UHezekeli 38:4 - IsiZulu 2020

⁴ Ngiyakukuguqula, ngifake izingwegwe emihlathini yakho, ngikukhiphe nayo yonke impi yakho, amahhashi nabagibeli bawo, bonke bevunule bephelele, iviyo elikhulu eliphethe amahawu nezihlangu, bonke bephethe izinkemba zabo zimenyezela.

IBHAYIBHELI ELINGCWELE

⁴ ngiyakukuguqula, ngifake izingwegwe emihlathini yakho, ngikukhiphe kanye nayo yonke impi yakho, amahhashi nabamahhashi, bonke bembethe kahle kakhulu, iviyo elikhulu elinamahawu nezihlangu, bonke bephethe izinkemba,

Contemporary Zulu Bible 2024

⁴ Ngiyakukubuyisela emuva, ngifake izingwegwe emihlathini yakho, ngikukhiphe wena nempi yakho yonke, amahhashi, nabamahhashi, bonke bembethe zonke izinhlobo zezikhali, yebo, isixuku esikhulu esinezihlangu nezihlangu, bonke bephela abaphethe izinkemba.

UHezekeli 38:4 ပူးပေါင်းရင်းမြစ်များ

2 AmaKhosi 19:28

Ngenxa yokuba ungithukuthelele, nokuzidla kwakho kwenyukele ezindlebeni zami, ngiyakubeka ingwegwe yami emakhaleni akho, netomu lami emlonyeni wakho, ngiyakukubuyisela endleleni oweza ngayo.’

1 iziKronike 12:8

KwabakwaGadi, abanye bazehlukanisa baya kuDavide enqabeni ehlane, amaqhawe anamandla, amabutho azilungiselele ukulwa, abakwazi ukuphatha isihlangu nomkhonto, ababuso babo bufana nobuso bezingonyama, abanejubane njengezinsephe ezintabeni:

2 iziKronike 25:5

U-Amaziya waqoqa uJuda, wammisa ngokwezindlu zawoyise phansi kwabakhuzi bempi bezinkulungwane nabakhuzi bempi bamakhulu. UJuda wonke noBhenjamini wababala, kusukela kwabaneminyaka engama-20 kuya phezulu, wathola ukuthi bayizi-300 000 abakhethekileyo asebengaphuma impi, nabangaphatha umkhonto nesihlangu.

U-Isaya 37:29

ukufutheka kolaka lwakho ngami, nokuzidla kwakho sekufinyelele ezindlebeni zami; ngizofaka ingwegwe yami emakhaleni akho, netomu lami emlonyeni wakho; ngikubuyisele emuva ngendlela oweza ngayo.

U-Isaya 43:17

okhipha izinqola zempi; amahhashi, impi, namaqhawe, kulale uyaca kanyekanye kungabe kusavuka. Kucishwe, kucinywe njengentambo yesibani.

UJeremiya 46:9

Khuphukani, mahhashi, nibhembuluke zinqola, mawaphume amaqhawe: uKhushe noPhuthi babambe izihlangu, namaLudi abambe umnsalo.

UHezekeli 23:12

Wakhanukela abase-Asiriya, izikhulu, ababusi, namabutho empi, ababehlobe ngemvunulo, bengabagibeli bamahhashi, bonke beyizinsizwa ezingamageza.

UHezekeli 29:4

“ ‘Ngiyakufaka amahhuku emihlathini yakho, nginamathelise izinhlanzi zemifula yakho ezingcwecweni zakho, ngikukhuphule emifuleni yakho nazo zonke izinhlanzi zemifula yakho ezinamathele ezingcwecweni zakho.

UHezekeli 38:15

Uyakufika usuka kude endaweni yakho esekugcineni enyakatho, wena nezizwe eziningi oyakuba uhamba nazo, bonke begibele amahhashi, iviyo elikhulu nempi enamandla.

UHezekeli 38:3

uthi: ‘Isho kanje iNkosi uSimakade, ithi: “Ngimelene nawe Gogi, sikhulu sakwaRoshe, eMeshekhe naseThubhali.

UHezekeli 39:2

Ngiyakukuguqula, ngikuhole, ngikwenyusele ezindaweni ezikude ezisenyakatho, ngikuyise ezintabeni zakwa-Israyeli,

UHezekeli 39:20

Etafuleni lami niyakudla nisuthe inyama yamahhashi, eyabagibeli bawo, eyamaqhawe, neyawo wonke amabutho empi,” ’ ” kusho iNkosi uSimakade.

UDaniyeli 11:40

“Ngesikhathi sokugcina inkosi yaseningizimu iyakulwa nayo; inkosi yasenyakatho iyakuza kuye njengesishingishane inezinqola, nabamahhashi, nemikhumbi eminingi, iyakungena ngaphakathi ezweni, ikhukhule, idlule.

U-Amose 4:2

INkosi uSimakade ifungile ngobungcwele bayo, yathi: “Bhekani-ke, ziyonifikela izinsuku lapho niyakuthathwa ngezingwegwe, nezizukulwane zenu ngezindobo zokudoba.