U-Isaya 48:9 - IsiZulu 2020

⁹ Ngenxa yeGama lami, ngiyoyilibazisa intukuthelo yami; nangenxa yodumo lwami, ngizakuyibambela wena, ukuze ngingakunqumi.

IBHAYIBHELI ELINGCWELE

⁹ Ngenxa yegama lami ngiyakulibazisa intukuthelo yami, ngizibambele wena ngodumo lwami ukuba ngingakunqumi.

Contemporary Zulu Bible 2024

⁹ Ngenxa yegama lami ngiyakukuhlehlisa ukuthukuthela kwami, nangenxa yodumo lwami ngiyakugodla kuwe, funa ngikubhubhise.

U-Isaya 48:9 ပူးပေါင်းရင်းမြစ်များ

AmaHubo 106:8

Nokho wabasindisa ngenxa yegama lakhe, ukuze abonakalise amandla akhe.

AmaHubo 143:11

Simakade, ngiphilise ngenxa yegama lakho, ngokulunga kwakho uwukhiphe umphefumulo wami ekuhluphekeni.

AmaHubo 25:11

Simakade, ngenxa yegama lakho ngithethelele isiphambeko sami, ngokuba sikhulu.

AmaHubo 78:38

Kepha Yena waba nobubele, wabathethelela ububi babo, akaze ababhubhisa, yebo, wazibamba kaningi olakeni lwakhe, wangayikhiphela kubo yonke intukuthelo yakhe.

AmaHubo 79:9

Sisize, Nkulunkulu wensindiso yethu, ngenxa yenkazimulo yegama lakho, usikhulule, usithethelele izono zethu ngenxa yegama lakho.

IzAga 19:11

Ohlakaniphile uyephuza ukuthukuthela; kuludumo lwakhe ukudlula esiphambekweni.

U-Isaya 30:18

Ngalokho uSimakade ulindele ukuba abe nomusa kini; ngalokho uyakuphakama abe nesihawu kini, ngokuba uSimakade unguNkulunkulu wobulungiswa; babusisiwe bonke abamlindelayo.

U-Isaya 37:35

“Ngiyakuwuvikela lo muzi ngiwusindise ngenxa yami nangenxa kaDavide inceku yami.”

U-Isaya 43:25

“Mina, Mina nginguye owesula iziphambeko zakho ngenxa yami; angiyukuzikhumbula izono zakho.

U-Isaya 48:11

Ngenxa yami, impela ngenxa yami, ngiyokwenza. Kungani iGama lami lingcoliswa na? Angiyukuyinika omunye inkazimulo yami.

U-Isaya 65:8

Usho kanje uSimakade, uthi: “Njengalokhu iwayini elisha litholwa ehlukuzweni lamagilebhisi, bese kuthiwa: ‘Ningaloni ngokuba kunesibusiso esikulo,’ ngiyokwenza kanjalo, ngenxa yenceku yami: angiyukubabulala bonke.

UJeremiya 14:7

Simakade, nakuba izono zethu zifakaza ngathi, kodwa yenza okuthile, ngenxa yegama lakho, ngokuba ukuhlubuka kwethu kukhulu; sonile kuwe.

UHezekeli 20:14

Ngakwenza lokho ngenxa yegama lami, ukuba lingangcoliswa phambi kwezizwe engabakhipha zizibonela ngawazo.

UHezekeli 20:22

Nokho ngayeka ukukwenza lokho ngenxa yegama lami, ukuba lingangcoliswa phambi kwezizwe engabakhipha zizibonela ngawazo.

UHezekeli 20:44

Niyakukwazi ukuthi nginguSimakade lapho ngenza lokho kini ngenxa yegama lami, hhayi ngokwezindlela zenu ezimbi nezenzo zenu zenkohlakalo; nina ndlu yakwa-Israyeli,” ’ ” kusho iNkosi uSimakade.

UHezekeli 20:9

Ngakwenza lokho ngenxa yegama lami ukuba lingangcoliswa phambi kwezizwe ababephakathi kwazo, engazazisa kuzo bebuka, ngokubakhipha eGibhithe.

UHezekeli 36:21

Kepha ngadabukela igama lami elingcwele, indlu yakwa-Israyeli eyayilingcolisile phakathi kwezizwe ababeye kuzo.

UJoshuwa 7:9

AmaKhanani nabo bonke abakhileyo kuleli lizwe bazokuzwa ngalokhu bese beyasizungeza, balishabalalise igama lethu emhlabeni. Uyakulenzelani-ke igama lakho elikhulu kangaka, na?”

1 Samuweli 12:22

USimakade akayukubashiya abantu bakhe ngenxa yegama lakhe elikhulu, lokhu kwaba kuhle kuSimakade ukuba azenzele nina nibe ngabantu bakhe.