UDuteronomi 27:15 - IsiZulu 2020

¹⁵ “ ‘Makaqalekiswe umuntu owenza isithombe esibaziweyo nesibunjiweyo, isinengiso kuSimakade, umsebenzi wezandla zengcweti, asimise esithe.’ “Bonke abantu bayothi: ‘Amen.’

IBHAYIBHELI ELINGCWELE

¹⁵ “ ‘Makaqalekiswe umuntu owenza isithombe ezibaziweyo nesibunjiweyo, isinengiso kuJehova, umsebenzi wezandla zengcweti, asimise ngasese.’ “Bonke abantu bayakuphendula bathi: ‘Amen.’

Contemporary Zulu Bible 2024

¹⁵ Uqalekisiwe umuntu owenza noma yisiphi isithombe esibaziweyo noma esibunjiweyo, into enengekayo kuJehova, umsebenzi wezandla zengcweti, asibeke endaweni ecashile. Futhi bonke abantu kumelwe baphendule bathi: Amen!

UDuteronomi 27:15 ပူးပေါင်းရင်းမြစ်များ

UGenesise 31:19

ULabani wayengekho eyogunda izimvu zakhe, uRaheli wantshontsha onkulunkulu bakayise.

UGenesise 31:34

URaheli wabathatha onkulunkulu bakayise, wabafaka esihlalweni sekameli, wahlala phezu kwaso. ULabani walipeketula lonke ithende, kodwa akabatholanga.

UGenesise 9:25

wayesethi: “Uqalekisiwe uKhanani! Uyoba yisigqila sezigqila kubafowabo.”

2 AmaKhosi 17:19

UJuda naye akayigcinanga imiyalo kaSimakade uNkulunkulu wakhe, kunalokho wahamba njengalokhu kwenza u-Israyeli.

2 AmaKhosi 23:13

Inkosi yangcolisa izindawo eziphakemeyo ezaziphambi kweJerusalema, ngakwesokunene sentaba Yokonakala, inkosi uSolomoni yakwa-Israyeli eyayizakhele u-Ashitharothi isinengiso samaSidoni, noKhemoshi isinengiso sabakwaMowabi noMilikhomu isinengiso sabakwa-Amoni.

1 iziKronike 16:36

Makabongwe uSimakade uNkulunkulu ka-Israyeli, kusukela phakade kuze kube phakade. Bonke abantu bathi: “Amen,” bamdumisa uSimakade.

2 iziKronike 33:2

Wenza okubi phambi kukaSimakade njengokwezinengiso zabezizwe, uSimakade ayebaxoshile phambi kwabantu bakwa-Israyeli.

UEksodusi 20:23

Aniyukuzenzela abanye onkulunkulu ngaphandle kwami, onkulunkulu besiliva noma begolide aniyukuzenzela bona.

UEksodusi 20:4

Ungazenzeli isithombe esibaziweyo, sanoma yini olusezulwini phezulu, noma olusemhlabeni phansi, noma olusemanzini phansi komhlaba.

UEksodusi 34:17

“Awuyukuzenzela onkulunkulu ababunjiweyo.

U-Isaya 44:13

Umbazi welula intambo yokukala, adwebe umuthi ngokubomvu, awugwede ngezingwedo, awuklame ngensimbi yokudweba isiyingi, awenze ngomfanekiso womuntu, ube nobuhle bomuntu; ukuba uhlale endlini.

U-Isaya 44:17

Ngokuseleyo wenza ngakho unkulunkulu nesithombe sakhe; akukhothamele, akhuleke kukho, athandaze kukho, athi: “Ngisindise; ungunkulunkulu wami.”

U-Isaya 44:19

Akekho okhumbulayo, nokwazi ukuqonda bese, ethi: “Ingani ingxenye yawo ngiyishise ngomlilo, ngapheka isinkwa phezu kwamalahle awo, ngosa inyama, ngayidla; ngokuseleyo kuwo, ngenza okuyisinengiso; ngakhothama phambi kwesiqu somuthi.”

UJeremiya 11:3

uyothi kubo usho kanje uSimakade uNkulunkulu ka-Israyeli, uthi: ‘Uqalekisiwe umuntu ongawalaleli amazwi alesi sivumelwano,

UJeremiya 11:5

ukuba ngifeze isifungo engasifunga kokhokho benu, sokubanika izwe elichichima ubisi noju,” njengoba kwenzeka namuhla.’ ” Ngase ngiphendula ngithi: “Amen, Simakade.”

UJeremiya 23:24

“Ukhona yini ongacasha ezindaweni ezisithekileyo ukuze ngingamboni na?” kusho uSimakade. “Angiligcwalisi yini izulu nomhlaba na?” kusho uSimakade.

UJeremiya 28:6

yebo, umphrofethi uJeremiya, wathi: “Amen, makenze kanjalo uSimakade, awafakazele amazwi akho owaphrofethile, ngokubuyisela izitsha zendlu kaSimakade, nabo bonke abathunjelwa eBhabhele, kule ndawo.

