NgokukaMarku 11:18 - IsiZulu 2020

¹⁸ Abaphristi abakhulu nezazimthetho bakuzwa lokho, bafuna ukuthi bangambhubhisa kanjani, ngokuba babemesaba, kwazise izindimbane zabantu zazimangaliswa ngukufundisa kwakhe.

IBHAYIBHELI ELINGCWELE

¹⁸ Abapristi abakhulu nababhali bekuzwa lokho bazindla ngokuthi bangambhubhisa kanjani, ngokuba babemesaba, lokhu isixuku sonke samangala ngokufundisa kwakhe.

Baasraak Zulu New Testament Bible

¹⁸ Ababhali nabapristi abakhulu bezwa lokho bafuna ukuthi bangambulala kanjani, ngokuba babemesaba, lokhu isixuku sonke samangala ngokufundisa kwakhe.

Contemporary Zulu Bible 2024

¹⁸ Ababhali nabapristi abakhulu bezwa lokho bafuna ukuthi bangambulala kanjani, ngokuba babemesaba, lokhu isixuku sonke samangala ngokufundisa kwakhe.

NgokukaMarku 11:18 ပူးပေါင်းရင်းမြစ်များ

1 AmaKhosi 21:20

U-Ahabi wayesethi ku-Eliya: “Ungitholile wena sitha sami na?” Wathi: “Ngikutholile, ngenxa yokuba nguwena ozithengisile, wenza okubi emehlweni kaSimakade.

1 AmaKhosi 22:18

Yayisithi inkosi yakwa-Israyeli kuJehoshafathi: “Angishongo yini kuwe ukuthi akaphrofethi okuhle ngami, kodwa okubi kuphela na?”

1 AmaKhosi 22:8

Inkosi yakwa-Israyeli yathi kuJehoshafathi: “Kusekhona umuntu oyedwa esingabuza kuSimakade ngaye kodwa ngiyamzonda ngokuba akaphrofethi okuhle ngami kodwa okubi; nguMikhaya, indodana kaJimila.” UJehoshafathi wathi: “Inkosi mayingakusho lokho.”

U-Isaya 49:7

Usho kanje uSimakade, uMhlengi ka-Israyeli noNgcwele wakhe, kodelelekile oyisinengiso esizweni, noyinceku yababusi, uthi: “Amakhosi ayakubona qede asukume; izikhulu zikubone, bese zikhothama ngenxa kaSimakade othembekileyo, oNgcwele ka-Israyeli; okukhethileyo.”

Mathewu 21:15

Kepha abaphristi abakhulu nezazimthetho, sebezibonile izimangaliso ayezenza, nabantwana bememeza ethempelini, bethi: “Hosana kuyo iNdodana kaDavide,” bacasuka,

Mathewu 7:28

Kwathi uJesu eseqedile ukukhuluma la mazwi, izixuku zamangala ngokufundisa kwakhe,

NgokukaMarku 1:22

Abantu bamangaliswa ngukufundisa kwakhe, ngokuba wayebafundisa njengonegunya, hhayi njengezazimthetho.

NgokukaMarku 11:32

Kepha uma sithi: ‘Kubantu’ ngeke kulunge.” Babesaba isixuku, ngokuba bonke abantu babethi uJohane ungumphrofethi impela.

NgokukaMarku 12:12

Base beceba ukumbamba, kodwa besaba isixuku, ngokuba babazi ukuthi ukhulume ngalowo mzekeliso ewuqondise kubo. Base bemshiya, bahamba.

NgokukaMarku 3:6

AbaFarisi baphuma ngokushesha bayohlanganisa amakhanda ngaye nabakaHerodi ukuthi bangambhubhisa kanjani.

NgokukaMarku 6:20

UHerode wayemesaba uJohane, emazi ukuthi uyindoda elungileyo, engcwele, futhi wayemvikela. Lapho uHerode emlalela uJohane wayesala ekhathazekile kakhulu, nokho wayethanda ukumlalela.

NgokukaLuka 19:47

Wayefundisa ethempelini imihla ngemihla. Kepha abaphristi abakhulu, izazimthetho, nezikhulu zabantu, zafuna ukumbulala.

NgokukaLuka 2:47

Bonke ababemuzwa bamangala ngokuqonda nangokuphendula kwakhe.

NgokukaLuka 20:19

Izazimthetho nabaphristi bafuna ukumbamba ngezandla khona lapho, kodwa besaba abantu, ngokuba babazi ukuthi ukhulume lo mzekeliso ewuqondise kubo.

NgokukaLuka 4:22

Bonke bakhuluma kahle ngaye, bemangaliswa ngamazwi omusa aphuma emlonyeni wakhe, bathi: “Kanti lo akasiyo yini indodana kaJosefa na?”

Johane 7:1

Emva kwalokho uJesu wahlala eGalile, ngokuba wayengathandi ukuya eJudiya, lokhu abaJuda babefuna ukumbulala.

Johane 7:19

UMose akaninikanga yini uMthetho na? Nokho akekho kini ogcina uMthetho. Pho kungani nifuna ukungibulala na?”

Johane 7:46

Izinceku zaphendula, zathi: “Akukho muntu osewake wakhuluma njengaloya muntu.”

IzEnzo 24:25

Kuthe esakhuluma ngokulunga, ngokuzithiba, nangokwehlulela okuzayo, uFelikisi washaywa luvalo, wayesephendula ethi: “Okwamanje hamba, kodwa uma ngithola ithuba, ngizokubiza.”