ULevitikusi 2:10 - IsiZulu 2020

¹⁰ Okusale emnikelweni wokusanhlamvu kuyokuba ngokuka-Aroni namadodana akhe; kungcwelengcwele eminikelweni yomlilo kaSimakade.

IBHAYIBHELI ELINGCWELE

¹⁰ Okuseleyo komnikelo wempuphu kuyakuba ngokuka-Aroni nokwamadodana akhe; kungcwelengcwele eminikelweni yomlilo kaJehova.

Contemporary Zulu Bible 2024

¹⁰ Okusele emnikelweni womlilo kumelwe kube ngokuka-Aroni namadodana akhe; kuyingcwelengcwele yeminikelo yomlilo kaJehova.

ULevitikusi 2:10 ပူးပေါင်းရင်းမြစ်များ

2 iziKronike 31:14

UKhore, indodana kaJimina umLevi, umlindi wesango elalisempumalanga, wayengamele iminikelo kaNkulunkulu yesihle, ukuze ayabe iminikelo kaSimakade neyezinto ezingcwelengcwele.

U-Ezra 2:63

Umbusi wabatshela ukuthi bangakudli okungcwelengcwele, kuze kuvele umphristi one-Urimi neThumimi.

UHezekeli 44:29

Bayakudla umnikelo wokusanhlamvu, umnikelo wesono, nomnikelo wecala, konke lokho okwehlukanisiweyo kwa-Israyeli kuyakuba ngokwabo.

UHezekeli 46:20

Wathi kimi: “Nansi-ke indawo lapho abaphristi beyakuphekela khona umnikelo wecala nomnikelo wesono, futhi babhakele lapho umnikelo wokusanhlamvu, ukuze bangawukhipheli egcekeni elingaphandle, bangcwelise abantu.”

ULevitikusi 10:12

UMose wakhuluma no-Aroni no-Eleyazare no-Ithamari, amadodana akhe ayesesele, wathi: “Thathani umnikelo wokusanhlamvu osale eminikelweni yomlilo kaSimakade, niwudle ungenamvubelo, eceleni kwe-althare, ngokuba ungcwelengcwele,

ULevitikusi 14:13

Uyoyihlaba imvu yeduna lapho kuhlatshelwa khona umnikelo wesono nomnikelo wokushiswa, endaweni engcwele, ngokuba umnikelo wecala njengomnikelo wesono, ungowomphristi; ungcwelengcwele.

ULevitikusi 2:3

Okuseleyo emnikelweni wokusanhlamvu kuyakuba ngokuka-Aroni namadodana akhe, kuyingxenye yeminikelo yomlilo kaSimakade engcwelengcwele.

ULevitikusi 21:22

Uyakusidla isinkwa sikaNkulunkulu wakhe esingcwelengcwele nesingcwele.

ULevitikusi 5:13

Umphristi uyakumenzela ukubuyisana mayelana nesono sakhe asenze kunoma yiyiphi kulezo zinto, athethelelwe; okuseleyo kube ngokomphristi, kungumnikelo wokusanhlamvu.’ ”

ULevitikusi 6:16

U-Aroni namadodana akhe bayodla okusele kuwo, bakudle kungenamvubelo endaweni engcwele, egcekeni lethende lokuhlangana.

ULevitikusi 6:23

Yonke iminikelo yokusanhlamvu yomphristi iyoshiswa yonke; ingadliwa.”

ULevitikusi 6:9

“Yala u-Aroni namadodana akhe, uthi: ‘Nansi indlela engumthetho wokwenza umnikelo wokushiswa: umnikelo wokushiswa uyakuhlala e-althare ubusuku bonke kuze kube ngakusasa, umlilo ose-althare uhlale njalo uvutha.

ULevitikusi 7:7

“ ‘Uma kwenziwa umnikelo wesono njengomnikelo wecala kuyolandelwa indlela yomthetho efanayo; umphristi owenza ukubuyisana ngawo kuyoba ngowakhe.

UNumeri 18:9

Lokhu kuyakuba ngokwenu ezintweni ezingcwelengcwele ezisale emlilweni, kuyo yonke iminikelo yabo, nakuyo yonke iminikelo yabo yokusanhlamvu, nakuyo yonke iminikelo yabo yesono, nayo yonke iminikelo yabo yecala abayonikela ngayo kimi, iyoba ngcwelengcwele kuwe nakumadodana akho.

1 Samuweli 2:28

Ngamkhetha kuzo zonke izizwana zakwa-Israyeli ukuba abe ngumphristi wami, anikele e-althare lami, ashise impepho kulo, embathe ingubo yamahlombe phambi kwami, ngayinika indlu kayihlo yonke iminikelo yomlilo yabantu bakwa-Israyeli.