Balekela ezintabeni njengenyoni.

IzAga 28:1

Izikhohlakali zibaleka noma kungekho ozixoshayo, kepha abalungileyo banesibindi njengengonyama.

U-Isaya 11:13

Umona ka-Efrayimi uyophela, nalabo abahlukumeza uJuda bayakunqunywa; u-Efrayimi akaseyukuba nomona ngoJuda, noJuda akaseyukumhlukumeza u-Efrayimi.

U-Isaya 22:22

Ngiyakubeka isihluthelelo sendlu kaDavide ehlombe lakhe; uyakuvula kungavali muntu, avale kungavuli muntu.

U-Isaya 37:27

Ababakhe kuyo baphelelwa ngamandla, besaba, bajabha; baba njengembali notshani obuluhlaza, njengokuluhlaza ophahleni lwezindlu, nanjengamabele antshwamile, engakakhuli kahle.

U-Isaya 37:35

“Ngiyakuwuvikela lo muzi ngiwusindise ngenxa yami nangenxa kaDavide inceku yami.”

U-Isaya 6:13

Ngisho noma kusasele ingxenye yeshumi kulo, iyobuye ishiswe njengomtherebhinte nomu-okhi okusiqu sakho simi lapho kugawulwa khona, inzalo engcwele iyisiqu sakho.”

U-Isaya 7:13

Wayesethi: “Ake ulalele wena ndlu kaDavide! Kawukhathali yini ukuhlupha abantu, sewufuna ukukhathaza ngisho uNkulunkulu wami na?

U-Isaya 7:17

USimakade uzokwehlisela phezu kwakho, nabantu bakho, naphezu kwendlu kayihlo izinsuku ezingakaze zibonwe kusukela ngosuku u-Efrayimi aqembuka ngalo kwaJuda, inkosi yase-Asiriya iyoba nawe shaqa.”

U-Isaya 7:5

Ngokuba i-Aramu no-Efrayimi nendodana kaRemaliya bacebe ukukulimaza, bethi:

U-Isaya 8:12

“Ningakubizi ngokuthi wuzungu konke lokhu laba bantu abathi wuzungu. Ningakwesabi abakwesabayo; ningabi naluvalo ngakho.

U-Isaya 9:9

Bonke abantu bayazi ngalo, u-Efrayimi nezakhamuzi zaseSamariya, kodwa okwathi ngokuqhosha nangokuzidla kwabo, bathi:

UJeremiya 21:12

Wena ndlu kaDavide, usho kanje uSimakade, uthi: “ ‘Yenzani ubulungiswa ekuseni, nihlenge ophangiweyo esandleni somcindezeli, funa intukuthelo yami iphume njengomlilo, iyakuvutha, kungabi bikho oyicimayo ngenxa yobubi bezenzo zenu.

Hoseya 12:1

U-Efrayimi udla umoya, uxoshana nomoya wasempumalanga, abhebhethekise amanga nobudlova imihla yonke. Wenza isivumelwano ne-Asiriya, athumele amafutha eGibhithe.

Mathewu 2:3

UHerode, inkosi, esekuzwile lokho wakhathazeka nalo lonke iJerusalema.