ULevitikusi 7:34 - IsiZulu 2020

³⁴ Isifuba sokuzungeziswa nomlenze ongumnikelo engikuthathe emihlatshelweni yeminikelo yokuthula yabakwa-Israyeli, ngikunike u-Aroni umphristi namadodana akhe kube yisabelo sabo esimisiweyo esiphakade esivela kubantu bakwa-Israyeli.’ ”

IBHAYIBHELI ELINGCWELE

³⁴ Ngokuba isifuba sokuzuliswa nomlenze wokuphakanyiswa ngikuthabathe kwabakwa-Israyeli emihlatshelweni yeminikelo yabo yokuthula, ngakunika u-Aroni umpristi namadodana akhe, kube yisimiso esiphakade kwabakwa-Israyeli.’ ”

Contemporary Zulu Bible 2024

³⁴ Ngokuba isifuba esisuswayo nomlenze ngakususa kubantwana bakwa-Israyeli emihlatshelweni yokubonga ngakunika u-Aroni umpristi nakumadodana akhe, kube yisimiso esiphakade kubantwana bakwa-Israyeli.

ULevitikusi 7:34 ပူးပေါင်းရင်းမြစ်များ

UEksodusi 29:26

“Uyothatha isifuba senqama yokugcotshwa kuka-Aroni, usizungezise, sibe ngumnikelo wokuzungeziswa phambi kukaSimakade; sibe yisabelo sakho.

UEksodusi 29:9

Uyobopha u-Aroni namadodana akhe ngemibhunkulo okhalo lwabo, ubathwese nezigqoko, ubuphristi buyakuba ngobabo ngokwesimiso saphakade. Uyakumbeka kanjalo u-Aroni namadodana akhe.

ULevitikusi 3:17

“ ‘Lokhu kuyakuba yisimiso esiphakade ezizukulwaneni zenu ezindaweni enihlala kuzo sokuthi aniyukuwadla amanoni negazi.’ ”

ULevitikusi 7:33

Emadodaneni ka-Aroni, leyo eyonikela ngegazi leminikelo yokuthula nangamanoni, iyonikezwa umlenze wesokunene.

UNumeri 5:9

Yonke iminikelo yezinto ezingcwele zabantu bakwa-Israyeli abayoyinikela kumphristi, iyakuba ngeyakhe.

UNumeri 6:20

Umphristi akuzungezise, kube ngumnikelo wokuzungeziswa phambi kukaSimakade; lokhu kungcwele kumphristi nesifuba sokuzungeziswa nomlenze wokuzungeziswa. Emveni kwalokho umnaziri angaliphuza iwayini.

UNumeri 8:11

U-Aroni uyobaletha abaLevi phambi kukaSimakade babe ngumnikelo wokuzungeziswa ovela kubantu bakwa-Israyeli ukuze benze umsebenzi kaSimakade.

UDuteronomi 18:3

“Lokhu kuyoba yilungelo labaphristi elivela kubantu abanikela ngomhlatshelo, noma yinkomo noma yimvu; bayonika umphristi umkhono, imihlathi yomibili nenanzi.