UEksodusi 12:12 - IsiZulu 2020

¹² “ ‘Ngokuba ngiyokwedlula eGibhithe ngalobo busuku, ngibulale wonke amazibulo eGibhithe, awabantu nawezilwane, ngibehlulele bonke onkulunkulu baseGibhithe: nginguSimakade.

IBHAYIBHELI ELINGCWELE

¹² “ ‘Ngokuba ngiyakudabula izwe laseGibithe ngalobo busuku, ngibulale onke amazibulo ezweni laseGibithe, abantu nezinkomo, ngenze izahlulelo kuzo zonke izithixo zaseGibithe; nginguJehova.

Contemporary Zulu Bible 2024

¹² Ngiyakudabula izwe laseGibithe ngalobu busuku, ngibulale onke amazibulo ezweni laseGibithe, abantu nezilwane; ngiyakwahlulela bonke onkulunkulu baseGibithe; nginguJehova.

UEksodusi 12:12 ပူးပေါင်းရင်းမြစ်များ

1 iziKronike 14:12

AmaFilisti abashiya lapho onkulunkulu bawo, uDavide wathi mababashise ngomlilo.

AmaHubo 135:8

Washaya amazibulo aseGibhithe, awabantu nawezilwane.

AmaHubo 82:1

UNkulunkulu umi emhlanganweni wonkulunkulu; uyehlulela phakathi konkulunkulu.

AmaHubo 82:6

Mina ngathi: “Ningonkulunkulu nina, nonke ningamadodana oPhezukonke.

AmaHubo 91:7

Bayakuwa abayizinkulungwane ngaseceleni kwakho, nabayizinkulungwane ezilishumi ngakwesokunene sakho, kodwa akuyukukuthinta wena.

AmaHubo 95:3

Ngokuba uSimakade unguNkulunkulu omkhulu, uyiNkosi enkulu ngaphezu konkulunkulu bonke.

UEksodusi 12:23

Ngokuba uSimakade uzokwedlula ashaye iGibhithe, kuyothi lapho ebona igazi emakhothameni nasezinsikeni zeminyango, uSimakade awedlule lowo mnyango, angamvumeli umbhubhisi ukuba eze ezindlini zenu ukuba abhubhise.

UEksodusi 18:11

Manje ngiyazi ukuthi uSimakade mkhulu kunabo bonke onkulunkulu, ngoba ukhulule abantu bakhe kwabaseGibhithe, lapho bebebaphethe khona ngokubaqonela.”

UEksodusi 21:6

umniniso uyosithatha asilethe kuNkulunkulu, uyosimisa ngasemnyango noma ngasensikeni yomnyango bese umniniso esibhoboza indlebe ngosungulo, sibe yisigqila sakhe impilo yaso yonke.

UEksodusi 22:28

“Awunakumthuka uNkulunkulu, noma uqalekise umholi wabantu bakini.

UEksodusi 6:2

UNkulunkulu wakhuluma noMose, wathi kuye: “NginguSimakade.

UEksodusi 9:6

Ngakusasa uSimakade wakwenza lokho; yonke imfuyo yabaseGibhithe yafa, kodwa akufanga nayinye emfuyweni yabantu bakwa-Israyeli.

U-Isaya 19:1

Isiphrofetho ngeGibhithe. Bheka, uSimakade ugibele efini elisheshayo, uyeza eGibhithe; onkulunkulu baseGibhithe bazothuthumela phambi kwakhe, nezinhliziyo zabaseGibhithe ziphele amandla phakathi kwabo.

UJeremiya 43:12

Ngiyakuphemba umlilo emathempelini onkulunkulu baseGibhithe, uyakuwashisa, abathumbe abanye onkulunkulu bakhona, ahambe nabo, iGibhithe uyakulembatha njengomelusi embatha ingubo yakhe, aphume kulo engenamyocu.

UJeremiya 43:13

Uyakwaphula izinsika zaseBhethi Shemeshi eziseGibhithe; ashise ngomlilo amathempeli onkulunkulu baseGibhithe.’ ”

UJeremiya 46:25

USimakade Wamabandla uNkulunkulu ka-Israyeli, uthi: “Bheka, ngiyakujezisa u-Amoni waseNo, uFaro, iGibhithe, onkulunkulu balo, amakhosi alo, nabethembele kuFaro.

UHezekeli 12:16

Kepha ngiyakuyishiya insali eyingcosana, isinde enkembeni, endlaleni, nasobhubhaneni, ukuze ilande ngazo zonke izinengiso zabo ezizweni lapho beyakuya khona, bayakukwazi ukuthi Mina nginguSimakade.”

U-Amose 5:17

Kuyakuba khona isililo nasezivinini zonke, ngokuba ngiyakudabula phakathi kwenu,” kusho uSimakade.

UZefaniya 2:11

USimakade uyakwesabeka kubo, ngokuba uyakushabalalisa bonke onkulunkulu bomhlaba. Bayakukhuleka kuye, kube yilowo nalowo esendaweni yakhe, kuzo zonke iziqhingi zezizwe.

UNumeri 33:4

AbaseGibhithe babesangcwaba amazibulo abo ayebulawe nguSimakade. USimakade wayebehlulela nonkulunkulu babo.

1 Samuweli 5:3

Kwathi bevuka abantu base-Ashidodi ekuseni ngakusasa; bheka, uDagoni wayewele phansi emhlabathini phambi komphongolo kaSimakade. Bamthatha uDagoni, bambuyisela endaweni yakhe.

1 Samuweli 6:5

Niyokwenza imifanekiso yamathumba enu anihlasele nemifanekiso yamagundane enu ahlasele izwe, nimnike udumo uNkulunkulu ka-Israyeli, hleze asenze sibe lula isandla sakhe phezu kwenu, phezu konkulunkulu benu, naphezu kwezwe lakini.