UGenesise 24:22 - IsiZulu 2020

²² Lapho amakameli eseqedile ukuphuza, inceku yathatha icici legolide lasekhaleni, elisisindo salo kuyingxenye yeshekeli, namasongo amabili asezingalweni, asisindo sawo singamashekeli ayishumi egolide,

IBHAYIBHELI ELINGCWELE

²² Kwathi amakamela eseqedile ukuphuza, indoda yathatha icici legolide, isisindo salo siyinxenye yeshekeli,* namasongo amabili ezandla zayo, isisindo sawo singamashekeli ayishumi egolide, yathi:

Contemporary Zulu Bible 2024

²² Kwathi amakamela eseqedile ukuphuza, indoda yathatha icici legolide, inxenye yeshekeli, namasongo amabili ezandleni zayo, amashekeli ayishumi egolide;

UGenesise 24:22 ပူးပေါင်းရင်းမြစ်များ

UGenesise 24:10

Inceku yathatha amakameli ayishumi omniniyo, yahamba iphethe izimpahla ezinhle ezinhlobonhlobo ezivela kumnumzane. Yalibangisa e-Aramu Naharayimu, emzini okwakwakhe kuwo uNahori.

UGenesise 24:23

yathi: “Ngitshele ukuthi uyindodakazi kabani na? Ikhona yini indawo endlini kayihlo engingaphumula kuyo kulobu busuku na?”

UGenesise 24:30

Kwathi ukuba abone indandatho ekhaleni, namasongo ezingalweni zikadadewabo, futhi esekuzwile okushiwo ngudadewabo uRibheka, ethi: “Ikhulume kanjalo indoda kimi,” waya kuleyo ndoda eyayimi eduze kwamakameli ngasemthonjeni.

UGenesise 24:47

Ngambuza ngathi: ‘Uyindodakazi kabani na?’ “Wathi: ‘Ngiyindodakazi kaBhethuweli ozalwa nguNahori kuMilkha.’ “Ngakho-ke ngamfaka icici ekhaleni namabhengele ezihlakaleni zakhe.

UGenesise 24:53

Inceku yakhipha izipho eziwubucwebecwebe zesiliva, negolide, nezembatho, yamnika uRibheka, yanika futhi umfowabo nonina izipho eziyigugu.

Esteri 5:1

Kwathi ngosuku lwesithathu, u-Esteri wagqoka ingubo yobundlovukazi, wema egcekeni lesigodlo senkosi elingaphakathi, eliqondene nendlu yenkosi. Inkosi yayihleli esihlalweni sayo sobukhosi, iqondene nesango elingenela esigodlweni.

UJobe 28:1

“Impela ikhona imayini yesiliva, nendawo okucwengwa kuyo igolide.

UJeremiya 2:32

Intombi ingakhohlwa yini yimvunulo yayo, nomakoti ixhama lakhe na? Nokho abantu bami bangikhohliwe izinsuku ezingenakubalwa.

UJeremiya 32:9

Ngayithenga-ke insimu ese-Anathothi kuHanameli, indodana yomfowabo kababa, ngamkalela isiliva, kwaba ngamashekeli esiliva ali-17.

1 kaPetru 3:3

Ukuhloba kwenu makungabi ngokungaphandle, okokwaluka izinwele, okokufaka igolide, noma okokugqoka izingubo ezikhangayo,

1 kaPetru 3:8

Okokugcina yibani nhliziyonye nonke, nizwelane, nithandane ngokwabazalwane, nibe nobubele nokuthobeka.