UJeremiya 19:5 - IsiZulu 2020

⁵ Bakha izindawo eziphakemeyo zikaBhali, ukuze bashise ngomlilo amadodana abo, abe yiminikelo yokushiswa kuBhali, engingakuyalanga, engingakhulumanga ngakho nokungangenanga enhliziyweni yami.

IBHAYIBHELI ELINGCWELE

⁵ bakha izindawo eziphakemeyo zikaBali ukushisa amadodana abo ngomlilo, abe yiminikelo yokushiswa kuBali, engingakuyalanga, nengingakukhulumanga, nokungangenanga enhliziyweni yami,

Contemporary Zulu Bible 2024

⁵ Bakha izindawo eziphakemeyo zikaBali ukuze bashise amadodana abo ngomlilo abe ngumnikelo wokushiswa kuBali, engingabayalanga ngakho, engingakukhulumanga, nokungangenanga enhliziyweni yami.

UJeremiya 19:5 ပူးပေါင်းရင်းမြစ်များ

2 AmaKhosi 17:17

Badabulisa amadodana namadodakazi abo emlilweni, babhula, benza imilingo, bazithengisela ukwenza okubi emehlweni kaSimakade, ukuchukuluza ulaka lwakhe.

2 AmaKhosi 21:6

Wadabulisa indodana yakhe emlilweni, wahlola imihlola, wabhula, wavumela abanamadlozi nabathakathi. Wenza okubi okuningi phambi kukaSimakade, wachukuluza ulaka lwakhe.

2 iziKronike 28:3

Washisa impepho esigodini sendodana kaHinomu, washisa amadodana akhe emlilweni njengezinengiso zabezizwe uSimakade abaxosha phambi kwabakwa-Israyeli.

UJeremiya 32:35

Bakha izindawo eziphakemeyo zikaBhali esigodini sendodana kaHinomu, ukuba badabulise khona amadodana namadodakazi abo emlilweni kuMoloki, engangingazange ngibayale ngakho, nokungazange kungene emqondweni wami ukuthi bangenza lesi sinengiso ukuze bamonise uJuda.

UHezekeli 16:36

Isho kanje iNkosi uSimakade, ithi: Ngenxa yokuthi inkanuko yakho ithululiwe, nobunqunu bakho bembuliwe ngobufebe bakho nezithandwa zakho, nangenxa yazo zonke izithombe zakho eziyizinengiso, nangegazi labantwana bakho owanikela ngalo;

UHezekeli 20:26

Ngabangcolisa ngeminikelo yabo ngokudabulisa emlilweni wonke amazibulo, ukuze ngibesabise, yikhona bezokwazi ukuthi nginguSimakade.’

UHezekeli 38:10

“ ‘Isho kanje iNkosi uSimakade, ithi: “Kuyakuthi ngalolo lusuku kufike imizindlo enhliziyweni yakho, bese uceba amacebo amabi.

UDaniyeli 2:29

“Wena-ke, nkosi, imicabango yakho nokuyakuba khona emva kwalokhu, yafika kuwe usembhedeni wakho; owambula izimfihlakalo ukwazisile okuyakuba khona.

ULevitikusi 18:21

“ ‘Awuyukunikela ngenzalo yakho ibe ngumhlatshelo kuMolekhi, ungahlambalazi igama likaNkulunkulu wakho; nginguSimakade.

UNumeri 22:41

Kwathi ekuseni uBhalaki wathatha uBhileyamu, benyukela eBhamothi Bhali, elapho wabona ingxenye yabantu bakwa-Israyeli.

UDuteronomi 12:31

Awuyukwenza kanjalo kuSimakade uNkulunkulu wakho, ngokuba zonke izinto uSimakade azenyanyayo zizenzile lezi zizwe, zenzela onkulunkulu bazo, zibashisele ngisho amadodana namadodakazi azo emlilweni.