Obadiya 1:3 - IsiZulu 2020

³ Ukuqhosha kwenhliziyo yakho kukukhohlisile wena ohlala emifantwini yamadwala, ondawo yakho iphezulu, othi enhliziyweni yakho: Ngubani nje ongangehlisela phansi emhlabeni na?

IBHAYIBHELI ELINGCWELE

³ Ukuzidla kwenhliziyo yakho kukukhohlisile wena ohlezi emifantwini yamawa, ondawo yakho yokuhlala iphakeme, othi enhliziyweni yakho: Ngubani ongangehlisela phansi na?

Contemporary Zulu Bible 2024

³ Ukuzidla kwenhliziyo yakho kukukhohlisile, wena ohlala emifantwini yedwala, okhaya lakho liphakeme; othi enhliziyweni yakhe: “Ngubani oyakungehlisela phansi na?

Obadiya 1:3 ပူးပေါင်းရင်းမြစ်များ

UGenesise 36:8

U-Esawu owayaziwa ngokuthi ngu-Edomi wazinza kwelezintaba eSeyiri.

2 AmaKhosi 14:7

Wabulala izi-10 000 zabakwa-Edomi eSigodini Sikasawoti, wadla iSela; wayeseliqamba kabusha ethi yiJokitheyeli, okuyigama lalo kuze kube namuhla.

2 iziKronike 25:11

U-Amaziya waqunga isibindi, wahola abantu bakhe waya eSigodini Sikasawoti, wabulala abantu baseSeyiri abayizi-10 000.

2 iziKronike 25:12

Abantu bakwaJuda bathumba abaseSeyiri abayizi-10 000 babayisa esiqongweni sewa bephila, babaphonsa phansi eweni, baphihlizeka bonke.

UJobe 20:6

Noma ukuphakama kwakhe kungakhuphukela ezulwini, nekhanda lakhe lifinyelele emafini,

IzAga 16:18

Ukuzidla kwendulela ukuwa, nomoya oziqhenyayo wandulela ukubhadazela.

IzAga 18:12

Inhliziyo yomuntu iyaziqhenya ngaphambi kokuba abhujiswe, kanti ukuthobeka kwandulela udumo.

IzAga 29:23

Impakamo yomuntu iyomqumba phansi, kepha onomoya othobekileyo uyazuza udumo.

U-Isaya 16:6

Sizwile ngokuziqhayisa kukaMowabi ukuthi uphakeme kakhulu, nangokuzidla kwakhe, nokuqhosha kwakhe, nokuchwensa kwakhe; ukuzikhukhumeza kwakhe kuyize.

UJeremiya 21:13

Bheka, ngimelene nani, nina enakhe esigodini, wena dwala lethafa, kusho uSimakade. Nina enithi: “ ‘Ngubani oyakwehla asihlasele na? Ngubani oyakungena ezindaweni esizifihle kuzo na?’

UJeremiya 37:9

“Usho kanje uSimakade, uthi: ningazikhohlisi, nithi: ‘AmaKhaledi ayakusuka kithi noma kanjani, ahambe,’ ngokuba awayukuhamba.

UJeremiya 48:28

Shiyani imizi, nihlale phakathi kwamadwala; nina zakhamuzi zakwaMowabi, yibani njengejuba, elakha isidleke emlonyeni wesiwa.

UJeremiya 49:16

Ukwesabeka kwakho nokuziqhenya kwenhliziyo yakho kukudukisile, wena ohleli emifantwini yamadwala, esicongweni segquma. Noma isidleke sakho ungasakha phezulu njengokhozi; ngiyakwehlisa khona lapho,” kusho uSimakade.

UJeremiya 49:4

Uzigqajelani ngezigodi, ngesigodi sakho esivundileyo, wena ndodakazi ehlubukayo, othembele engcebeni yakho, uthi: ‘Ngubani ongangihlasela na?’

UHezekeli 28:16

Ngokuhweba kwakho kakhulu, wagcwala ubudlova, waphambuka; ngakulahla entabeni kaNkulunkulu usungcolile, ngakubhubhisa wena kherubhi elingumlindi, wasuka ematsheni omlilo.

UMalaki 1:4

Uma u-Edomi ethi: “Siphihliziwe, kepha siyakubuye sikwakhe kabusha okubhidlikile.” Kodwa usho kanje uSimakade Wamabandla, uthi: “Bona bayakukwakha, kodwa Mina ngiyakubhidliza. Bayakubizwa ngokuthi Yizwe Lenkohlakalo, nabantu uSimakade abathukuthelele unomphelo.