UHezekeli 40:5 - IsiZulu 2020

⁵ Kwakukhona ugange ngaphandle kwendlu, luzungeze nxazonke, esandleni somuntu kukhona uhlanga lokulinganisa, lungamakhubhithi ayisithupha, yileyo naleyo iyikhubhithi engububanzi besandla. Walinganisa ububanzi besakhiwo: uhlanga olulodwa, nokuphakama: ububanzi besakhiwo babuluhlanga olulodwa, kanjalo nokuphakama kwaso kuwuhlanga olulodwa.

IBHAYIBHELI ELINGCWELE

⁵ Bheka, kwakukhona ugange ngaphandle kwendlu nxazonke, nasesandleni somuntu kwakukhona uhlanga lokulinganisa, luyizingalo eziyisithupha, yileyo naleyo iyingalo nobubanzi besandla; walinganisa ububanzi besakhiwo: luhlanga lunye; nokuphakama: luhlanga lunye.

Contemporary Zulu Bible 2024

⁵ Kwakukhona ugange ngaphandle kwendlu nxazonke, nasesandleni somuntu kukhona induku yokulinganisa ubude buyingalo nobubanzi besandla; walinganisa ububanzi besakhiwo: umhlanga munye; nokuphakama, umhlanga munye.

UHezekeli 40:5 ပူးပေါင်းရင်းမြစ်များ

AmaHubo 125:2

Njengalokhu izintaba zizungeze iJerusalema, noSimakade ubazungeze kanjalo abantu bakhe kusukela manje kuze kube phakade.

U-Isaya 26:1

Ngalolo lusuku, ezweni lakwaJuda kuyohlatshelelwa lesi sihlabelelo esithi: Sinomuzi oqinileyo, usimisela insindiso ibe yizingange nezindunduma.

U-Isaya 60:18

Ayisayukubabikho indluzula ezweni lakini, nencithakalo nokubhubhisa phakathi kwemingcele yakho, kodwa izingange zakho uyozibiza ngokuthi yiNsindiso, namasango akho ngokuthi yiNdumiso.

UHezekeli 41:8

Ngabona futhi ukuthi indlu izungezwe unqenqema nxazonke, isilinganiso sezisekelo zamakamelo sasilingana nohlanga olungamakhubhithi ayisithupha ubude.

UHezekeli 42:15

Kwathi lapho eseqedile ukulinganisa indlu engaphakathi, wangikhipha ngendlela yesango elalingasempumalanga, walinganisa nxazonke.

UHezekeli 42:20

Wayilinganisa ezinhlangothini zozine. Yayinogange oluyizungeze gimbici, ubude balo babungamakhubhithi angama-500 kanjalo nobubanzi balo, ukuba kwehlukaniswe phakathi kokungcwele nokungengcwele.

UHezekeli 43:13

“Nazi izilinganiso ze-althare ngokwamakhubhithi, ikhubhithi nengxenye ububanzi, isisekelo salo sinomsele oyikhubhithi ukuphakama kwawo, nobubanzi bawo buyikhubhithi. Umngcele walo, emaceleni nxazonke, wawunjengokuvuleka kweminwe: kwakunjalo-ke ukuphakama kwe-althare.

UZakariya 2:5

‘Kepha Mina, ngiyakuba lugange lomlilo kulo oluluzungeze ngimbi ci, futhi ngibe yinkazimulo kulo,’ kusho uSimakade.

UDuteronomi 3:11

Ngu-Ogi kuphela, inkosi yaseBhashani, owasala ensalini yamaRefa. Bheka, ibhokisi lakhe lomngcwabo kwakungelensimbi, alitholakali yini eRabha labantu bakwa-Amoni na? Ubude balo bungamakhubhithi ayisishiyagalolunye, ububanzi balo bungamakhubhithi amane, ngokwesilinganiso.

IsAmbulo 21:12

Wawunogange olukhulu noluphakeme, unamasango ali-12; emasangweni kukhona izingelosi ezili-12, kuwo kulotshwe amagama ezizwana ezili-12 zakwa-Israyeli.