UJeremiya 51:49 - IsiZulu 2020

⁴⁹ “IBhabhele kufanele ukuba nalo liwe, ngenxa yababuleweyo bakwa-Israyeli, njengoba ababulawa emhlabeni wonke, babulawa ngenxa yeBhabhele.

IBHAYIBHELI ELINGCWELE

⁴⁹ “Yebo, neBabele limelwe ukuwa, nina babuleweyo bakwa-Israyeli, njengalokho iBabele laliwelwa ngababuleweyo bomhlaba wonke.

Contemporary Zulu Bible 2024

⁴⁹ Njengalokho iBabele liwisa ababuleweyo bakwa-Israyeli, kanjalo ababuleweyo bomhlaba wonke bayakuwa eBabele.

UJeremiya 51:49 ပူးပေါင်းရင်းမြစ်များ

UJeremiya 50:11

“Noma ningathokoza, niqhoshe, nina baphangi befa lami; noma ningagxumagxuma njengesithokazi otshanini obuluhlaza, nikhalise okwamahhashi anamandla;

UJeremiya 50:29

“Bizani abemicibisholo, balwe neBhabhele; bonke abansala umnsalo, nikanise nxazonke zalo, kungaphunyuki namunye; niliphindisele njengezenzo zalo, nenze kulo njengoba nalo lenzile, ngokuba lizikhukhumezile, ladelela uSimakade oNgcwele ka-Israyeli.

UJeremiya 51:24

“Ngiyakuziphindiselela kulo iBhabhele, nakubo bonke abakhileyo eKhalideya, ngakho konke okubi abakwenze eZiyoni, nizibonela ngawenu amehlo,” kusho uSimakade.

UJeremiya 51:35

“Ubudlova obenziwe kimi nakubantu bakithi, mabube phezu kweBhabhele;” makasho kanjalo owakhileyo eZiyoni. “Igazi lami malibe phezu kwabakhileyo eKhalideya;” malisho kanjalo iJerusalema.

Mathewu 7:2

Ngokuba ngokwahlulela enahlulela ngakho, nani niyakwahlulelwa ngakho, nangesilinganiso enilinganisa ngaso, nani niyakulinganiselwa ngaso.

EkaJakobe 2:13

Ngokuba ukwehlulela akuyukuba nasihawu kulowo ongabanga nesihe; isihawu siyakunqoba phezu kokwehlulela.

IsAmbulo 18:24

futhi kwatholakala kuwe igazi labaphrofethi, elabangcwele, nelabo bonke ababebulewe emhlabeni.”

AbAhluleli 1:7

U-Adoni Bhezekhi, wathi: “Amakhosi angama-70 anqunywe izithupha noqukula ayevame ukucosha imvuthuluka ewa etafuleni lami, njengoba ngenzile, ngalokho uNkulunkulu uphindisele kimi.” Bamletha eJerusalema, wafela khona.