UHezekeli 38:12 - IsiZulu 2020

¹² bese ngibaphanga, ngibaqhwage impahla, ngelule isandla sami, ngimelane nezindawo okungahlali muntu kuzo, nabantu abaqoqwe ezizweni base bezizuzela imfuyo nempahla, labo abahlala enkabeni yezwe.

IBHAYIBHELI ELINGCWELE

¹² ukuze uphange impango, ubamuke impahla, bese wuphendulela isandla sakho ezindaweni ezichithekileyo esezakhiwe nakubantu asebebuthiwe ezizweni, bezuza imfuyo nempahla, behlala enkabeni yezwe.”

Contemporary Zulu Bible 2024

¹² ukuthatha impango nokuphanga impango; ukuze uphendule isandla sakho phezu kwamanxiwa ahlalwayo manje, nakubantu ababuthiwe ezizweni, abazuzile izinkomo nempahla, abahlala phakathi kwezwe.

UHezekeli 38:12 ပူးပေါင်းရင်းမြစ်များ

U-Isaya 10:6

Ngiyithuma esizweni esingenabunkulunkulu, ngiyijube ukubhekana nabantu engibathukuthelele ukuba ibaphange impango, iqhwage impahla, ibaxove njengodaka emigwaqweni.

UJeremiya 30:16

“ ‘Ngalokho bonke abakudlayo nabo bayakudliwa, zonke izitha zakho ngothi lwazo ziyakuthunjwa, nalabo abakuphangayo bayakuphangwa, nabo bonke abakuqhwagayo ngiyakubenza impango.

UHezekeli 29:19

Ngalokho-ke isho kanje iNkosi uSimakade, ithi: ‘Bheka, sengizonika uNebukhadinezari, inkosi yaseBhabhele, iGibhithe; uzoyithatha ingcebo yalo, aphange impango yalo, bese ethatha impango yalo, ibe yinkokhelo yamabutho akhe.

UHezekeli 38:8

Kuyokwedlula izinsuku eziningi bese uqoqwa; kuyakuthi ngeminyaka yokugcina ungene ezweni elibuyiswe enkembeni, eliqoqwe ezizweni eziningi, ezintabeni zakwa-Israyeli ezazihlala ziyincithakalo, selikhishiwe kubantu, manje sebezohlala belondekile bonke.

U-Amose 1:8

Ngiyakubhubhisa izakhamuzi e-Ashidodi, nophethe intonga yobukhosi e-Ashikeloni. Ngiyakushaya ngesandla sami i-Ekroni, insali yamaFilisti iyakuphela nya,” kusho iNkosi uSimakade.

UZakariya 1:12

Yayisiphendula ingelosi kaSimakade, yathi: “Simakade Wamabandla, kuyoze kube nini ungalihawukeli iJerusalema nemizi yakwaJuda oyithukuthelele le minyaka engama-70 na?”

UZakariya 1:17

“Memezela lokhu futhi, uthi: Usho kanje uSimakade Wamabandla, uthi: ‘Imizi yami iyakugcwala ichichime okuhle, uSimakade abuye aliduduze iZiyoni, aphinde alikhethe neJerusalema.’ ”

UZakariya 13:7

“Vuka nkemba, umelane nomelusi wami, umelane nomuntu ongumgani wami. Shaya umelusi, ukuze kuhlakazeke izimvu, ngiyakuphendulela isandla sami kumawundlu,” kusho uSimakade Wamabandla.

AbAhluleli 9:37

UGali wakhuluma futhi, wathi: “Uyabona, kunabantu abehla enkabeni yezwe, elinye iviyo liqhamuka ngendlela yomu-okhi okuhlolelwa kuwo.”