UJeremiya 52:4 - IsiZulu 2020

⁴ Kwathi ngonyaka wesishiyagalolunye wokubusa kwakhe, ngenyanga yeshumi, ngosuku lweshumi lwayo, kwafika eJerusalema uNebhukhadinezari, inkosi yaseBhabhele, nawo wonke amabutho akhe, balivimbezela. Bakanisa ngaphandle komuzi, bakha khona udonga lokuvimbezela nxazonke.

IBHAYIBHELI ELINGCWELE

⁴ Kwathi ngomnyaka wesishiyagalolunye wokubusa kwakhe ngenyanga yeshumi, ngolweshumi lwenyanga, kwafika uNebukadinesari, inkosi yaseBabele, yena nayo yonke impi yakhe, eJerusalema, wamisa malungana nalo, bakha inqaba ngakulo nxazonke.

Contemporary Zulu Bible 2024

⁴ Kwathi ngomnyaka wesishiyagalolunye wokubusa kwakhe, ngenyanga yeshumi, ngosuku lweshumi lwenyanga, uNebukadinesari, inkosi yaseBabele, wafika eJerusalema nayo yonke impi yakhe, wamisa ngakulo, wakha izinqaba. Ngokumelene nalo nxazonke.

UJeremiya 52:4 ပူးပေါင်းရင်းမြစ်များ

U-Isaya 29:3

NjengoDavide ngizokanisa, ngimelane nawe, ngikuhaqe nxazonke, ngikuvimbezele ngezinqaba, ngimise izindonga.

UJeremiya 21:2

“Ake usibuzele kuSimakade, ngokuba uNebukhadinezari, inkosi yaseBhabhele, usihlasele. Mhlawumbe uSimakade angasenzela njengakuzo zonke izimangaliso zakhe ukuba akhuphuke, ayeke ukumelana nathi.”

UJeremiya 32:24

“Bheka, kwenziwe izindunduma zokuhlasela ukuze kudliwe umuzi; nalo muzi ubhekene nenkemba, nendlala nobhubhane, unikelwe esandleni samaKhaledi alwa nawo. Owakusho sekwenzekile, njengoba uzibonela nje.

UJeremiya 34:1

Izwi elafika kuJeremiya livela kuSimakade, ngesikhathi uNebukhadinezari, inkosi yaseBhabhele, nempi yakhe yonke, nemibuso yonke yomhlaba engaphansi kwesandla sakhe, nezizwe zonke, zilwa neJerusalema nemizana yonke elizungezile, lathi:

UJeremiya 39:1

Ngonyaka wesishiyagalolunye wokubusa kwenkosi uZedekiya kwaJuda, ngenyanga yeshumi, inkosi uNebukhadinezari waseBhabhele nayo yonke impi yakhe, bafika eJerusalema, balivimbezela.

UJeremiya 4:17

Njengabalindi bensimu, balithelekele nxazonke, ngokuba lingihlubukile,” kusho uSimakade.

UJeremiya 52:7

Izingange zomuzi zabhodlozwa. Wonke amabutho abaleka, aphulukundlela emzini ebusuku, aphuma ngendlela esesangweni eliphakathi kwezingange zombili ezazingasensimini yenkosi. AmaKhaledi ayewuzungeze nxazonke umuzi, nokho amabutho ahamba ngendlela eya e-Arabha.

UHezekeli 21:22

Ngakwesokunene kwenziwe unkatho ngeJerusalema, ukuba kubekwe imigoqo yokubhodloza, kumenyezelwe ukubulala, ngokuthi kukhuzwe iziqubulo zempi, kubekwe imigoqo yokubhodloza emasangweni, kwenziwe izindunduma, kwakhiwe nodonga lokuvimbezela.

UHezekeli 21:27

Incithakalo, incithakalo, ngiyakwenza incithakalo; nalokhu akuyukwenzeka kuze kufike isehlulelo kulowo esimfanele, bese ngimnika sona.” ’

UHezekeli 26:8

Uyakuyithelekela ngenkemba imizana yakho esezweni, akhe udonga lokukuvimbezela, enze indunduma, akuphakamisele nehawu, alwe nawe.

UHezekeli 33:21

Kwathi ngonyaka we-12 wokuthunjwa kwethu, ngosuku lweshumi enyangeni, kwafika kimi ophunyukileyo eJerusalema, wathi: “Umuzi unqotshiwe.”

UHezekeli 40:1

Kwathi ekuqaleni konyaka wama-25 sisekuthunjweni, ngosuku lweshumi enyangeni, ngonyaka we-14 emva kokunqotshwa komuzi, kwathi ngalolo lusuku isandla sikaSimakade saba phezu kwami, wangiyisa lapho.

ULevitikusi 26:25

Ngiyonehlisela inkemba yempindiselo, engiyakuziphindiselela ngayo ngenxa yesivumelwano sami. Niyobuthana ndawonye emizini yenu, ngithumele ubhubhane phakathi kwenu; ninikelwe esandleni sezitha zenu.

UZakariya 8:19

“Usho kanje uSimakade Wamabandla, uthi: ‘Ukuzila kwenyanga yesine, okwesiyesihlanu, okweyesikhombisa, nokweyeshumi kuyakuba ngukujabula nokuthokoza nemikhosi emihle endlini yakwaJuda; thandani iqiniso nokuthula.’ ”

NgokukaLuka 19:43

Ngokuba uyakufikelwa yizinsuku lapho izitha zakho ziyakwakha ugange, zikuhaqe, zikuvimbezele macala wonke.

NgokukaLuka 21:20

“Kuyakuthi nxa nibona iJerusalema lihaqwe yizimpi, bese nazi-ke ukuthi sekusondele ukubhujiswa kwalo.