U-Ezra 10:14 - IsiZulu 2020

¹⁴ Vumelani abaholi bethu kube yibona abazosimela kulolu daba, bamele inhlangano yonke. Makuthi bonke emizini yakithi abaganwe ngabesifazane bezizwe beze ngezikhathi ezimisiweyo, behambisana namalunga nabehluleli bemizi yonke, luze lusuke kithi ulaka lukaNkulunkulu maqondana nalolu daba.”

IBHAYIBHELI ELINGCWELE

¹⁴ Izinduna zethu mazime phambi kwebandla lonke; bonke abasemizini yethu abathathe abesifazane babezizwe mabeze ngesikhathi esinqunyiweyo, benamalunga emizi ngemizi nabahluleli bayo, ize ibuye kithi intukuthelo evuthayo kaNkulunkulu wethu kule ndaba.”

Contemporary Zulu Bible 2024

¹⁴ Manje izinduna zethu zebandla lonke mazisukume, futhi bonke abathathe abafazi bezizwe emizini yethu mabeze ngezikhathi ezimisiweyo, kanye namalunga ayo yonke imizi nabahluleli bayo, kuze kufike ulaka lukaNkulunkulu wethu phezu kwalo suka kithi.

U-Ezra 10:14 ပူးပေါင်းရင်းမြစ်များ

2 AmaKhosi 23:26

Nokho uSimakade akaphendukanga entukuthelweni enkulu ayemthukuthelele ngayo uJuda, nangokuchukuluza uManase achukuluza ulaka lwakhe ngakho.

2 iziKronike 28:11

Ngakho-ke ngilaleleni, nibuyisele emuva abafowenu enibathumbileyo, ngokuba ulaka oluvuthayo lukaSimakade luphezu kwenu.”

2 iziKronike 29:10

Manje kusenhliziyweni yami ukuba ngenze isivumelwano noSimakade uNkulunkulu ka-Israyeli ukuze ulaka lwakhe lusuke kithi.

2 iziKronike 30:8

Manje ningabi ngontamolukhuni njengawoyihlomkhulu, kodwa mnikeni uSimakade isandla senu, ningene endaweni yakhe engcwele, ayingcwelisa kuze kube phakade, nimkhonze uSimakade uNkulunkulu wenu ukuze ulaka lwakhe oluvuthayo lusuke kini.

U-Ezra 10:13

Kepha kunabantu abaningi lapha, futhi lina kakhulu, asikwazi ukuma phandle. Ngaphezu kwalokhu, lolu daba alusilo olosuku olulodwa noma ezimbili, ngokuba iningi lethu liyachaphazeleka kulolu daba.

U-Ezra 10:15

UJonathani, indodana ka-Asaheli noJahazeya, indodana kaThikhiva, bamelana nalesi sinqumo, besekwa ngoMeshulami noShabhethayi, abaLevi.

AmaHubo 78:38

Kepha Yena waba nobubele, wabathethelela ububi babo, akaze ababhubhisa, yebo, wazibamba kaningi olakeni lwakhe, wangayikhiphela kubo yonke intukuthelo yakhe.

U-Isaya 12:1

Ngalolo lusuku uyothi: “Ngiyakubonga, Simakade, ngokuba ubungithukuthelele, kodwa intukuthelo yakho uyinqandile, wangiduduza.

UNumeri 25:4

USimakade wathi kuMose: “Thatha bonke abaholi babantu, ubabulalele uSimakade lingakashoni ilanga, ukuze intukuthelo kaSimakade evuthayo isuke ku-Israyeli.”

UDuteronomi 13:17

Akuyukunamathela lutho oluqalekisiweyo esandleni sakho ukuze uSimakade aphenduke entukuthelweni yakhe evuthayo, aniphathe ngomusa, abe nesihe kini, anandise, njengalokhu afunga kokhokho benu,

UDuteronomi 17:9

Uye kubaphristi bamaLevi, nakumehluleli oyakuba khona ngalezo zinsuku, ukuze bakwazise isinqumo sokwehlulela.

UJoshuwa 7:26

Bamisa phezu kwakhe inqwaba yamatshe, esekhona nanamuhla. USimakade wayesephenduka olakeni lwakhe oluvuthayo. Ngakho-ke igama laleyo ndawo labizwa ngokuthi yisigodi i-Akhori.