ULevitikusi 4:18 - IsiZulu 2020

¹⁸ Enye ingxenye yegazi uyolibheca ezimpondweni ze-althare eliphambi kukaSimakade, ethendeni lokuhlangana, athululele lonke igazi elisele ngasesinqeni se-althare lomnikelo wokushiswa elingasemnyango wethende lokuhlangana.

IBHAYIBHELI ELINGCWELE

¹⁸ Uyakulibheca igazi ezimpondweni ze-altare eliphambi kukaJehova, elisetendeni lokuhlangana, athulule lonke elinye igazi ngasesinqeni se-altare lomnikelo wokushiswa elingasemnyango wetende lokuhlangana.

Contemporary Zulu Bible 2024

¹⁸ Futhi kumelwe abhece elinye igazi ezimpondweni ze-altare eliphambi kukaJehova etendeni lokuhlangana, lonke igazi alithulule esinqeni se-altare lomnikelo wokushiswa elisemnyango wethempeli. Ithente lokuhlangana.

ULevitikusi 4:18 ပူးပေါင်းရင်းမြစ်များ

2 iziKronike 29:22

Bazihlaba izinkunzi, abaphristi bamukela igazi, balifafaza e-althare. Bahlaba izinqama, bafafaza ngegazi lazo e-althare, bahlaba namawundlu, igazi lawo balifafaza e-althare.

UEksodusi 29:12

Uyothatha ingxenye yegazi layo ulininde ngomunwe wakho ezimpondweni ze-althare, bese kuthi yonke ingxenye yegazi eliseleyo ulithululele phansi esisekelweni se-althare.

UEksodusi 30:10

U-Aroni uyokwenza umnikelo wokubuyisana phezu kwezimpondo zalo kanye ngonyaka. Izizukulwane ngezizukulwane, u-Aroni uyokwenza inkonzo yokulihlambulula kanye ngonyaka ngegazi lomnikelo wokuhlambulula isono. Lingcwelengcwele kuSimakade.”

ULevitikusi 4:25

Umphristi uyakuthatha ingxenye yegazi lomnikelo wesono ngomunwe wakhe alibhece ezimpondweni ze-althare lomnikelo wokushiswa, kuthi ingxenye yegazi eseleyo ayithululele ngasesinqeni se-althare lomnikelo wokushiswa.

ULevitikusi 4:30

Umphristi uyothatha igazi layo ngomunwe wakhe alibhece ezimpondweni ze-althare lomnikelo wokushiswa, kuthi lonke igazi layo alithululele ngasesinqeni se-althare.

ULevitikusi 4:34

Umphristi uyothatha ingxenye yegazi lomnikelo wesono ngomunwe wakhe, alibhece ezimpondweni ze-althare lomnikelo wokushiswa, kuthi lonke eliseleyo alithululele ngasesinqeni se-althare.

ULevitikusi 4:7

Umphristi uyobheca ingxenye yegazi ezimpondweni ze-althare lempepho enephunga elimnandi elisethendeni lokuhlangana, phambi kukaSimakade: lonke igazi leduna eliseleyo uyolithululela esinqeni se-althare lomnikelo wokushiswa, elisemnyango wethende lokuhlangana.

ULevitikusi 5:9

uyofafaza ngengxenye yegazi lomnikelo wesono ohlangothini lwe-althare, kuthi igazi eliseleyo alikhamele esinqeni se-althare; kungumnikelo wesono.

ULevitikusi 6:30

Kepha yonke iminikelo yesono okungeniswe igazi layo ethendeni lokuhlangana ukwenza ukubuyisana endaweni engcwele, ayinakudliwa; iyoshiswa ngomlilo.’ ”

ULevitikusi 8:15

UMose wayihlaba, wathatha igazi walibheca ngomunwe wakhe ezimpondweni ze-althare nxazonke, walihlambulula i-althare, igazi eliseleyo walithululela esinqeni se-althare, walingcwelisa kanjalo ukuba alenzele ukubuyisana.

ULevitikusi 9:9

Amadodana akhe aletha igazi kuye, wagcobhoza ngomunwe kulo, walibheca ezimpondweni ze-althare, elinye igazi walithululela esinqeni se-althare,