U-Isaya 6:2 - IsiZulu 2020

² Ngaphezu kwakhe kwakumi amaserafi; yilelo nalelo linamaphiko ayisithupha; ngamabili awo lamboza ubuso balo, ngamabili lamboza izinyawo zalo, nangamabili landiza.

IBHAYIBHELI ELINGCWELE

² Ngaphezu kwakhe kwakumi amaserafi;* yilelo nalelo lalinamaphiko ayisithupha; ngamabili lamboza ubuso, nangamabili lamboza izinyawo, nangamabili landiza.

Contemporary Zulu Bible 2024

² Phezu kwalo kwakumi amaserafi, yilelo nalelo lalinamaphiko ayisithupha; ngamabili yamboza ubuso bayo, nangamabili yamboza izinyawo zayo, nangamabili yandiza.

U-Isaya 6:2 ပူးပေါင်းရင်းမြစ်များ

UGenesise 17:3

U-Abhrama wakhothama wathi mbo ngobuso, uNkulunkulu wathi kuye:

1 AmaKhosi 19:13

Kwathi lapho u-Eliya elizwa wagubuzela ubuso bakhe ngengubo yakhe, waphuma, wema ekungeneni komgede. Kwase kufika kuye izwi, lathi: “Eliya, wenzani lapha na?”

1 AmaKhosi 22:19

UMikhaya wathi: “Ngakho-ke yizwa izwi likaSimakade: ngambona uSimakade ehleli esihlalweni sakhe sobukhosi; nebandla lonke lasezulwini limi ngakuye, kwesokunene nangakwesokhohlo sakhe.

1 AmaKhosi 6:24

Elinye iphiko lekherubhi lalingamakhubhithi ayisihlanu, nelinye iphiko lekherubhi lingamakhubhithi ayisihlanu; kusukela esihlokweni selinye iphiko kuze kufike esihlokweni selinye, kwakungamakhubhithi alishumi.

1 AmaKhosi 6:27

Wawabeka amakherubhi phakathi nendlu engaphakathi; amakherubhi awelula amaphiko, iphiko lelinye lathinta odongeni, nephiko lelinye ikherubhi lathinta odongeni olunye; amaphiko awo athintana phakathi nendlu.

1 AmaKhosi 8:7

Amakherubhi ayelulele amaphiko awo phezu kwendawo yomphongolo, awusibekela umphongolo nezingongolo zawo ngaphezulu.

UNehemiya 9:6

“Nguwe wedwa onguSimakade, nguwe owenza izulu, izulu lamazulu, nayo yonke imikhosi ekulo, umhlaba nakho konke okukuwo, nezilwandle nakho konke okukuzo, konke ukuphe ukuphila, imikhosi yasezulwini iyakukhothamela.”

UJobe 1:6

Langa limbe, amadodana kaNkulunkulu eza azibonakalisa phambi kukaSimakade, noSathane wafika waba mdibi munye nawo.

UJobe 15:15

Nabangcwele bakhe akabethembi, nezulu alihlanzekile emehlweni akhe,

UJobe 4:18

Bheka, akethembi ngisho izinceku zakhe, nezingelosi zakhe uzibeka icala.

AmaHubo 103:20

Bongani uSimakade nina zingelosi zakhe, nina maqhawe anamandla enigcina izwi lakhe nilalele okushiwo yilo.

AmaHubo 104:4

wenza umoya ube yizithunywa zakhe, izikhonzi zakhe zibe yilangabi lomlilo.

AmaHubo 18:10

Uza endiza, egibele ikherubhi, eshweza ngamaphiko omoya.

AmaHubo 89:7

UNkulunkulu uyesabeka kakhulu emkhandlwini wabangcwele, umelwe ukuhlonishwa kakhulu yibo bonke abamzungezileyo.

UEksodusi 25:20

Amakherubhi ayokwelula amaphiko awo ngaphezulu, amboze ngawo isihlalo somusa, abhekane ngobuso; ubuso bawo buyobheka isihlalo somusa.

UEksodusi 3:6

Wayesethi: “NginguNkulunkulu kayihlo, uNkulunkulu ka-Abhrahama, uNkulunkulu ka-Isaka, noNkulunkulu kaJakobe.” UMose wafihla ubuso bakhe, ngokuba wayesaba ukubheka uNkulunkulu.

