UEksodusi 30:1 - IsiZulu 2020

¹ “Uyokwenza i-althare okuyoshiswa kulo impepho, uyolenza ngokhuni lomkhambathi.

IBHAYIBHELI ELINGCWELE

¹ “Uyakwenza i-altare lokushisa impepho, ulenze ngomuthi womtholo.

Contemporary Zulu Bible 2024

¹ Uyakwenza i-altare lokushisa impepho; ulenze ngomuthi womtholo.

UEksodusi 30:1 ပူးပေါင်းရင်းမြစ်များ

1 AmaKhosi 6:20

Phambi kwegumbi kwakungamakhubhithi angama-20 ubude, namakhubhithi angama-20 ngobubanzi, namakhubhithi angama-20 ngokuphakama; wakunameka ngegolide elicwengekileyo, walembesa i-althare ngemisedari.

1 AmaKhosi 6:22

Wanameka-ke, yonke indlu ngegolide, yaze yaphelela indlu yonke; ne-althare lonke elalisegumbini walinameka ngegolide.

1 AmaKhosi 7:48

USolomoni wezenza zonke izinto ezazisendlini kaSimakade: i-althare legolide, itafula legolide okwakukhona kulo izinkwa zobukhona,

1 iziKronike 28:18

I-althare lempepho lingelegolide elicwengekileyo isisindo salo, umfanekiso wenqola, amakherubhi egolide ayelule amaphiko awo, asibekela umphongolo wesivumelwano sikaSimakade.

1 iziKronike 6:49

U-Aroni namadodana akhe babeshiya iminikelo e-althare leminikelo yokushiswa nase-althare lempepho, benza wonke umsebenzi endaweni engcwelengcwele, benzela u-Israyeli ukubuyisana njengakho konke ayale ngakho uMose, inceku kaNkulunkulu.

2 iziKronike 26:16

Kepha lapho esenamandla, inhliziyo yakhe yaqala ukuzikhukhumeza, waze waziphatha kabi, akethembeka kuSimakade uNkulunkulu, wangena ethempelini likaSimakade washisa impepho e-althare lempepho.

UEksodusi 30:10

U-Aroni uyokwenza umnikelo wokubuyisana phezu kwezimpondo zalo kanye ngonyaka. Izizukulwane ngezizukulwane, u-Aroni uyokwenza inkonzo yokulihlambulula kanye ngonyaka ngegazi lomnikelo wokuhlambulula isono. Lingcwelengcwele kuSimakade.”

UEksodusi 30:2

Ubude balo buyokuba yikhubhithi, nobubanzi balo bube yikhubhithi, libe yisikwele, ukuphakama kwalo kube ngamakhubhithi amabili. Izimpondo zalo zihlangane nalo.

UEksodusi 31:8

itafula nayo yonke impahla yalo, uthi lwezibani olwenziwe ngegolide elicwengekileyo nazo zonke izinto zalo, ne-althare lokushisela impepho,

UEksodusi 35:15

i-althare lempepho nezingongolo zalo, amafutha okugcoba, impepho enuka kamnandi, isihenqo somnyango wokungena ethabanakeli;

UEksodusi 39:38

i-althare legolide, amafutha okugcoba, impepho enuka kamnandi, isihenqo ekungeneni kwethende,

UEksodusi 40:5

Uyakubeka i-althare legolide lokushisela impepho phambi komphongolo wesivumelwano, bese ufaka isihenqo somnyango wethabanakeli.

UHezekeli 41:22

I-althare lalenziwe ngokhuni, ukuphakama kwalo kungamakhubhithi amathathu, ubude balo bungamakhubhithi amabili; lalinamagumbi. Ubude balo nezindonga zalo kwakwenziwe ngokhuni; wathi kimi: “Leli yitafula eliyakuba phambi kukaSimakade.”

ULevitikusi 4:18

Enye ingxenye yegazi uyolibheca ezimpondweni ze-althare eliphambi kukaSimakade, ethendeni lokuhlangana, athululele lonke igazi elisele ngasesinqeni se-althare lomnikelo wokushiswa elingasemnyango wethende lokuhlangana.

ULevitikusi 4:7

Umphristi uyobheca ingxenye yegazi ezimpondweni ze-althare lempepho enephunga elimnandi elisethendeni lokuhlangana, phambi kukaSimakade: lonke igazi leduna eliseleyo uyolithululela esinqeni se-althare lomnikelo wokushiswa, elisemnyango wethende lokuhlangana.

UNumeri 3:31

Umsebenzi wabo kwakungukugcina umphongolo, itafula, uthi lwezibani, ama-althare, izitsha ezisetshenziswa endaweni engcwele, ikhethini nayo yonke imisebenzi eyayenziwa ngalezo zinto.

UNumeri 4:11

“Phezu kwe-althare legolide bayokwendlala indwangu eluhlaza okwesibhakabhaka, bayemboze ngesikhumba samahlengethwa, bese befaka izingongolo zalo.

KumaHeberu 9:4

Kwakukhona kuyo i-althare legolide lempepho, kanye nomphongolo wesivumelwano owawuhuqwe ngegolide nxazonke, okwakukhona kuwo isitsha segolide esasiphethe imana, induku ka-Aroni eyahlumayo, nezibhebhe zesivumelwano.

IsAmbulo 8:3

Enye ingelosi yeza, yema ngase-althare, iphethe isithunqiso segolide, yanikwa impepho eningi ukuba iyenezelele emikhulekweni yabangcwele bonke, phezu kwe-althare legolide eliphambi kwesihlalo sobukhosi.