UJeremiya 13:18 - IsiZulu 2020

¹⁸ Yisho enkosini nasendlovukazini eyizalayo, uthi: “Yehlani ezihlalweni zenu zobukhosi, ngokuba umqhele wenu wodumo ekhanda uwile.”

IBHAYIBHELI ELINGCWELE

¹⁸ Yisho kuyo inkosi nakuyo indlovukazi ukuthi: “Hlalani phansi ngokuzithoba, ngokuba izigqoko zenu ziwile phansi, umqhele wodumo lwenu.”

Contemporary Zulu Bible 2024

¹⁸ Yisho enkosini nasendlovukazini ukuthi: ‘Zithobeni, nihlale phansi, ngokuba ababusi benu bayakwehla, umqhele wodumo lwenu.

UJeremiya 13:18 ပူးပေါင်းရင်းမြစ်များ

2 AmaKhosi 24:12

Inkosi uJehoyakini wakwaJuda wazinikela enkosini yaseBhabhele, yena, unina, izinceku zakhe, izikhulu zakhe nezikhulu esigodlweni sakhe. Inkosi yaseBhabhele yamthatha ngonyaka wesishiyagalombili wokubusa kwakhe.

2 AmaKhosi 24:15

Yathumba uJehoyakini, yamyisa eBhabhele, indlovukazi unina wenkosi, amakhosikazi enkosi, izinduna zayo, nezikhulu zezwe, bonke yabathumba besuka eJerusalema yabayisa eBhabhele.

2 iziKronike 33:12

Esekuhluphekeni, wanxusa uSimakade uNkulunkulu wakhe, wazithoba kakhulu phambi kukaNkulunkulu wokhokho bakhe.

2 iziKronike 33:19

Umkhuleko wakhe nokunxusa kwakhe uNkulunkulu, zonke izono zakhe, konke ukungethembeki kwakhe nezindawo eziphakemeyo azakha, wamisa o-Ashera nezithombe ezibaziweyo, ngesikhathi engakazithobi; bheka, konke lokho kulotshwe ezindabeni zikaHozayi.

2 iziKronike 33:23

Akazithobanga phambi kukaSimakade njengoba kwazithoba uManase, uyise, kodwa yena u-Amoni wenza okubi okuningi.

UEksodusi 10:3

UMose no-Aroni baya kuFaro, bathi kuye: “Usho kanje uSimakade uNkulunkulu wamaHebheru uthi: ‘Kuyoze kube nini wenqaba ukuzithoba phambi kwami na? Vumela abantu bami ukuba bahambe, ukuze bayongikhonza.

UEksodusi 39:28

benza namaqhiya ngelineni elicolekileyo, okunye kokuthwala ekhanda ngelineni elicolekileyo, nezingubo zangaphansi ngelineni lemicu ephothiweyo elicolekileyo,

IzAga 27:24

Ngokuba ingcebo ayiyukuhlala kuze kube phakade; nomqhele uyakuhlala yini izizukulwane ngezizukulwane na?

U-Isaya 3:20

izigqoko, imihlobiso yemilenze, izibhamba, imifuma, iziqu,

U-Isaya 3:26

Amasango alo ayokhala, alile; liyakuba yize, liqumbeke phansi emhlabathini.

U-Isaya 47:1

“Yehla, uhlale othulini, ntombi eyindodakazi yaseBhabhele. Hlala phansi emhlabathini ngaphandle kwesihlalo sobukhosi, ndodakazi yamaKhaledi! Ngokuba awusayukuphinde ubizwe ngothambileyo nontengantengayo.

UJeremiya 22:24

“Ngifunga ngiyagomela,” kusho uSimakade, “noma ngabe uKhoniya, indodana kaJehoyakimi, inkosi yakwaJuda, ube yindandatho yokusicilela esesandleni sami sokunene, bengiyokukuhluthula khona lapho,

UJeremiya 22:26

Ngiyakukutshinga kwelinye izwe, wena nonyoko, izwe lapho ningazalelwanga khona; nifele lapho.

UJeremiya 29:2

Lokhu kwenzeka emveni kokuba inkosi uJekhoniya, indlovukazi emzalayo, izikhulu zasesigodlweni, izikhulu zakwaJuda nezaseJerusalema, izingcweti nabakhandi, sebesukile eJerusalema,

UJeremiya 36:16

Kwathi lapho seziwezwile wonke amazwi, zabhekana ngokwesaba, kwaba yilowo nalowo oseduze naye, zase zithi kuBharukhi: “Impela siyakuyibikela inkosi lawa mazwi.”

IsiLilo 1:6

Bonke ubukhazikhazi sebuphelile endodakazini iZiyoni; izikhulu zakhona sezinjengezinyamazane ezingafumani dlelo, zihamba zingenamandla phambi kwabazixoshayo.

IsiLilo 1:9

Ukungcola kwalo kusemphethweni wezingubo zalo, alicabanganga ngomphumela wokona kwalo, liwile ngendlela emangalisayo, akekho ongaliduduza. Bheka Simakade, ukuhlupheka kwami, ngokuba isitha sinqobile.

IsiLilo 2:10

Izimpunga zendodakazi iZiyoni zihleli phansi emhlabathini, zithule du; zizithele ngothuli emakhanda, zibhince namasaka. Izintombi zaseJerusalema zigebisele amakhanda emhlabathini.

IsiLilo 5:16

Umqhele uwile ekhanda lethu. Maye, kithi, ngokuba sonile!

UHezekeli 16:12

Ngakufaka indandatho ekhaleni, amacici ezindlebeni zakho, nomqhele omuhle ekhanda lakho.

UHezekeli 21:26

isho kanje iNkosi uSimakade, ithi: “Khumula umshuqulu, wethule umqhele wakho, akusezukufana nakuqala. Phakamisa okuthobekileyo, uthobise okuphakemeyo.

UHezekeli 24:17

Bubula buthule; ungamlileli ofileyo, uzibophele umshuqulu wakho, ufake izimbadada zakho ezinyaweni, ungawambozi amadevu akho, ungakudli ukudla okulethwe ngabantu abalilayo.”

UHezekeli 24:23

Imishuqulu yenu iyakuba semakhanda enu, nezimbadada zenu ezinyaweni zenu; ningakhali, ningasikhihli isililo, kodwa-ke niyokonda ngenxa yeziphambeko zenu, nibubulelane omunye komunye.

UHezekeli 44:18

Bayakuthwala izigqoko zelineni emakhanda abo, ngaphansi bagqoke izimpahla zelineni, bangakubhinci okhalo lwabo okujulukisayo.

UDaniyeli 5:20

Kepha lapho ezikhukhumeza enhliziyweni yakhe, nomoya wakhe uba lukhuni esezidla, wehliswa esihlalweni sakhe sobukhosi, balususa udumo lwakhe kuye;

UJona 3:6

Izwi lafinyelela ngisho nasenkosini yaseNineve, yase isuka esihlalweni sayo, yakhumula ingubo yayo yobukhosi, yembatha indwangu yesaka, yahlala emlotheni.

Mathewu 18:4

Ngakho-ke yilowo nalowo oyakuzithoba njengalo mntwana, nguyena omkhulu embusweni wezulu.

EkaJakobe 4:10

Zithobeni ebusweni beNkosi, khona iyakuniphakamisa.

1 kaPetru 5:6

Ngalokho zithobeni phansi kwesandla sikaNkulunkulu esinamandla, ukuze aniphakamise ngesikhathi esifaneleyo,