UEksodusi 27:9 - IsiZulu 2020

⁹ “Uyokwenza igceke lethabanakeli. Ngaseningizimu yegceke kube khona amakhethini elineni lemicu ephothiweyo elicolekileyo, ubude bawo bube ngamakhubhithi ayikhulu ohlangothini ngalunye;

IBHAYIBHELI ELINGCWELE

⁹ “Wolenza igceke letabernakele;* ngaseningizimu ohlangothini olungaseningizimu makube khona izilenge zegceke zelineni elicolekileyo lemicu ephothiweyo, ubude bazo bube yizingalo eziyikhulu ohlangothini lunye;

Contemporary Zulu Bible 2024

⁹ Uyakwenza igceke letabernakele ohlangothini oluseningizimu, ngaseningizimu, kube khona izilenge zegceke ngelineni elicolekileyo lemicu ephothiweyo, ubude bazo bube yizingalo eziyikhulu ngalapha.

UEksodusi 27:9 ပူးပေါင်းရင်းမြစ်များ

1 AmaKhosi 6:36

Wakha igceke elingaphakathi ngezinhla ezintathu zamatshe abaziweyo, nohla lwemishayo yemisedari.

1 AmaKhosi 8:64

Ngalona lolo suku inkosi yangcwelisa ingaphakathi legceke elalingaphambi kwendlu kaSimakade, yanikela lapho ngomnikelo wokushiswa, ngomnikelo wempuphu, nangamanoni eminikelo yokuthula, lokhu i-althare lethusi elaliphambi kukaSimakade lalilincane ukuba liwamukele umnikelo wokushiswa, nomnikelo wempuphu, namanoni eminikelo yokuthula.

2 iziKronike 33:5

Emagcekeni omabili endlu kaSimakade, wakhela lonke ibandla lasezulwini ama-althare.

2 iziKronike 4:9

Wenza igceke labaphristi, igceke elikhulu, iminyango yegceke, nezivalo zayo wazemboza ngethusi.

AmaHubo 100:4

Ngenani emasangweni akhe ngokubonga, nasemagcekeni akhe ngokudumisa, mbongeni, nidumise igama lakhe.

AmaHubo 116:19

emagcekeni endlu kaSimakade, phakathi kwakho, Jerusalema. Haleluya!

AmaHubo 84:10

Ngokuba usuku lulunye emagcekeni akho, luhle kunezinye eziyizinkulungwane. Ngiyakhetha ukulinda emnyango wendlu kaNkulunkulu wami, kunokuhlala emathendeni ezikhohlakali.

AmaHubo 92:13

Batshalwe endlini kaSimakade, bamilile emagcekeni kaNkulunkulu wethu.

UEksodusi 27:10

izinsika zalo ezingama-20, nezisekelo zazo ezingama-20 ziyokwenziwa ngethusi; izinkintsho zezinsika nezibopho zazo zenziwe ngesiliva.

UEksodusi 35:17

amakhethini egceke, izinsika zalo, izisekelo zalo, ikhethini lasesangweni legceke,

UEksodusi 36:17

Benza izinkintsho ezingama-50 emphethweni wekhethini elaligcinile ekhethinini lokuqala, benza futhi izinkintsho ezingama-50 emphethweni wekhethini elaligcinile esiqeshini sesibili.

UEksodusi 39:40

amakhethini egceke, izinsika nezisekelo zalo, ikhethini elihenqa isango legceke, izintambo zalo, izikhonkwane zalo, nakho konke okusetshenziselwa inkonzo yethabanakeli ethendeni lokuhlangana,

UEksodusi 40:33

Walungisa igceke nxazonke zethabanakeli ne-althare, walengisa isihenqo sesango lalo. Wawuphothula kanjalo-ke uMose umsebenzi.

UEksodusi 40:8

Uyakulungisa igceke nxazonke, bese ulengisa isihenqo sesango legceke.

UHezekeli 40:14

Wenza nezinsika: zingamakhubhithi angama-60, isango lifinyelela ensikeni yegceke nxazonke.

UHezekeli 40:17

Wayesengingenisa egcekeni elingaphandle; uyabona-ke, lapho kwakukhona amakamelo nendawo egandayiweyo egcekeni nxazonke; kwakukhona namakamelo angama-30 endaweni egandayiweyo.

UHezekeli 40:20

Wayeselinganisa ubude nobubanzi besango legceke elingaphandle elibheke ngasenyakatho.

UHezekeli 40:23

Kwakukhona isango legceke elingaphakathi maqondana naleli sango ngasenyakatho nangasempumalanga; walinganisa kusukela esangweni kuze kube sesangweni, kwaba ngamakhubhithi ayikhulu.

UHezekeli 40:28

Wayesengingenisa egcekeni elingaphakathi ngesango eliseningizimu; walilinganisa lelo sango njengezilinganiso ezibalulwe ngenhla.

UHezekeli 40:32

Wayesengingenisa egcekeni elingaphakathi ngasempumalanga, walilinganisa isango njengezilinganiso ezishiwo ngenhla,

UHezekeli 40:44

Ngaphandle kwesango elingaphakathi kwakukhona amakamelo abahlabeleli esegcekeni elingaphakathi, elaliseceleni kwesango elisenyakatho, libheke ngaseningizimu, elinye eliseceleni kwesango elisempumalanga, libheke ngasenyakatho.

UHezekeli 42:3

Ngakolunye uhlangothi kwakungamakhubhithi angama-20, ayezungeze igceke elingaphakathi, kuthi maqondana nendawo egandayiweyo eyayingeyegceke elingaphandle kube khona umpheme oqondene nemipheme eyelakanyene kathathu.

UNumeri 3:26

namakhethini asegcekeni nekhethini elisemnyango wegceke elizungeze ithabanakeli ne-althare, izintambo zalo, nayo yonke imisebenzi ephathelene nalezo zinto.

UNumeri 4:26

amakhethini asegcekeni, isihenqo somnyango wesango legceke elingasethabanakelini nase-althare nxazonke, izintambo zalo, nayo yonke impahla abayisebenzisayo; bayokwenza konke okudinga ukwenziwa maqondana nabo.

UNumeri 4:32

izinsika zegceke nxazonke, izisekelo zalo, izikhonkwane zalo, izintambo zalo, impahla yalo yonke, nomsebenzi walo wonke, niyoyisho ngamagama impahla okufanele bayithwale.