KwabaseGalathiya 5:20 - IsiZulu 2020

²⁰ ukukhonza izithombe, ukuthakatha, ubutha, ukulwa, umona, ulaka, ubugovu, ukwehlukana, ukuba maqembuqembu,

IBHAYIBHELI ELINGCWELE

²⁰ nokukhonza izithombe, nokuthakatha, nobutha, nokulwa, nomona, nokuthukuthela, nokubanga, nokwalana, nokwahlukana,

Baasraak Zulu New Testament Bible

²⁰ Ukukhonza izithombe, ubuthakathi, inzondo, ukuxabana, umona, ulaka, ukuxabana, ukuhlubuka, ukuhlubuka,

Contemporary Zulu Bible 2024

²⁰ Ukukhonza izithombe, ubuthakathi, inzondo, ukuxabana, umona, ulaka, ukuxabana, ukuhlubuka, ukuhlubuka,

KwabaseGalathiya 5:20 ပူးပေါင်းရင်းမြစ်များ

2 iziKronike 33:6

Wawadabulisa amadodana akhe emlilweni esigodini sendodana kaHinomu, wahlola imihlola, wenza imilingo, wenza amalumbo wabuye wavumela abanamadlozi nabathakathi, wenza nokunye okubi okuningi phambi kukaSimakade, waze wachukuluza ulaka lukaSimakade.

UHezekeli 22:18

“Ndodana yomuntu, indlu yakwa-Israyeli isingamanyela kimi. Bonke sebeyithusi, ithini, insimbi nomthofu phakathi esithandweni somlilo; bangamanyela esiliva.

KwabaseRoma 2:8

Kepha kulabo okwathi ngenxa yokuzazi bona, abangalilalela iqiniso, kepha balalela ukungalungi, bayobhekana nolaka nentukuthelo.

1 kwabaseKorinte 11:19

Empeleni kufanele ukuba kube khona amaqembu phakathi kwenu, ukuze abaqotho bavele obala.

2 kwabaseKorinte 11:19

Nina niyazibekezelela ngenjabulo iziwula, nibe nihlakaniphile nina,

2 kwabaseKorinte 12:20

Ngokuba nginovalo lokuthi lapho ngifika kini, mhlawumbe ngizakunifumana ningenjengalokho engikulindele, nami ningifumane nginjengalokho eningakulindele. Nginovalo, hleze kube khona ukuphikisana, umona, ukuthukuthela, imibango, ukuhleba, ukuzikhukhumeza nezinxushunxushu,

KwabaseGalathiya 5:15

Kepha uma nilumana, ninephulana nodwa, qaphelani, funa niqedane.

UDuteronomi 18:10

Makungafunyanwa muntu phakathi kwenu onikela ngendodana yakhe noma ngendodakazi yakhe ngokuyidabulisa emlilweni, noma umbhuli, ohlola imihlola, owenza imilingo, noma umlumbi,

KuThithu 3:10

Mgweme umuntu odala ukwehlukana uma usumyale kanye nomakabili,

EkaJakobe 3:14

Kepha uma ninomhawu onzima nobugovu ezinhliziyweni zenu, ningazigabisi, niqambe amanga nimelane neqiniso.

2 kaPetru 2:1

Kepha kwakukhona nabaphrofethi bamanga phakathi kwesizwe, njengokuba naphakathi kwenu kuzokuba khona abafundisi bamanga abazongenisa ngesinyenyela izimfundiso ezidukisayo nezibhubhisayo, bephika noMbusi owabathengayo, bazilethele ukubhujiswa okusheshayo.

1 kaJohane 3:15

Umuntu ozonda umzalwane wakhe ungumbulali. Niyazi-ke ukuthi akukho mbulali onokuphila okuphakade.

IsAmbulo 21:8

“Kepha amagwala, abangakholwayo, abanengekayo, ababulali, izifebe, abathakathi, abakhonza izithombe, nabo bonke abaqamba amanga, isabelo sabo siyakuba sechibini elivutha umlilo nesibabuli; lokho-ke ngukufa kwesibili.”

1 Samuweli 15:23

Ngokuba ukwambuka kunjengesono sokubhula, nenkani ifana nobubi nokukhonza izithombe. Ngokuba ulilahlile izwi likaSimakade, naye ukulahlile, awusezukuba yinkosi.”