UHezekeli 14:4

Ngakho-ke khuluma kuwo, uthi: ‘Isho kanje iNkosi uSimakade, ithi: “Yilowo nalowo muntu wendlu yakwa-Israyeli, ofaka izithombe zakhe enhliziyweni yakhe, nobeka isikhubekiso sokona kwakhe phambi kwakhe, bese eza kumphrofethi, Mina Simakade ngiyakumphendula ngobuningi bezithombe zakhe,

UHezekeli 7:20

Ukukhazimula kwemvunulo yakho kwaba ngukuziqhenya, benza ngakho izithombe zabo ezinengekayo nezinto zabo ezenyanyekayo, ngalokho ngiyakukwenza kube yinto engcolileyo kubo.

UDaniyeli 11:31

“Izimpi ziyakuvela kuyo, zingcolise indlu engcwele, zibhidlize inqaba, zisuse umnikelo waphakade oshiswa imihla yonke, zimise isinengiso esisabisayo.

UDaniyeli 9:11

Wonke u-Israyeli weqile umthetho wakho, echezuka ukuze bangalilaleli izwi lakho; ngalokho isiqalekiso sithululwe phezu kwethu kanye nesifungo esilotshiwe emthethweni kaMose inceku kaNkulunkulu, ngokuba sonile kuye.

ULevitikusi 19:4

“ ‘Aniyukuphendukela konkulunkulu abayize, aniyukuzenzela izithombe ezakhiwe; nginguSimakade uNkulunkulu wenu.

ULevitikusi 26:1

“ ‘Aniyukuzenzela onkulunkulu abangasho lutho, aniyukuzimisela izinsika, aniyukuzibekela itshe elingumfanekiso ezweni lakini, ukuba nikukhothamele; nginguSimakade uNkulunkulu wenu.

UNumeri 5:22

lawa manzi aletha isiqalekiso, ayongena ezibilini zakho, avuvukalise isisu sakho, ashwabanise ithanga lakho;” owesifazane uyakuthi: “Amen! Amen!”

Mathewu 24:15

“Ngakho-ke uma nibona amanyala anyantisayo, akhuluma ngawo uDaniyeli umphrofethi emi endaweni engcwele – ofundayo makaqaphele ukuthi kusho ukuthini.

Mathewu 6:13

ungasingenisi ekulingweni, kodwa usikhulule kokubi; ngokuba umbuso ungowakho, namandla, nenkazimulo, kuze kube phakade. Amen.’

1 kwabaseKorinte 14:16

Uma ngingenzi kanjalo lowo ongazi lutho uyosho kanjani ukuthi Amen ekubongeni kwakho na? Lokhu akazi ukuthi uthini.

UDuteronomi 27:14

“AbaLevi bayophendula ngezwi elikhulu, bathi kubo bonke abantu bakwa-Israyeli:

UDuteronomi 29:17

nizibonile izinengiso zazo, nezithombe zazo, zemithi, amatshe, isiliva, negolide, okwakuphakathi kwazo

UDuteronomi 4:25

“Kuyothi lapho sewuzele abantwana, nabo bazala ababo, senihlale isikhathi eside ezweni, bese nona, nenze izithombe ezibaziweyo ngomfanekiso wento ethile, nenze okubi emehlweni kaSimakade uNkulunkulu wakho, nimthukuthelise,

UDuteronomi 5:8

“ ‘Ungazenzeli izithombe ezibaziweyo zomfanekiso wokusezulwini phezulu, nokusemhlabeni phansi, nokusemanzini phansi komhlaba.

UDuteronomi 7:25

Uyozishisa ngomlilo izithombe ezibaziweyo zonkulunkulu bazo; ungalifisi isiliva noma igolide elikuzo, awuyukuzithathela lona, funa libe wugibe kuwe, ngokuba lokho kuyanengeka kuSimakade uNkulunkulu wakho.

AbAhluleli 17:3

Wazibuyisela kunina izinhlamvu zakhe zesiliva eziyi-1 100; unina wathi: “Leli siliva elisesandleni sami ngiyalingcwelisa kuSimakade ukuze indodana yami yenze isithombe esibaziweyo nesibunjiweyo, ngakho-ke manje ngilibuyisela kuwe.”

AbAhluleli 17:4

Walibuyisela isiliva kunina, unina wathatha izinhlamvu zesiliva ezingama-200, wazinika umkhandisiliva, owenza ngazo isithombe esibaziweyo, nesibunjiweyo, sabekwa endlini kaMikha.

1 Samuweli 26:19

Ngakho-ke inkosi yami, inkosi uSawule, mayizwe amazwi enceku yayo. Uma kunguSimakade okwenza ukuba umelane nami, makawamukele umnikelo, kodwa uma kungabantwana babantu, mabaqalekiswe phambi kukaSimakade, ngokuba bangixoshile namuhla ukuba ngingabi nenhlanganyelo efeni likaSimakade, bethi: ‘Hamba ukhonze abanye onkulunkulu.’