AmaHubo 123:3 - IsiZulu 2020

³ Sihawukele, Simakade, sihawukele, ngokuba sesikhathele wukwedelelwa.

IBHAYIBHELI ELINGCWELE

³ Sihawukele, Jehova sihawukele, ngokuba sesidiniwe kakhulu ngukudelelwa.

Contemporary Zulu Bible 2024

³ Sihawukele, Jehova, sihawukele, ngokuba sidelelekile kakhulu.

AmaHubo 123:3 ပူးပေါင်းရင်းမြစ်များ

2 Samuweli 6:16

Kwathi lapho umphongolo kaSimakade ungena nje emzini kaDavide, uMikhali, indodakazi kaSawule, walunguza efasiteleni, wabona inkosi uDavide itshekula, isina phambi kukaSimakade; wayedelela enhliziyweni yakhe.

2 AmaKhosi 19:3

Bathi kuye: “Usho kanje uHezekiya, uthi: ‘Lolu lusuku losizi, nolokusolwa nolokwedelelwa, ngokuba abantwana sebekulungele ukuzalwa, kodwa awekho amandla okubazala.

UJobe 19:15

Abagogobele endlini yami nezincekukazi zami bangenza umfokazi, sengingowezizwe emehlweni abo.

AmaHubo 4:1

Ngiphendule lapho ngikhala, Nkulunkulu ongukulunga kwami. Ekucindezelweni wangenzela indawo ebanzi; yiba nomusa kimi, uzwe umkhuleko wami.

AmaHubo 57:1

Yiba nomusa kimi, Nkulunkulu, ngihawukele. Ngokuba umphefumulo wami uphephela kuwe. Ngizokhosela emthunzini wamaphiko akho, zize zedlule izinhlekelele.

U-Isaya 53:3

Yayidelelekile, yashiywa ngabantu, umuntu wobuhlungu okujwayele ukugula; yayeyiswa, injengofihlelwa ubuso ngabantu, asiyishayanga nto yalutho.

IsiLilo 3:30

Makamnike isihlathi ommukulayo, asuthe inhlamba.

UHezekeli 36:15

“ ‘ “Ngiyakwenza ukuba ungabe usazizwa izinhlamba zabezizwe. Awusayukulithwala ihlazo labantu, ungabe usasikhubekisa nesizwe sakini,” ’ ” kusho iNkosi uSimakade.

UHezekeli 36:6

Ngakho-ke phrofetha ngezwe lakwa-Israyeli, uthi ezintabeni, emagqumeni, emifuleni nasezigodini: ‘Isho kanje iNkosi uSimakade, ithi: “Ngikhulume nginesikhwele nolaka oluvuthayo, ngokuba benithwele ihlazo labezizwe.

NgokukaLuka 16:14

Kuthe abaFarisi ababethanda imali, bangakuzwa konke lokho, bamedelela.

NgokukaLuka 23:35

Abantu bema, bebukela, kanti ababusi babemklolodela, bethi: “Wasindisa abanye; makazisindise Yena, uma enguKhristu, okhethiweyo kaNkulunkulu.”