UJeremiya 48:14 - IsiZulu 2020

¹⁴ “Ningasho kanjani, nithi: ‘Singamaqhawe namabutho anamandla okulwa na?’

IBHAYIBHELI ELINGCWELE

¹⁴ “Ningasho kanjani ukuthi: ‘Singamaqhawe namadoda anamandla okulwa’ na?

Contemporary Zulu Bible 2024

¹⁴ Nisho kanjani ukuthi: “Singamadoda anamandla nanamandla empi na?

UJeremiya 48:14 ပူးပေါင်းရင်းမြစ်များ

AmaHubo 11:1

Ngiphephela kuwe Simakade; uyisiphephelo sami. Kungani pho nithi kimi: “Balekela ezintabeni njengenyoni.

AmaHubo 33:16

Inkosi ayisindiswa wubuningi bempi yayo; iqhawe alikhululwa ngamandla alo amakhulu.

UmShumayeli 9:11

Kukhona okunye engakubona phansi komthunzi welanga: umncintiswano wokugijima awuyi ngajubane, nempi akusiyo eyabanamandla, nakudla kohlakaniphileyo, namcebo, nampumelelo kwabanamakhono, kodwa isikhathi nethuba kubehlela bonke.

U-Isaya 10:13

Ngokuba ithi: “Zonke lezi zinto ngizenze ngamandla ami, nangokuhlakanipha kwami, ngokuba nginokuqonda; ngiyisusile imingcele yezizwe, ngaphanga ingcebo yazo; njengesiqhwaga ngiziqumbe phansi izakhamuzi.

U-Isaya 10:16

Ngakho iNkosi uSimakade Wamabandla izothumela isifo esincunzayo phakathi kwamabutho akhe akhulupheleyo, iphembe umlilo ngaphansi kwenkazimulo yayo umlilo uvuthe.

U-Isaya 16:6

Sizwile ngokuziqhayisa kukaMowabi ukuthi uphakeme kakhulu, nangokuzidla kwakhe, nokuqhosha kwakhe, nokuchwensa kwakhe; ukuzikhukhumeza kwakhe kuyize.

UJeremiya 49:16

Ukwesabeka kwakho nokuziqhenya kwenhliziyo yakho kukudukisile, wena ohleli emifantwini yamadwala, esicongweni segquma. Noma isidleke sakho ungasakha phezulu njengokhozi; ngiyakwehlisa khona lapho,” kusho uSimakade.

UJeremiya 8:8

“ ‘Ningakusho kanjani ukuthi: “ ‘Sihlakaniphile, nomthetho kaSimakade ukithi na? “ ‘Impela, usiba lwababhali bamanga, luloba amanga.

UJeremiya 9:23

Usho kanje uSimakade, uthi: “Ohlakaniphileyo makangazishayi isifuba ngokuhlakanipha kwakhe, neqhawe malingazibongi ngobuqhawe balo, nocebileyo makangazibongi ngengcebo yakhe.

UHezekeli 30:6

“ ‘Usho kanje uSimakade, uthi: “ ‘Nalabo ababesekela iGibhithe bazoqumbeka phansi, nokuzigqaja ngamandla alo kuzophela nya; bazodliwa yinkemba bekulo, kusukela eMigidoli kuze kube seSevene,’ ” kusho iNkosi uSimakade.

UZefaniya 2:10

Yilokho okuyakuba ngokwabo esikhundleni seqholo labo, ngokuba bathuke inhlamba, basongela abantu bakaSimakade Wamabandla.