UEksodusi 18:1 - IsiZulu 2020

¹ UJethro, umphristi wakwaMidiyani, umukhwe kaMose, wezwa konke uNkulunkulu ayekwenzele uMose nabantu bakhe bakwa-Israyeli, ukuthi uSimakade wayemkhiphe kanjani u-Israyeli eGibhithe.

IBHAYIBHELI ELINGCWELE

¹ UJetiro umpristi wakwaMidiyani, umukhwe kaMose, wezwa konke uNkulunkulu abenzele khona oMose no-Israyeli abantu bakhe, ukuthi uJehova wayemkhiphile u-Israyeli eGibithe.

Contemporary Zulu Bible 2024

¹ Kwathi uJetro, umpristi wakwaMidiyani, umukhwe kaMose, esezwile ngakho konke uNkulunkulu abekwenzile kuMose nakubantu bakhe u-Israyeli, nokuthi uJehova wayemkhiphile u-Israyeli eGibithe;

UEksodusi 18:1 ပူးပေါင်းရင်းမြစ်များ

AmaHubo 105:43

Wayesebakhipha abantu bakhe bethokozile, abakhethiweyo bakhe bahuba ngokwethaba.

AmaHubo 105:5

Khumbulani izimangaliso zakhe azenzileyo, nezibonakaliso zakhe, nezehlulelo zomlomo wakhe,

AmaHubo 106:2

Ngubani ongalanda ngezenzo zamandla kaSimakade, ezwakalise lonke udumo lwakhe na?

AmaHubo 34:2

Umphefumulo wami uyozincoma ngoSimakade, abathobekileyo mabezwe, bajabule.

AmaHubo 44:1

Nkulunkulu, sizwile ngezindlebe zethu, nokhokho bethu besitshela lokho owakwenza emihleni yabo, emihleni yasemandulo.

AmaHubo 78:4

Asiyukubafihlela zona abantwana babo, kodwa siyotshela izizukulwane izibongo zikaSimakade, amandla akhe nemisebenzi emangalisayo ayenzileyo.

UEksodusi 2:16

Kwakukhona umphristi kwaMidiyani owayenamadodakazi ayisikhombisa; eza ezokukha amanzi, ukuba agcwalise imikhombe ukuze imfuyo kayise iphuze.

UEksodusi 2:18

Lapho efika kuyise uRehuweli, wathi kuwo: “Yini eyenze nabuya masinya namuhla na?”

UEksodusi 2:21

UMose wavuma ukuhlala nalowo muntu. Waganisela uMose indodakazi yakhe uZiphora.

UEksodusi 3:1

UMose wayelusa umhlambi womukhwe wakhe uJethro, umphristi wakwaMidiyani. Wawuqhuba wedlula ehlane, waze wayofika eHorebhe entabeni kaNkulunkulu.

UEksodusi 4:18

UMose wahamba wabuyela kumukhwe wakhe uJethro, wathi kuye: “Ngiyakucela, ngivumele ngihambe, ngibuyele kubahlobo bami abaseGibhithe, ngiyobona ukuthi basaphila yini.” UJethro wathi kuMose: “Hamba ngokuthula.”

UEksodusi 6:6

Ngakho-ke yisho kubantu bakwa-Israyeli, uthi: ‘NginguSimakade, ngiyakunikhulula emithwalweni yabaseGibhithe, nginikhulule ekugqilazweni yibo, nginihlenge ngengalo eyeluliweyo nangezenzo ezinkulu zokwehlulela.

UJeremiya 33:9

Umuzi uyakuba kimi yigama lokujabula, nodumo, nendumiso kuzo zonke izizwe zomhlaba eziyakuzwa ngakho konke okuhle engibenzela khona. Ziyokwesaba, zithuthumele ngenxa yakho konke okuhle nangakho konke ukuthula engiwenzela khona.’

UZakariya 8:23

Usho kanje uSimakade Wamabandla, uthi: “Ngalezo zinsuku amadoda alishumi, avela kuzo zonke izilimi zabezizwe, ayakubamba umphetho wengubo yomuntu wakwaJuda, athi: ‘Masihambe nani, ngokuba sizwile ukuthi uNkulunkulu unani.’ ”

UNumeri 10:29

UMose wathi kuHobhabhi, indodana kaRuweli wakwaMidiyani, umukhwe kaMose: “Sesizakusuka siye endaweni uSimakade asitshele ngayo, wathi: ‘Ngiyoninika yona.’ Woza, hamba nathi! Siyokwenzela okuhle ngokuba uSimakade ukhulumile okuhle ngo-Israyeli.”

IzEnzo 14:27

Ekufikeni kwabo, baliqoqa ibandla, balilandisa ngakho konke uNkulunkulu akwenzile ngabo, nokuthi uvulele nabezizwe isango lokukholwa.

IzEnzo 15:12

Isixuku sonke sathula; salalela uBharnabha noPawula belanda ngezibonakaliso nangezimangaliso uNkulunkulu ayezenze ngabo kwabezizwe.

KwabaseRoma 15:18

ngokuba anginakuba nasibindi sokusho utho ngaphandle kwezinto uKhristu azenze ngami, kube ngukulalela kwabezizwe, ngezwi nangezenzo,

UJoshuwa 2:10

Ngokuba sizwile ukuthi uSimakade wawomisa kanjani amanzi oLwandle Lomhlanga phambi kwenu lapho niphuma eGibhithe, nalokho enakwenza emakhosini amabili ama-Amori ayengaphesheya kweJordani, kuSihoni no-Ogi enababhubhisa bashabalala.

UJoshuwa 9:9

Zathi kuye: “Izinceku zakho zivela ezweni elikude kakhulu ngenxa yegama likaSimakade uNkulunkulu wenu, ngokuba sizwile ngaye nangakho konke akwenza eGibhithe,

AbAhluleli 1:16

Abozalo loMkheni, umukhwe kaMose, bakhuphuka nabozalo lukaJuda bisuka emzini wamasundu baya ehlane lakwaJuda eNegevu ese-Aradi. Yena wahamba wayohlala nabantu.

AbAhluleli 4:11

UHebhere umKheni kodwa wayezehlukanisile namaKheni, ayeluzalo lukaHobhabhi, umukhwe kaMose, wamisa ithende lakhe ngasesihlahleni esikhulu eZananimi eliseduze neKedeshi.