UEksodusi 37:9

Amakherubhi ayendlale amaphiko awo phezu kwesihlalo somusa, esembozile; ebhekene ngobuso bawo, ayesebheka esihlalweni somusa.

U-Isaya 6:6

Elinye lamaserafi landizela kimi liphethe ilahle elivuthayo esandleni salo, elalilithathe ngodlawu e-althare.

UHezekeli 1:11

Babunjalo-ke ubuso bazo zozine. Amaphiko azo ayelulekele phezulu. Kuyilelo nalelo lamaphiko amabili ethintene, kuthi amabili emboze imizimba yazo.

UHezekeli 1:24

Kwathi lapho zihamba ngezwa umsindo wamaphiko azo ufana nomsindo wamanzi amaningi, unjengezwi likaSomandla nanjengomsindo weziqubulo zempi. Kwakuthi lapho zima, ziwehlise amaphiko azo.

UHezekeli 1:4

Ngabheka, ngabona umoya oyisivunguvungu uvela enyakatho, ifu elikhulu, umlilo onkewuzayo nokubaneka nxazonke. Phakathi komlilo kwavela okucwazimulayo.

UHezekeli 1:6

kodwa yileso naleso sidalwa sasinobuso obune, namaphiko amane.

UHezekeli 1:9

amaphiko azo ayethintene, yileso naleso sasingaphenduki lapho sihamba, yileso naleso sasihamba siqonde lapho kubheke khona ubuso baso.

UHezekeli 10:16

Kwakuthi lapho amakherubhi ehamba, namasondo asemaceleni ahambe, kuthi uma amakherubhi evula amaphiko awo ukuba andize, asuke emhlabathini, amasondo angagudluki eceleni kwawo.

UHezekeli 10:21

Yilelo nalelo lalinobuso obune, amaphiko amane, nokufana nezandla zomuntu okwakungaphansi kwamaphiko awo.

UDaniyeli 7:10

Umfula womlilo wawugeleza uqubuka phambi kwakhe. Inkulungwane yezinkulungwane yayimkhonza, nezinkulungwane ezilishumi zezinkulungwane ezilishumi zimi phambi kwakhe; kwahlala abehluleli, izincwadi zavulwa.

UDaniyeli 9:21

yebo, ngisakhuluma ngomkhuleko, lowo muntu uGabhriyeli engambona embonweni kuqala, endiziswa ngokushesha, wangithinta ngesikhathi somnikelo wakusihlwa.

UZakariya 3:4

Yayala ababemi phambi kwakhe, yathi: “Mkhumuleni izingubo ezingcolileyo.” Yayisithi kuye: “Uyabona, sengisisusile kuwe isiphambeko sakho; ngizokwembathisa izingubo zobukhosi.”

NgokukaLuka 1:10

Isixuku sonke sasikhuleka ngaphandle ngesikhathi sokunikelwa kwempepho.

KumaHeberu 1:7

Nangezingelosi, uthi: “Owenza izingelosi zakhe zibe yimimoya, izikhonzi zakhe zibe ngamalangabi omlilo.”

IsAmbulo 14:6

Ngabona futhi enye ingelosi indiza emkhathini wezulu, inevangeli eliphakade, eyakulishumayela kulabo abahleli emhlabeni, nakuzo zonke izizwe, imindeni, izilimi nabantu.

IsAmbulo 4:8

Kwakukhona nezidalwa ezine, yileso naleso kuzo sinamaphiko ayisithupha. Nhlangothi zonke nangaphakathi zigcwele amehlo, zingakhawuli imini nobusuku ukuthi: “Ingcwele, ingcwele, ingcwele, iNkosi uNkulunkulu uSomandla owayekhona nokhona nozayo.”

IsAmbulo 7:11

Izingelosi zonke ezazimi zihaqe isihlalo sobukhosi, amalunga, nezidalwa ezine zawa zathi mbo phansi ngobuso, phambi kwesihlalo sobukhosi, zakhuleka kuNkulunkulu, zithi:

IsAmbulo 8:13

Ngase ngibona, futhi ngezwa ukhozi lundiza emkhathini wezulu, lumemeza ngezwi elikhulu, luthi: “Maye, maye, maye kulabo abakhileyo emhlabeni, lapho sekukhala amacilongo asasele, njengoba izingelosi ezintathu zizakuwabetha!”