UDuteronomi 30:5 - IsiZulu 2020

⁵ USimakade uNkulunkulu wakho uyakukubuyisela ezweni okhokho bakho abalidlayo, nawe uyakulidla. Uyokwenzela okuhle, akwandise ngaphezu kokhokho bakho.

IBHAYIBHELI ELINGCWELE

⁵ uJehova uNkulunkulu wakho akungenise ezweni oyihlo abalidlayo, ulidle; uyakukwenzela okuhle, akwandise ngaphezu kwawoyihlo.

Contemporary Zulu Bible 2024

⁵ UJehova uNkulunkulu wakho uyakukuyisa ezweni oyihlo abalidlayo, ulidle; futhi Uyokwenza okuhle kini Anandise ngaphezu kokhokho benu.

UDuteronomi 30:5 ပူးပေါင်းရင်းမြစ်များ

AmaHubo 119:68

Umuhle Wena, futhi wenza okuhle; ngifundise izimiso zakho.

UJeremiya 29:14

Ngiyakufunyanwa yinina,” kusho uSimakade, “ngiyakukuqeda ukuthunjwa kwenu, nginiqoqe kuzo zonke izizwe nasezindaweni zonke lapho nginixoshele khona, nginibuyisele endaweni enganisusa kuyo nganiyisa ekuthunjweni,” kusho uSimakade.

UJeremiya 30:3

Ngokuba bheka, izinsuku ziyeza,’ kusho uSimakade, ‘lapho ngiyakuqeda ukuthunjwa kwabantu bami, u-Israyeli noJuda, bese ngibabuyisela ezweni engalinika okhokho babo ukuba balidle,’ ” kusho uSimakade.

UJeremiya 33:9

Umuzi uyakuba kimi yigama lokujabula, nodumo, nendumiso kuzo zonke izizwe zomhlaba eziyakuzwa ngakho konke okuhle engibenzela khona. Ziyokwesaba, zithuthumele ngenxa yakho konke okuhle nangakho konke ukuthula engiwenzela khona.’

UHezekeli 36:11

Ngiyakuwandisa umumo wabantu nezilwane, kwande, kuzalane. Ngiyakwenza ukuba kuhlalwe kini njengakuqala, nginenzele okuhle kunakuqala, niyakukwazi ukuthi nginguSimakade.

UHezekeli 36:37

“Isho kanje iNkosi uSimakade, ithi: ‘Kuyakuthi lapho indlu yakwa-Israyeli inginxusa ukuba ngiyenzele lokhu: ngiyakuyandisela abantu bayo, babe ngangezimvu.

UNumeri 10:29

UMose wathi kuHobhabhi, indodana kaRuweli wakwaMidiyani, umukhwe kaMose: “Sesizakusuka siye endaweni uSimakade asitshele ngayo, wathi: ‘Ngiyoninika yona.’ Woza, hamba nathi! Siyokwenzela okuhle ngokuba uSimakade ukhulumile okuhle ngo-Israyeli.”

UDuteronomi 13:17

Akuyukunamathela lutho oluqalekisiweyo esandleni sakho ukuze uSimakade aphenduke entukuthelweni yakhe evuthayo, aniphathe ngomusa, abe nesihe kini, anandise, njengalokhu afunga kokhokho benu,

UDuteronomi 7:13

Uyakukuthanda, akubusise, akwandise, abusise nesithelo sesibeletho sakho, isithelo somhlabathi wakho, okusanhlamvu kwakho, iwayini lakho, amafutha akho, inzalo yezinkomo zakho, nezimvu zakho zande ezweni afunga ngalo kokhokho bakho ukukunika lona.