IsiHlabelelo seziHlabelelo 4:9 - IsiZulu 2020

⁹ Ungephuce inhliziyo yami, dadewethu, makoti wami. Ungephuce inhliziyo yami ngokungibuka kanye nje ngeso lakho, nangomucu owodwa nje womgexo wentamo yakho.

IBHAYIBHELI ELINGCWELE

⁹ Ungaphucile inhliziyo yami, dadewethu, makoti wami; ungaphucile inhliziyo yami ngelinye lamehlo akho, ngomgexo munye wentamo yakho.

Contemporary Zulu Bible 2024

⁹ Uyikhazimulisile inhliziyo yami, dadewethu, makoti wami; uyikhazimulisile inhliziyo yami ngelinye lamehlo akho, nangeketanga elilodwa lentamo yakho.

IsiHlabelelo seziHlabelelo 4:9 ပူးပေါင်းရင်းမြစ်များ

UGenesise 20:12

Kanti-ke nangaphezu kwalokho ungudadewethu okwangempela, sizalwa ndodanye, sehlukene ngomama, nokho-ke ngamenza umkami.

UGenesise 41:42

UFaro wakhumula indandatho yakhe yokusicilela esandleni sakhe, wayifaka esandleni sikaJosefa, wamembathisa izembatho zelineni elicolekileyo, wamfaka nomgexo wegolide entanyeni.

AmaHubo 45:9

Amadodakazi amakhosi aphakathi kwabesifazane bakho abadumileyo, indlovukazi imi ngakwesokunene sakho, ihlobe ngegolide lase-Ofiri.

IzAga 1:9

iyoba ngumqhele wobuhle ekhanda lakho, nomgexo entanyeni yakho.

IzAga 6:25

Ungabukhanuki ubuhle bakhe enhliziyweni yakho, angakubambi ngezinkophe zakhe.

IsiHlabelelo seziHlabelelo 1:10

Izihlathi zakho zinhle zinemicu yobuhlalu, intamo yakho inemigexo.

IsiHlabelelo seziHlabelelo 1:15

Waze wamuhle sithandwa sami! Bheka, umuhle, amehlo akho angamajuba.

IsiHlabelelo seziHlabelelo 3:11

Madodakazi aseZiyoni, phumani nibuke, inkosi uSolomoni ihlobe ngomqhele wayo eyawuqheliswa ngunina mhlazana igcagcelwa, ngosuku lokuthokoza kwenhliziyo yayo.

IsiHlabelelo seziHlabelelo 4:10

Lumnandi kangakanani uthando lwakho, dadewethu, makoti wami! Lumnandi kakhulu kangakanani uthando lwakho, ukwedlula iwayini, nephunga lamakha akho, kunawo wonke amakha!

IsiHlabelelo seziHlabelelo 4:12

Uyisivande esihluthulelwe, ungumthombo ohluthulelweyo, isiphethu esibekwe uphawu, dadewethu, makoti wami.

IsiHlabelelo seziHlabelelo 6:12

Ngingazelele nje ukulangazelela kwami kwangibeka ezinqoleni zempi, zabantu benkosana yami.

IsiHlabelelo seziHlabelelo 6:5

Susa amehlo akho kimi, ngokuba ayangisanganisa, izinwele zakho zifana nomhlambi wezimbuzi wehla entabeni yakwaGileyadi.

IsiHlabelelo seziHlabelelo 7:10

Mina ngingowothandiweyo wami, naye uyangilangazelela.

U-Isaya 54:5

Ngokuba uMenzi wakho ungumyeni wakho, nguSimakade Wamabandla, igama lakhe; oNgcwele ka-Israyeli onguMhlengi wakho, obizwa ngokuthi nguNkulunkulu womhlaba wonke.

U-Isaya 62:5

Njengensizwa iganwa yintombi, kanjalo amadodana akho ayakuganwa nguwe, nanjengokuthokoza komyeni ngomakoti wakhe, uNkulunkulu wakho uyakuthokoza ngawe.

UHezekeli 16:11

Ngakuvunulisa ngemvunulo kanokusho, ngakufaka amasongo ezandleni zakho nomgexo entanyeni.

UHezekeli 16:8

“ ‘ “Ngesikhathi ngiphinda ngidlula ngakuwe, ngakubuka; ngabona ukuthi usukhulile, usungathanda. Ngase ngendlala isembatho sami phezu kwakho, ngafihla ubunqunu bakho, yebo, ngafunga kuwe, ngenza nawe isivumelwano,” ’ ” kusho iNkosi uSimakade, waba ngowami.

UDaniyeli 5:7

Inkosi yamemeza kakhulu ukuba kulethwe abathwebulayo, amaKhaledi, nabahlola imihlola. Yayisikhuluma inkosi, yathi kwabahlakaniphileyo baseBhabhele: “Noma ngubani ongafunda lo mbhalo, angitshele incazelo yawo uyakwembathiswa okubukhwebezane, afakwe nomgexo wegolide entanyeni yakhe, abuse engowesithathu embusweni.”

UZefaniya 3:17

USimakade uNkulunkulu wakho unawe, iqhawe eliyakukunqobisa. Uyakukujabulela kakhulu wena, athule othandweni lwakhe, akuthokozele ngokuhlokoma kwentokozo.”

Mathewu 12:50

Ngokuba yilowo nalowo owenza intando kaBaba osezulwini, ungumfowethu nodadewethu nomame.”

Johane 3:29

Lowo onomakoti, ungumyeni; kepha umngani omise umyeni uyathokoza lapho ezwa izwi lomyeni. Ngakho-ke ukuthokoza kwami sekuphelelisiwe.

1 kwabaseKorinte 9:5

Asinalo yini ilungelo lokuhamba nomzalwanekazi ongumkethu njengabanye abaphostoli, abafowabo beNkosi, noKhefase na?

2 kwabaseKorinte 11:2

Ngokuba nginomona ngani, umona kaNkulunkulu, lokhu nganendisela endodeni eyodwa ukuze nginiyise kuKhristu niyintombi emsulwa.

IsAmbulo 21:2

Ngabona umuzi ongcwele, iJerusalema elisha, wehla uvela ezulwini kuNkulunkulu, ulungisiwe njengomlobokazi ovunuliselwe umyeni wakhe.